I Samuel 23:1 - Nau Brah Ndu Ngơi 2023

¹ Bu văch mbơh ma Y-Đavit: “Ri, phung Philistin hăn lơh ƀon Keila jêh ri pit sŏk lĕ ntŭk mprah ba.”

I Samuel 23:1 Iomraidhean Croise

Daniel 2:35

Rnôk nây loih, neh uk, kông, prăk jêh ri mah nchah hăch da dê, tâm ban ma lâk ta ntŭk mprah ba yan vai, jêh ri sial khôm rdu mâu hôm saơ têl ôh. Ƀiălah glo lŭ hŏ dong ta rup jêng du rplay yôk toyh, bêng lam neh ntu.

Kan Lêvi 26:16

Gâp mra ƀư lĕ nau ma khân may: Gâp mra nkhŭt nau krit kir tât ma khân may, nau ji khô hiăn jêh ri nau ji kăt, ƀư vĭr măt khân may jêh ri ƀư rngot nuih n'hâm khân may. Khân may mra huăr srih ntil yorlah phung rlăng đah khân may mra sa lĕ ndơ nây.

Mika 6:15

May mra srih ƀiălah mâu geh ôh rek; May mra păt dak ngi ôlive ƀiălah mâu geh mhĭng dak ƀâu kah; May mra jot dak krăk ƀâu ƀiălah mâu geh ôh nhêt ndrănh.

Nau Vay Nkah Tay 28:33

Du phung ndŭl mpôl khân may mâu mâp gĭt năl ôh mra sa lĕ ro play kao bơh n'gor khân may jêh ri bơh lĕ n'hâm suan khân may pah kan; bu mra tŭn jot jêh ri jot nkrâm khân may ƀaƀơ,

Nau Vay Nkah Tay 28:51

Khân păng mra sa mpô mpa rong, play kao bơh neh khân may kŏ tât khân may rai lôch. Khân păng mâu mra lơi ôh ma khân may ba, ndrănh, dak ngi, ndrôk kon mâu lah biăp kon kŏ tât khân may rai lôch.

Yôsuê 15:44

Keila, Aksip, jêh ri Marêsa: lĕ rngôch jêng sĭn ƀon ndrel ma ƀon jê̆ khân păng.

Phung Kôranh Phat Dôih 6:11

Dôl nôk nây tông mpăr Brah Yêhôva tât gŭ tâm dâng tơm n'ho ta ƀon Ôphra, tơm si nây jêng ndơ Y-Jôas, phung Abiêser. Dôl nây kon bu klâu Y-Jôas jêng Y-Gidêôn gŭ mprah ba ôrgơ ta ntŭk bu păt ndrănh gay der ma phung Madian.

Phung Kôranh Phat Dôih 6:4

Khân păng ƀư ntŭk rmlak tâm rdâng đah phung ƀon lan Israel jêh ri ƀư rai mir ba tâm n'gor kŏ tât Gaxa, mâu hôm ôh om du ntil ndơ sông sa ma phung Israel, biăp, ndrôk mâu lah seh bri.