I Samuel 24:7 - Nau Brah Ndu Ngơi 2023

⁷ Păng lah ma phung tĭng ndô̆ păng: “Dăn Brah Yêhôva lơi ăn gâp ƀư tih đah kôranh gâp, jêng nơm Brah Yêhôva tŏ dak ƀâu kah, lơi ăn ti gâp pah ta păng, yorlah Y-Sôl jêng nơm Brah Yêhôva tŏ dak ƀâu kah.”

I Samuel 24:7 Iomraidhean Croise

II Samuel 1:14

Y-Đavit lah: “Mâm ƀư may mâu klach ôh yơr ti may nkhĭt bunuyh Brah Yêhôva tŏ jêh dak ƀâu kah?”

Nau Mprơ Ơm 7:4

Tơlah gâp mplơ̆ nau mhĭk ma bunuyh gŭ đăp mpăn ndrel đah gâp Jêh ri ntŭng pit phung rlăng gâp mâu geh nau

Mathay 5:44

Ƀiălah Gâp lah ma khân may: Rŏng hom bunuyh rlăng đah may jêh ri mbơh sơm hom ma phung ƀư mhĭk ma khân may

I Samuel 12:3

Aơ, gâp dâk ta aơ. Nkoch mbơh hom ma gâp tanăp Brah Yêhôva jêh ri tanăp nơm Păng tŏ jêh dak ƀâu kah: Mbu ndrôk gâp mâp sŏk jêh? Mâu lah mbu seh bri gâp mâp sŏk jêh? Mâu lah mbu nơm gâp geh ndơm mƀruh? Mbu nơm gâp tŭn jot jêh? Mbah tă ti gâp lĕ mâp sŏk jêh drăp bu blŏl gay nkŭm lơi măt gâp ma ndơ nây? Tơlah geh, gâp mra mplơ̆ sĭt ndơ nây ma khân may.”

I Samuel 24:6

Pônây, nuih n'hâm Y-Đavit nduyh êng păng nơm yor nau păng koh ntôr ao rjai hađăch Y-Sôl.

I Samuel 24:8

Y-Đavit lah lĕ nau ngơi nây gay nduyh phung tĭng ndô̆ păng, jêh ri buay khân păng lơi dĭng rduh lơh Y-Sôl. Bi Y-Sôl dâk hăn luh bơh trôm lŭ, jêh ri hăn tay trong păng.

I Samuel 25:33

Mât ton ma nau ay blau mĭn jêh ri ăn nau ueh uĭn ma ay, yorlah nar aơ ay hŏ nkân jêh gâp tă bơh nau ƀư nkhŭt mham jêh ri nkân ti gâp gay plơng har.

I Samuel 26:23

Brah Yêhôva mra nkhôm ăn ăp nơm tĭng nâm nau sŏng srăng jêh ri nuih n'hâm răp jăp păng. Nar aơ, Păng hŏ jao jêh hađăch tâm ti gâp, ƀiălah gâp mâu ŭch yơr ti gâp ƀư ma nơm Brah Yêhôva hŏ tŏ jêh dak ƀâu kah.

I Samuel 26:9

Ƀiălah Y-Đavit lah ma Y-Abisai: “Lơi nkhĭt păng! Yorlah mbu moh yơr ti lơh nơm Brah Yêhôva hŏ tŏ dak ƀâu kah jêh ƀiălah mâu geh nau rmal ôh?”