I Samuel 23:6 - Nau Brah Ndu Ngơi 2023

⁶ Tơlah kon Y-Ahimalek jêng Y-Abiathar, nchuăt du krap ndrel ma Y-Đavit, păng geh djôt du êphôt, jêh ri ndrel ma Y-Đavit hăn tât ta Keila.

I Samuel 23:6 Iomraidhean Croise

I Phung Hađăch 2:26

Jêh nau nây, hađăch ntăm ma kôranh ƀư brah Y-Abiathar: “Hăn sĭt hom ma tâm mir may ta Anathôt, yorlah may khư khĭt. Ƀiălah nar aơ gâp mâu nkhĭt ôh may, yorlah may tung Hip Nau Tâm Rnglăp Kôranh Brah jêng Brah Yêhôva, tanăp măt Y-Đavit, mbơ̆ gâp, jêh ri yor may lĕ tâm pă jêh lĕ rngôch nau rêh ni nđâp ma mbơ̆ gâp.”

Nau Ngluh Êjipt 28:6

“Khân păng mra jĭm êphôt nê̆ ăn ueh ma brai mhay rhên, rse brai chrêk, brai ĭr, brai chăng krăk jêh ri brai sut.

I Samuel 14:18

Y-Sôl lah ma Y-Ahija: “Djôt leo hom Hip Nau Tâm Rnglăp Brah Ndu văch ta aơ.” (Yorlah rnôk nây, Hip Nau Tâm Rnglăp Brah Ndu bu tung leo ndrel phung Israel).

I Samuel 14:3

Geh Y-Ahija, kon Y-Ahitup (Y-Ahitup jêng nâu Y-Ikabôt, kon Y-Phinêas, sau Y-Êli, kôranh ƀư brah Brah Yêhôva ta Silô), nôk nây nsoh ao êphôt. Bu mâu gĭt ôh ma Y-Jônathan lĕ hăn du jêh.

I Samuel 22:20

Ƀiălah du huê tâm phung kon bu klâu Y-Ahimalek, sau Y-Ahitup, amoh Y-Abiathar, klaih jêh ri hăn tĭng ndô̆ Y-Đavit.

I Samuel 23:2

Y-Đavit ôp ma Brah Yêhôva: “Gâp mra hăn tâm lơh đah phung Philistin aơ lĕ?” Brah Yêhôva lah ma Y-Đavit: “Hăn tâm lơh hom đah phung Philistin jêh ri tâm rklaih ƀon Keila.”

I Samuel 23:5

Pônây, Y-Đavit nđâp ma phung hăn tĭng păng tât ma Keila, tâm lơh đah phung Philistin, nhŭp lĕ mpô mpa rong khân păng, jêh ri ƀư ma khân păng khĭt âk ngăn. Pôri Y-Đavit tâm rklaih jêh phung ƀon Keila.

I Samuel 23:7

Bu mbơh ma Y-Sôl nau Y-Đavit lĕ tât jêh ta Keila. Y-Sôl lah: “Brah Ndu hŏ jao jêh păng tâm ti gâp, yorlah păng hŏ krŭng păng nơm nôk păng hăn lăp tâm ƀon geh mpông ndâl jêh ri rnăng nđăng.”

I Samuel 23:9

Ƀiălah Y-Đavit gĭt pô aơ Y-Sôl chră ŭch ƀư mhĭk ma păng, păng lah ma kôranh ƀư brah Y-Abiathar: “Djôt leo hom êphôt văch ta aơ.”

I Samuel 30:7

Păng ngơi đah kôranh ƀư brah Y-Abiathar, kon Y-Ahimalek: “Ăn may djôt leo hom êphôt tât ma gâp.” Y-Abiathar djôt leo êphôt tât ma Y-Đavit.