I Samuel 21:7 - Nau Brah Ndu Ngơi 2023

⁷ Tâm ban lĕ tâm nar nây, geh du huê oh mon Y-Sôl gŭ ta nây, bu krŭng păng tanăp Brah Yêhôva. Amoh păng Y-Dôek, bunuyh Êđôm, kôranh ma phung rmăk biăp Y-Sôl.

I Samuel 21:7 Iomraidhean Croise

Nau Ntơm 26:20

phung rmăk biăp ta Gêrar hăn tâm pit đah phung rmăk biăp Y-Isăk. Khân păng lah: “Dak tu aơ jêng hên de,” yor ri păng rnha ntu dak nây jêng Êsek, yorlah phung nây hŏ tâm pit đah păng.

I Nau Rêh Jêng 27:29

Y-Sitrai, bunuyh Sarôn, djôt kan chiă uănh ndrôk phung rong tâm neh lâng Sarôn; bi Y-Saphat, kon Y-Adlai, djôt kan chiă uănh ndrôk tâm rlŭng.

I Nau Rêh Jêng 27:31

Lĕ rngôch phung nây jêng phung kôranh mât uănh lĕ drăp ndơn hađăch Đavit.

II Nau Rêh Jêng 26:10

Păng ndâk đŏng lĕ ngih tŭm tâm bri rdah, kuyh âk ntu dak, yorlah păng geh âk mpô mpa rong ta nkual Sêphêla nđâp tâm ntŭk nkual prêh. Hađăch geh đŏng phung ƀư mir, phung tăm krăk ƀâu ta klơ dor yôk jêh ri ta Karmel, yorlah păng ŭch nau tuch tăm.

Êsêkiêl 33:31

Khân păng n'hoch lĕ rngôch mpôl văch ma may; phung ƀon lan Gâp gŭ tanăp măt may jêh ri iăt nau may ƀiălah khân păng mâu tĭng ƀư ôh. Mbung khân păng ngơi âk bêng ma nau rŏng ƀiălah nuih n'hâm knŏng joi nau mâu tâm di.

Kan Lêvi 22:10

Nơm gŭ padih rnăk vâl kôranh ƀư brah, nơm nây mâu dơi sa lĕ ndơ nhhơr kloh ueh. Bunuyh bu năch mâu lah bunuyh kan nkhôm tâm jây kôranh ƀư brah mâu dơi sa ndơ nhhơr kloh ueh.

Kan Lêvi 22:13

Ƀiălah tơlah kon bu ur kôranh ƀư brah jêng bu ur ndrô khĭt sai mâu lah bu ur sai chalơi jêh, ƀiălah mâu geh kon ôh, jêh ri plơ̆ sĭt ta ngih mbơ̆ păng, tâm ban ma păng hôm kon se jê̆, păng mra dơi sa ndơ sông sa mbơ̆ păng. Nơm rêh gŭ padih rnăk vâl kôranh ƀư brah, nơm nây mâu dơi vay sa lĕ ndơ nhhơr kloh ueh.

Kan Lêvi 24:5

“Sŏk hom rnih môi, gŭch jât ma bar mpơng piăng let, ăp mpơng nhueh jâk bar kilô,

Kan Lêvi 24:8

Ăp nar saƀat, Y-Arôn vay dăp ƀaƀơ lĕ mpơng piăng let nây tanăp Brah Yêhôva ntang an ma phung ƀon lan Israel nâm bu du nau tâm rnglăp n'ho ro.

Amôt 8:5

Khân may lah pô aơ: “Ndah nâm jŏ khay mhe mra lôch, Gay ma he dơi tăch lơi ba? Jêh ri ndah nâm jŏ lôch nar saƀat, gay ăn he dơi tăch rgâl ba ƀlê; Gay ăn he dơi hŭch êpha, jêh ri ntop jâk Sêkel Jêh ri sŏk njing veh mâu di gay ma ndơm bu,

Mathay 15:8

‘Phung ƀon lan aơ yơk mbah Gâp ma trôm mbung khân păng; Ƀiălah nuih n'hâm khân păng ngai đah Gâp.

I Samuel 11:5

Nôk nây, Y-Sôl hăn sĭt tă bơh mir, hăn groi pakơi mpôl ndrôk. Păng ôp: “Mâm dĭng phung ƀon lan nhĭm kơt nây?” Bu nkoch tay lĕ nau phung Jabes ngơi jêh.

I Samuel 14:47

Nôk Y-Sôl dơn nau dơi jêng hađăch ma phung Israel, păng tâm lơh đah lĕ rngôch phung rlăng gŭ văr jŭm păng, nâm phung Môap, phung Ammôn, phung Êđôm, phung hađăch n'gor Sôba, jêh ri phung Philistin. Păng tâm lơh dơi lĕ rngôch ntŭk păng hăn.

I Samuel 21:8

Y-Đavit ôp ma Y-Ahimalek: “May mâu geh hĕ ta aơ du n'gâr tak mâu lah du n'gâr đao? Gâp mâu geh djôt leo đao ôh mâu lah ndơ tâm lơh ndrel ma gâp, yorlah nau ntăm hađăch ndal ngăn!”

I Samuel 22:10

Y-Ahimalek ôp Brah Yêhôva yor păng, ăn ndơ sông sa ma păng, jêh ri ăn ma păng đao Y-Gôliat, bu klâu Philistin.”

I Samuel 22:22

Y-Đavit lah ma Y-Abiathar: “Gâp gĭt jêh Y-Dôek, bunuyh Êđôm, geh măt ta aơ tâm nar nây, nanê̆ păng mra mbơh ma Y-Sôl. Nau nây yor ma gâp, lĕ rngôch ngih vâl mbơ̆ may lĕ khĭt da dê.

I Samuel 22:9

Rnôk nây, Y-Dôek jêng du huê Êđôm, dôl dâk êp ma phung oh mon Y-Sôl, lah: “Gâp hŏ saơ jêh kon bu klâu Y-Yêsê hăn rlet ma Nôp, lăp ngih Y-Ahimalek, kon bu klâu Y-Ahitup.