I Samuel 23:17 - Nau Brah Ndu Ngơi 2023

¹⁷ Y-Jônathan lah: “Lơi klach ôh, yorlah ti mbơ̆ gâp jêng Y-Sôl mâu mra pah ma may ôh. May mra jêng hađăch phung Israel, bi gâp mra jêng kôranh chiă uănh ma may. Y-Sôl, mbơ̆ gâp, gĭt đŏng rah vah kơt nĕ.”

I Samuel 23:17 Iomraidhean Croise

Nau Mprơ Ơm 118:6

Brah Yêhôva gŭ koh dŏng gâp, gâp mâu mra klach ôh, Moh bunuyh dơi mra ƀư ma gâp?

Nau Hôr 14:26

Tâm nau klach yơk ma Brah Yêhôva geh ntŭk rnơm nsing nâp ngăn, Jêh ri phung jêng kon Păng mra dơi geh du ntŭk gŭ krap.

Nau Hôr 19:21

Tâm nuih n'hâm bunuyh geh âk nau nchră, Ƀiălah nau ŭch bơh Brah Yêhôva mra dơi jêng.

Êsai 35:3

Ƀư ăn ktang hom lĕ mpang ti rdja, Ƀư ăn dơi nâp hom lĕ kômâk râm nsâr!

Êsai 35:4

Lah hom ma phung geh nuih n'hâm klach pô aơ: “Gŭ nâp hom nuih n'hâm, lơi klach ôh! Aơ, Brah Ndu khân may mra văch ma nau plơng bôk, Jêng nau plơng bơh Brah Ndu. Păng yơh mra văch jêh ri tâm rklaih khân may!”

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Luka 12:32

Hơi phung jê̆, lơi klach ôh, yorlah Mbơ̆ khân may di nuih n'hâm ăn ƀon bri hađăch Păng ma khân may jêh.

Kôranh Oh Mon 28:16

Tơlah hên tât jêh ta ƀon Rôm, Y-Pôl dơi ăn gŭ ndrel ma du huê tahan gak.

Kôranh Oh Mon 5:39

ƀiălah tơlah luh tă bơh Brah Ndu, khân may mâu dơi ƀư rai khân păng ôh; ƀiălah, khân may sân săk khân may nơm tâm lơh tâm rdâng đah Brah Ndu.” Pôri, khân păng iăt tĭng nau Y-Gamaliel nkah.

Samƀŭt Pôl Njuăl Ăn Ma Phung Nsing Ta Ƀon Rôm 15:24

Gâp kâp gân mra hăn khâl khân may ta trong hăn tât ta n'gor Êspanh; jêh ri pakơi gâp geh nau maak yor gâp gŭ ndrel khân may djê̆ nar, gâp ŭch khân may kơl njŭn leo gâp tât ta n'gor nây.

ហេឞ្រើ 13:6

Pôri, he dơi janh lah: “Kôranh Brah kơl gâp, gâp mâu mra klach ôh. Moh bunuyh dơi ƀư ma gâp.”

I Samuel 20:31

Nanê̆ ngăn, ndah ir jŏ kon Y-Yêsê hôm rêh ta neh ntu, may mâu lah ƀon bri hađăch may mâu lĕ mra jêng nâp ktang! Pôri aƀaơ, prơh hom bunuyh hăn joi păng, njŭn leo păng sĭt ma gâp! Yorlah n'hêl nê̆ păng mra khĭt!”

I Samuel 22:23

Gŭ hom ndrel ma gâp, lơi klach ôh! Yorlah mbu joi nau ƀư mhĭk ma nau rêh may jêng joi nau ƀư mhĭk đŏng ma nau rêh gâp. Gŭ ndrel ma gâp, may mra dơi geh nau đăp mpăn.”

I Samuel 24:19

Nar aơ, may hŏ mpơl jêh pô aơ may ƀư nau ueh ma gâp; yorlah Brah Yêhôva hŏ jao gâp tâm ti may, ƀiălah may mâu geh nkhĭt gâp ôh.

I Samuel 24:20

Tơlah du huê bunuyh tâm mâp đah rlăng păng, păng om lĕ rlăng păng hăn đăp mpăn? Dăn ma Brah Yêhôva sŏk nau ueh mplơ̆ sĭt ma may tĭng nâm nau may ƀư jêh ma gâp nar aơ!

I Samuel 24:21

Aƀaơ, gâp gĭt ngăn may mra jêng hađăch, jêh ri ƀon bri hađăch Israel mra nâp jŏ tâm ti may.

I Samuel 24:4

Y-Sôl hăn văch dăch ndrung biăp êp trong. Ta nây geh du trôm lŭ, Y-Sôl lăp ta nây gay hăn puk ndŭl. Nôk nây, Y-Đavit jêh ri phung tĭng ndô̆ păng dôl gŭ tâm glĕ dŭt trôm.

I Samuel 25:30

Tơlah Brah Yêhôva hŏ ƀư jêh ma kôranh gâp lĕ rngôch nau ueh Păng hŏ ton jêh, jêh ri tơlah păng hŏ njêng may ƀư kôranh chiă uănh ma phung Israel,