I Samuel 22:2 - Nau Brah Ndu Ngơi 2023

² Lĕ rngôch phung geh nau uh ah, khan rnon bu, jêh ri mâu maak ôh, rƀŭn da dê gŭ jŭm păng, jêh ri păng jêng kôranh chiă uănh ma khân păng. Geh klăp lah puăn rhiăng nuyh hăn tĭng păng.

I Samuel 22:2 Iomraidhean Croise

II Samuel 17:8

Y-Husai lah tay: “May gĭt lĕ ma mbơ̆ may jêh ri phung tĭng ndô̆ păng jêng phung tahan janh ktang; khân păng ji nuih nâm bu du mlâm kau tâm bri bu nhŭp ntŭng kon păng. Rlau lơn ma nây, mbơ̆ may jêng du huê tahan vay găn jêh âk nau tât, păng mâu mra bê̆ch măng ndrel ma phung tahan ôh.

II Samuel 5:2

Ntơm bơh kăl e, tơlah hađăch Sôl hôm chiă uănh ma hên, hađăch chiă uănh jêh phung Israel hăn tâm lơh jêh ri khân păng sĭt. Brah Yêhôva lah ma hađăch: ‘May mra rmăk biăp ma phung ƀon lan Gâp, jêh ri jêng hađăch ma phung Israel.’”

II Phung Hađăch 20:5

“Plơ̆ tay hom lah ma Y-Hêsêkia, kôranh ma phung ƀon lan Gâp, pô aơ Yêhôva Brah Ndu Y-Đavit, chô yau may, lah kơt aơ: ‘Gâp tăng jêh nau may mbơh sơm jêh ri saơ jêh dak măt may hoch. Aơ, Gâp mra ƀư bah may; tât nar rơh pe, may mra hăn hao ma ngih Brah Yêhôva.

II Phung Hađăch 4:1

Nôk nây, ur du huê tâm phung oh mon phung nơm mbơh lor vơl ma Y-Êlisê: “Sai gâp jêng oh mon may lĕ khĭt jêh, jêh ri may gĭt jêh ma oh mon may klach yơk jêh ma Brah Yêhôva. Aƀaơ aơ, nơm tơm rnon văch gay nhŭp lơi bar hê kon bu klâu gâp gay ƀư dĭk.”

Nau Hôr 31:6

Djôt leo hom ndrănh ăn ma phung dăch khĭt, Jêh ri ndrănh ăn phung geh nuih n'hâm rngot ngăn;

Mathay 11:12

Ntơm bơh nar Y-Yôhan-Ƀaptist tât aƀaơ, ƀon bri hađăch klơ trôk geh nau n'grŭn mpet hâu ngăn, jêh ri phung djơh mhǐk ŭch pit sŏk ƀon bri hađăch nây.

Mathay 11:28

Hơi lĕ rngôch bunuyh rgănh jêh ri anh jâk, văch hom ta Gâp, Gâp mra ăn khân may rlu.

ហេឞ្រើ 2:10

Yorlah lĕ rngôch ndơ tâm mpơl jêng bơh Brah Ndu jêh ri yor ma Brah Ndu, tơlah Păng ŭch njŭn leo âk kon sau tât ma nau chrêk rmah, Păng ƀư ăn Nơm jêng tơm nau yô̆ tâm rklaih khân păng tâm nau rêh ni gay ma dơn nau ueh rah vah ngăn jêng nau tâm di.

Phung Kôranh Phat Dôih 11:3

Pônây, Y-Jêptê nchuăt du tă bơh phung oh nâu păng jêh ri gŭ tâm n'gor Tôp. Geh du phung blă blơ tâm rnglăp ndrel đah Y-Jêptê jêh ri nsong mblêng pit in ndơ ndrel ma păng.

Phung Kôranh Phat Dôih 18:25

Phung Dan lah ma Y-Mika: “Lơi ăn hên tăng ôh bâr may ta nklang hên, klach lah geh phung ji nuih ma may, jêh nây may jêh ri phung bunuyh tâm ngih may mra roh nau rêh.”

I Samuel 1:10

Nuih n'hâm H'Anna rngot, păng kuăl mbơh sơm ma Brah Yêhôva ma nau nhĭm rngot.

I Samuel 22:3

Ntơm bơh ntŭk nây, Y-Đavit hăn tât Mispê, tâm n'gor Môap, păng lah ma hađăch n'gor Môap: “Dăn ăn mê̆ mbơ̆ gâp gŭ ndrel ma khân may kŏ tât gâp gĭt nau Brah Ndu mra ƀư ma gâp.”

I Samuel 23:13

Pôri, Y-Đavit, jêh ri phung hăn tĭng păng, geh tâm prao rhiăng nuyh, dâk nchuăt tă bơh Keila, jêh ri khân păng hăn ta bơh ntŭk nây tât ntŭk êng. Tơlah bu mbơh nau Y-Đavit nchuăt du jêh tă bơh Keila, Y-Sôl mâu hôm leo phung tahan hăn tĭng ôh.

I Samuel 25:13

Y-Đavit lah ma phung tĭng ndô̆ păng: “Ăn ăp nơm cheng đao păng!” Khân păng cheng đao păng nơm, Y-Đavit tâm ban đŏng cheng đao. Klăp lah tâm puăn rhiăng nuyh hăn hao tĭng Y-Đavit, hôm bar rhiăng nuyh gŭ ta aơ gay mât ndô ndơ.

I Samuel 30:6

Y-Đavit geh nau rêh ni ngăn yorlah bu ŭch klŭp păng ma lŭ, yorlah nuih n'hâm lĕ rngôch phung ƀon lan rngot ngăn yor mĭn ma phung kon bu klâu jêh ri kon bu ur khân păng. Ƀiălah Y-Đavit geh nau ktang bơh Yêhôva Brah Ndu păng nơm.

I Samuel 9:16

“Ôi taơ, di ta mông aơ, Gâp mra prơh du huê bunuyh gŭ ta n'gor Benjamin tât ma may jêh ri may mra mhĭng dak ƀâu kah ma păng gay păng jêng kôranh chiă uănh phung ƀon lan Israel Gâp. Păng mra tâm rklaih phung ƀon lan Gâp tă bơh ti phung Philistin, yorlah Gâp uănh treng jêh phung ƀon lan Gâp, yorlah nau khân păng nter vơl tât jêh ma Gâp.”