I Samuel 22:15 - Nau Brah Ndu Ngơi 2023

¹⁵ Di lĕ nar aơ gây ntơm ôp jêh ma Brah Ndu yor păng? Mâu geh ƀư pônây ôh! Dăn hađăch lơi đing nau tih nây ma oh mon hađăch mâu lah ma bunuyh êng tâm ngih mbơ̆ gâp ma ăp nau, yorlah oh mon hađăch mâu gĭt du ntil ôh, djê̆ mâu lah âk ma nau nây.”

I Samuel 22:15 Iomraidhean Croise

II Samuel 15:11

Geh bar rhiăng nuyh tă bơh Yêrusalem hăn ndrel ma Y-Apsalôm. Khân păng jêng phung bu lĕ jă jêh, khân păng hăn ma nau sŏng, mâu gĭt ma nau nây ôh.

II Samuel 19:18

Khân păng rgăn ntŭk dak krong suăt gay ran mâp phung tâm ngih hađăch jêh ri ƀư lĕ moh ndơ hađăch ŭch. Dôl hađăch ntơm rgăn dak krong Yurdan, Y-Simei, kon bu klâu Y-Gêra, chon mon ta neh tra năp hađăch,

II Samuel 19:19

jêh ri lah: “Vơl dăn ma kôranh gâp lơi klăp ndăng ôh nau tih gâp, jêh ri lơi hôm kah gĭt ma nau djơh mhĭk oh mon may hŏ ƀư tih jêh tâm nar hađăch jêng kôranh gâp du luh tă bơh Yêrusalem. Dăn hađăch lơi djôt prăp ôh nau nây tâm nuih n'hâm.

II Samuel 5:19

Rnôk nây, Y-Đavit ôp ma Brah Yêhôva: “Di lĕ gâp dơi hăn tâm lơh đah phung Philistin? May mra jao khân păng tâm ti gâp lĕ?” Brah Yêhôva plơ̆ lah ma Y-Đavit: “Hăn hao hom, yorlah n'hêl nanê̆ Gâp mra jao phung Philistin tâm ti may.”

II Samuel 5:23

Tơlah Y-Đavit ôp ma Brah Yêhôva, Păng lah: “May lơi hăn hao ôh; hăn ndăch dăr hom pakơi khân păng, jêh nây may mra rduh lơh khân păng rlet mpeh tơm si balsam.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

I Samuel 22:16

Hađăch lah: “Hơi Y-Ahimalek, may jêh ri lĕ rngôch ngih vâl mbơ̆ may khĭt da dê!”

I Samuel 25:36

H'Abigêl plơ̆ sĭt ma Y-Nabal. Aơ, Y-Nabal dôl ƀư nau nhêt sa tâm ngih păng, nâm bu nau nhêt sa ma hađăch. Y-Nabal răm maak ngăn tâm trôm nuih n'hâm jêh ri yorlah păng lĕ nhŭl ndrănh hâu ngăn jêh, pôri H'Abigêl mâu nkoch ôh du ntil ndơ ma păng, nđâp lah nau toyh mâu lah jê̆, kŏ tât kêng ang ôi.