I Samuel 22:7 - Nau Brah Ndu Ngơi 2023

⁷ Y-Sôl lah ma phung oh mon dâk jŭm êp păng: “Hơi phung Benjamin, iăt hom! Di lĕ kon Y-Yêsê mra ăn lĕ ma khân may lĕ mir jêh ri đang krăk ƀâu? Khân may kâp gân păng mra n'hao kan ma khân may jêng kôranh chiă uănh toyh ma rbăn nuyh jêh ri ma rhiăng nuyh lĕ?

I Samuel 22:7 Iomraidhean Croise

II Samuel 18:1

Y-Đavit kơp phung tahan tĭng păng, jêh nây dơm phung kôranh chiă uănh toyh ma du rbăn nuyh tahan jêh ri ma du rhiăng nuyh tahan.

II Samuel 20:1

Ta nây geh du huê bunuyh dơm dam, amoh Y-Sêba, kon bu klâu Y-Bikri, bunuyh Benjamin. Păng uh nŭng jêh ri kuăl: “He mâu geh du kô̆ tâm Y-Đavit ôh, Mâu đŏng geh dơn drăp ndơ tâm kon Y-Yêsê Hơi phung Israel, ăp nơm plơ̆ sĭt hom ma ngih păng nơm!”

I Phung Hađăch 12:16

Tơlah saơ hađăch mâu ŭch iăt ôh nau khân păng dăn, lĕ rngôch phung Israel plơ̆ lah ma hađăch: “Moh kô̆ hên geh tâm ngih Y-Đavit? Hên mâu geh drăp ndơn ôh tâm kon Y-Yêsê. Ơ phung Israel! Plơ̆ sĭt hom ma ngih bok khân may. Hơi Y-Đavit! Ntơm bơh aƀaơ uănh njrăng hom ma ngih khân may.” Jêh nây phung ƀon lan Israel plơ̆ sĭt ma ngih bok khân păng.

I Nau Rêh Jêng 12:16

Ƀaƀă phung Benjamin jêh ri phung Yuđa văch mâp Y-Đavit ta pôih.

Êsai 11:1

Du mlâm nkeh mra hon bơh tơm Y-Yêsê, Du mlâm n'gĭng tă bơh reh păng mra geh play.

Êsai 11:10

Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

I Samuel 18:14

Y-Đavit geh nau dơi tâm lĕ kan păng ƀư yorlah Brah Yêhôva gŭ ndrel ma păng.

I Samuel 20:27

Ƀiălah nar tal bar nar rƀŭn khay mhe, ntŭk Y-Đavit jêng nsoih. Y-Sôl ôp ma Y-Jônathan, kon bu klâu păng: “Mâm ƀư nđaơ jêh ri nar aơ kon bu klâu Y-Yêsê mâu hăn văch ma nau sông sa?”

I Samuel 20:30

Nôk nây, Y-Sôl hao ji nuih ngăn ma Y-Jônathan, jêh ri lah: “May jêng nơm kon tih mhĭk jêh ri mâu gŭ răp jăp! Gâp mâu gĭt hĕ ma may lĕ ƀư băl đah kon Y-Yêsê, ƀư bêk prêng ma may nơm, jêh ri ƀư bêk prêng ma mê̆ may hŏ deh may?

I Samuel 22:13

Y-Sôl lah tay: “Mâm ƀư may du ai tâm chră jêh ndrel ma kon Y-Yêsê ŭch tâm rdâng đah gâp? May geh ăn piăng let ma păng jêh ri njŭn ma păng du n'gâr đao, jêh ri ôp jêh ma Brah Ndu yor păng, gay ma păng tâm rdâng đah gâp, mĭn ŭch ƀư mhĭk ma gâp, nâm bu păng hŏ ƀư jêh nar aơ?”

I Samuel 22:9

Rnôk nây, Y-Dôek jêng du huê Êđôm, dôl dâk êp ma phung oh mon Y-Sôl, lah: “Gâp hŏ saơ jêh kon bu klâu Y-Yêsê hăn rlet ma Nôp, lăp ngih Y-Ahimalek, kon bu klâu Y-Ahitup.

I Samuel 25:10

Ƀiălah Y-Nabal plơ̆ lah ma phung oh mon Y-Đavit: “Mbu moh Y-Đavit? Mbu nơm jêng kon bu klâu Y-Yêsê? Nar aơ âk ngăn phung oh mon du ndĕ đah kôranh păng!