I Samuel 24:5 - Nau Brah Ndu Ngơi 2023

⁵ Phung tĭng ndô̆ Y-Đavit lah ma păng: “Aơ jêng nar Brah Yêhôva hŏ lah ma may: ‘Aơ, Gâp jao phung rlăng may tâm ti may. Lơh hom ma păng tĭng may ŭch.’” Ƀiălah Y-Đavit dâk, koh ntŭng ntôr ao rjai Y-Sôl.

I Samuel 24:5 Iomraidhean Croise

II Samuel 12:9

Mâm ƀư may mưch rmot nau Brah Yêhôva ngơi, ŭch ƀư nau mhĭk tanăp măt Păng? May hŏ sŏk đao phung Ammôn nkhĭt Y-Uri, bunuyh Hitit, sŏk jêh ur păng njêng ur may.

II Samuel 24:10

Tơlah jêh nau kơp phung ƀon lan nuih n'hâm Y-Đavit nâm bu sôch bu sôr. Y-Đavit ngơi ma Brah Yêhôva: “Gâp hŏ ƀư tih toyh ngăn jêh tâm nau gâp hŏ ƀư jêh. Ƀiălah aƀaơ, hơi Brah Yêhôva! Dăn jut lơi nau kue bơh oh mon May hŏ ƀư tih, yorlah gâp ƀư jêh ma nau rluk ngăn.”

II Phung Hađăch 22:19

‘Tơlah may tăng nau Gâp lah tâm rdâng đah ntŭk aơ jêh ri tâm rdâng đah phung ƀon lan păng pô aơ, ntŭk aơ mra jêng rngol, phung ƀon lan bu rak rtăp, yorlah may geh nuih n'hâm rmal, trŭnh săk may nơm tanăp măt Brah Yêhôva, nkhêk ao may nơm jêh ri nhhiăng nhĭm tanăp măt Gâp. Yor ri, Gâp hŏ tăng jêh nau may mbơh sơm.

Nau Mprơ Ơm 59:11

Ơ Kôranh Brah, jêng khêl ma hên! Lơi ta nkhĭt ro ma khân păng, klach lah phung ƀon lan May gơnh chuêl nau May yô̆; Sŏk hom nau brah May ƀư ma khân păng du pru pra Jêh ri ƀư rai khân păng.

I Samuel 26:8

Y-Abisai lah ma Y-Đavit: “Nar aơ, Brah Ndu jao jêh nơm rlăng may tâm ti may. Ăn gâp sŏk tak gay ntâp păng, knŏng du tong dơm mra rchiăt păng tâm neh; mâu hôm ŭch ntâp tal bar ôh.”