I Samuel 23:4 - Nau Brah Ndu Ngơi 2023

⁴ Y-Đavit ôp tay ma Brah Yêhôva, jêh ri Brah Yêhôva plơ̆ lah ma păng: “Dâk hom, hăn trŭnh ma Keila, Gâp mra jao phung Philistin tâm ti may.”

I Samuel 23:4 Iomraidhean Croise

II Samuel 2:1

Jêh nau nây, Y-Đavit ôp ma Brah Yêhôva: “Gâp dơi lĕ hăn ma du ƀon tâm ăp rplay ƀon tâm n'gor Yuđa?” Brah Yêhôva plơ̆ lah: “Hăn hao hom.” Y-Đavit lup tay: “Moh ƀon gâp mra hăn?” Brah Yêhôva plơ̆ lah: “Ƀon Hêbron.”

II Samuel 5:19

Rnôk nây, Y-Đavit ôp ma Brah Yêhôva: “Di lĕ gâp dơi hăn tâm lơh đah phung Philistin? May mra jao khân păng tâm ti gâp lĕ?” Brah Yêhôva plơ̆ lah ma Y-Đavit: “Hăn hao hom, yorlah n'hêl nanê̆ Gâp mra jao phung Philistin tâm ti may.”

II Phung Hađăch 3:18

Ƀiălah nau aơ knŏng jêng nau jê̆ tanăp măt Brah Yêhôva. Păng mra jao phung Môap tâm ti khân may tâm ban lĕ.

I Nau Rêh Jêng 14:10

Y-Đavit ôp ma Brah Ndu: “Di lĕ gâp dơi hăn tâm lơh đah phung Philistin? Kôranh Brah mra jao khân păng tâm ti gâp lĕ?” Brah Yêhôva plơ̆ lah: “Hăn lơh hom, Gâp mra jao khân păng tâm ti may.”

Yôsuê 8:7

khân may mra luh du bơh ntŭk khân may gŭ kâp dâp jêh ri pit sŏk ƀon, yorlah Yêhôva Brah Ndu khân may mra jao ƀon nây tâm ti khân may.

Phung Kôranh Phat Dôih 6:39

Y-Gidêôn lah tay ma Brah Ndu pô aơ: “Dăn Kôranh Brah lơi hao ji nuih ma gâp ôh, ăn gâp knŏng ngơi du tơ̆ đŏng. Dăn Kôranh Brah ăn gâp rlong uănh du tơ̆ đŏng ma du mpư rsau biăp: Dăn May ăn knŏng du mpư rsau biăp jêng sơh, bi ma dak ngom geh lam ta klơ neh.”

Phung Kôranh Phat Dôih 7:7

Nôk nây, Brah Yêhôva lah ma Y-Gidêôn: “Gâp mra dŏng pe rhiăng nuyh hŏ huch dak nây gay rklaih khân may, jêh ri Gâp mra jao phung Madian tâm ti may. Bi lĕ rngôch phung êng, plơ̆ sĭt hom ma ngih păng nơm!”

Phung Kôranh Phat Dôih 7:9

Tâm măng nây, Brah Yêhôva lah ma Y-Gidêôn: “Dâk hom, hăn trŭnh rduh lơh rmlak tahan Madian, yorlah Gâp jao jêh khân păng tâm ti may.

I Samuel 10:22

Yor ri, khân păng ôp đŏng ma Brah Yêhôva: “Bunuyh nây văch lĕ ta aơ?” Brah Yêhôva lah: “Aơ păng du krap jêh ta nklang ndô ndơ.”

I Samuel 23:2

Y-Đavit ôp ma Brah Yêhôva: “Gâp mra hăn tâm lơh đah phung Philistin aơ lĕ?” Brah Yêhôva lah ma Y-Đavit: “Hăn tâm lơh hom đah phung Philistin jêh ri tâm rklaih ƀon Keila.”

I Samuel 23:3

Ƀiălah, phung hăn tĭng Y-Đavit lah: “Gŭ ta aơ, tâm n'gor Yuđa, hên klach ngăn, rlau lơn ma nây hăn tât ta Keila gay tâm lơh đah phung Philistin!”

I Samuel 23:5

Pônây, Y-Đavit nđâp ma phung hăn tĭng păng tât ma Keila, tâm lơh đah phung Philistin, nhŭp lĕ mpô mpa rong khân păng, jêh ri ƀư ma khân păng khĭt âk ngăn. Pôri Y-Đavit tâm rklaih jêh phung ƀon Keila.

I Samuel 28:6

Y-Sôl ôp ma Brah Yêhôva, ƀiălah Brah Yêhôva mâu plơ̆ lah ôh, mâu lĕ saơ nau mbơi, mâu lah ma Urim, mâu lah ma phung nơm mbơh lor.

I Samuel 30:8

Y-Đavit ôp ma Brah Yêhôva: “Gâp mra hăn tĭng phung tahan nây lĕ? Gâp mra tĭng ban lĕ khân păng?” Brah Yêhôva lah: “Hăn tĭng hom khân păng, nanê̆ ngăn may mra ban, jêh ri rklaih lĕ phung bu nhŭp.”