I Samuel 22:8 - Nau Brah Ndu Ngơi 2023

⁸ Pônây, mâm dĭng lĕ rngôch khân may geh nau ndơm tâm rdâng đah gâp, jêh ri mâm dĭng mâu ăn gâp gĭt ma kon bu klâu gâp hŏ ƀư tâm rnglăp đah kon bu klâu Y-Yêsê? Mâm dĭng mâu yô̆ nđach ma gâp, ăn gâp gĭt lor ma kon bu klâu gâp nsŭk nsôr jêh oh mon gâp tâm rdâng đah gâp, tâm chră ŭch ƀư mhĭk ma gâp, nâm bu păng hŏ ƀư nar aơ?”

I Samuel 22:8 Iomraidhean Croise

II Phung Hađăch 6:11

Nau nây ƀư ma hađăch Aram uh ah ngăn tâm nau mĭn, pôri păng kuăl phung oh mon păng jêh ri lah: “Khân may mra tâm mpơl lĕ ma gâp, mbu nơm tâm phung he gŭ mpeh ma hađăch Israel?”

Ndrom Samƀŭt bơh Yôp 33:16

Nôk nây, Păng pơk trôm tôr kon bunuyh, Tâp pŏng lĕ Nau ntăm nti,

I Samuel 18:1

Y-Đavit ngơi đah Y-Sôl lôch jêh, nuih n'hâm Y-Jônathan tâm lăp đah nuih n'hâm Y-Đavit, kŏ tât Y-Jônathan rŏng ma Y-Đavit nâm bu nau rêh păng nơm.

I Samuel 18:3

Y-Jônathan ƀư nau tâm rnglăp đah Y-Đavit, yorlah păng rŏng ma Y-Đavit nâm bu nau rêh păng nơm.

I Samuel 20:2

Y-Jônathan plơ̆ lah ma păng: “Mâu di kơt ri ôh! May mâu khĭt ôh. Mbơ̆ gâp mâu ƀư ôh du ntil nau, nđâp lah toyh mâu lah jê̆, păng vay mbơh lor ma gâp. Pônây, mâm dĭng mbơ̆ gâp pôn nau nây ma gâp? Nau nây mâu di ôh!”

I Samuel 20:42

Y-Jônathan lah ma Y-Đavit: “Hăn hom đăp mpăn! He hŏ sŏk jêh amoh Brah Yêhôva gay njêng nau sơm ton ndrăng he pô aơ: ‘Brah Yêhôva mra ƀư nau mbơh vah vang may đah gâp, vah vang noi deh gâp đah noi deh may kŏ tât ƀaƀơ n'ho ro.’”

I Samuel 20:8

Pônây, mpơl hom nau ueh ma oh mon may, yorlah may hŏ sŏk amoh Brah Yêhôva gay ƀư tâm rnglăp đah oh mon may. Tơlah moh nau tih geh tâm gâp, ăn may nơm nkhĭt hom gâp, ƀiălah mâm ƀư may njŭn leo gâp tât ma mbơ̆ may?”

I Samuel 22:13

Y-Sôl lah tay: “Mâm ƀư may du ai tâm chră jêh ndrel ma kon Y-Yêsê ŭch tâm rdâng đah gâp? May geh ăn piăng let ma păng jêh ri njŭn ma păng du n'gâr đao, jêh ri ôp jêh ma Brah Ndu yor păng, gay ma păng tâm rdâng đah gâp, mĭn ŭch ƀư mhĭk ma gâp, nâm bu păng hŏ ƀư jêh nar aơ?”

I Samuel 23:21

Y-Sôl lah: “Dăn ma Brah Yêhôva ăn nau ueh uĭn ma khân may, yor khân may geh nuih n'hâm yô̆ nđach ma gâp!