I Samuel 24:21 - Nau Brah Ndu Ngơi 2023

²¹ Aƀaơ, gâp gĭt ngăn may mra jêng hađăch, jêh ri ƀon bri hađăch Israel mra nâp jŏ tâm ti may.

I Samuel 24:21 Iomraidhean Croise

Nau Ntơm 21:23

Yor nây aƀaơ aơ, tanăp măt Brah Ndu ăn may ton ma gâp pô aơ may mâu ôh mra ndơm gâp, kon sau mâu lah noi deh gâp, ƀiălah may mra ƀư ueh ma gâp jêh ri ma n'gor may gŭ njưh ăt ƀư ueh ngăn ngên, tâm ban ma gâp hŏ ƀư ueh ma may.”

Nau Ntơm 31:48

Y-Laban lah: “Nar aơ mbŭch bun lŭ aơ jêng nau mbơh nanê̆ ngăn ndrăng he gâp đah may nar aơ.” Yor nây bu rnha ntŭk nây Galet.

Nau Ntơm 31:53

Dăn Brah Ndu Y-Abraham jêh ri Brah Ndu Y-Nahôr phat dôih ta nklang ndrăng he!” Y-Yakôb tâm amoh Nơm mbơ̆ păng jêng Y-Isăk klach yơk jêh ri păng ton,

ហេឞ្រើ 6:16

N'hêl nanê̆ ngăn, phung bunuyh vay sŏk amoh du huê nơm toyh lơn ma khân păng nơm gay ma sân săk, jêh ri lĕ rngôch nau tâm rlăch nglĕ dŭt ma du nau ton gay ma nanê̆ lơn.

I Samuel 23:17

Y-Jônathan lah: “Lơi klach ôh, yorlah ti mbơ̆ gâp jêng Y-Sôl mâu mra pah ma may ôh. May mra jêng hađăch phung Israel, bi gâp mra jêng kôranh chiă uănh ma may. Y-Sôl, mbơ̆ gâp, gĭt đŏng rah vah kơt nĕ.”

I Samuel 25:28

Dăn yô̆ an nau tih ma oh mon bu ur kôranh! N'hêl nanê̆ Brah Yêhôva mra njêng ma kôranh gâp geh du ngih nâp, yorlah kôranh gâp tâm lơh ăn ma Brah Yêhôva, jêh ri lôch nau rêh kôranh mâu mra geh du nau mhĭk tâm may ôh.

I Samuel 25:30

Tơlah Brah Yêhôva hŏ ƀư jêh ma kôranh gâp lĕ rngôch nau ueh Păng hŏ ton jêh, jêh ri tơlah păng hŏ njêng may ƀư kôranh chiă uănh ma phung Israel,