I Samuel 20:8 - Nau Brah Ndu Ngơi 2023

⁸ Pônây, mpơl hom nau ueh ma oh mon may, yorlah may hŏ sŏk amoh Brah Yêhôva gay ƀư tâm rnglăp đah oh mon may. Tơlah moh nau tih geh tâm gâp, ăn may nơm nkhĭt hom gâp, ƀiălah mâm ƀư may njŭn leo gâp tât ma mbơ̆ may?”

I Samuel 20:8 Iomraidhean Croise

Nau Ntơm 24:49

Aƀaơ aơ, tơlah khân may ŭch mpơl nau ueh jêh ri nau nanê̆ đah kôranh gâp, ăn khân may mbơh ma gâp gĭt. Tơlah mâu dơn ăt dăn mbơh ro, gay ma gâp gĭt ndrăp.”

Nau Ntơm 47:29

Bơi dăch tât nar khĭt, Y-Israel kuăl Y-Yôsep, kon bu klâu păng jêh ri lah: “Lah may klâng gâp, ăn may dơm hom ti may tâm dâng kuang gâp, sŏk nau ueh jêh ri nau nanê̆ ngăn gay ton ma gâp lơi tâp ôh gâp tâm n'gor Êjipt.

II Samuel 14:32

Y-Apsalôm plơ̆ lah ma Y-Jôap: “Aơ, gâp prơh bunuyh kuăl may văch ta aơ, gay ma gâp dơi prơh may hăn mbơh ma hađăch: ‘Mâm ƀư dĭng gâp plơ̆ sĭt tă bơh n'gor Gêsur? Ueh lơn gâp ăt hôm gŭ ta nây.’ Pôri aƀaơ, gâp ŭch hăn tanăp hađăch. Tơlah gâp geh nau tih, ăn păng nkhĭt gâp.”

I Nau Rêh Jêng 12:17

Y-Đavit văch chuă khân păng jêh ri lah pô aơ: “Tơlah khân păng văch ma gâp ma nau rŏng gay kơl gâp, nuih n'hâm gâp mra rŏng ma khân may. Ƀiălah tơlah khân may ŭch ndơm mƀruh jao gâp ma phung rlăng gâp, nđâp lah mâu geh nau tih ôh tâm ti gâp pônây ăn Brah Ndu phung che he saơ jêh ri nduyh khân may.”

Nau Mprơ Ơm 116:11

Tâm nau uh ah, gâp lah pô aơ: “Lĕ rngôch bunuyh jêng mƀruh da dê.”

Nau Hôr 3:3

Lơi ta ăn nau ueh jêh ri nau nanê̆ ngăn chalơi may; Văn hom păng ta trô ko may, Nchih păng tâm trôm nuih n'hâm may.

Kôranh Oh Mon 25:11

Tơlah gâp geh nau kue mâu lah ƀư tih khư nau khĭt, gâp mâu dun nau khĭt ôh; ƀiălah, tơlah khân păng mâu geh nau mbơh gay kât nau tih gâp, mâu geh du huê dơi jao gâp ma khân păng ôh. Gâp ŭch dăn nau aơ tât ta Sêsar.”

Yôsuê 2:14

Bar hê bu klâu nây plơ̆ lah: “Nau rêh hên mra ntrok ma nau rêh ay! Tơlah ay mâu mbơh ma bu kan hên, hên mra sŏk nau răp jăp jêh ri nuih n'hâm ueh ƀư ma ay nôk Brah Yêhôva ăn neh aơ ma hên.”

Yôsuê 22:22

“Brah Yêhôva, jêng Brah ma lĕ phung brah! Brah Yêhôva, jêng Brah ma lĕ phung brah! Păng gĭt nau aơ jêh ri phung Israel mra gĭt đŏng nau aơ! Tơlah aơ jêng nau tâm rdâng mâu lah mâu răp jăp ôh đah Brah Yêhôva, nar aơ lơi ta nhhuach ma hên ôh!

Bu ur Rut 1:8

Ƀiălah H'Naômi lah ma bar hê ƀăn păng pô aơ: “Hăn hom, ăp nơm khân ay sĭt ma ngih mê̆ khân ay. Dăn Brah Yêhôva mpơl nau ueh ma khân ay, tâm ban khân ay hŏ mpơl nau ueh jêh ma gâp jêh ri đah bar hê drô kon gâp.

I Samuel 18:1

Y-Đavit ngơi đah Y-Sôl lôch jêh, nuih n'hâm Y-Jônathan tâm lăp đah nuih n'hâm Y-Đavit, kŏ tât Y-Jônathan rŏng ma Y-Đavit nâm bu nau rêh păng nơm.

I Samuel 18:3

Y-Jônathan ƀư nau tâm rnglăp đah Y-Đavit, yorlah păng rŏng ma Y-Đavit nâm bu nau rêh păng nơm.

I Samuel 20:16

Tâm ban pônây, Y-Jônathan ƀư nau tâm rnglăp đah ngih Y-Đavit pô aơ: “Brah Yêhôva mra plơng har ma phung rlăng Y-Đavit.”

I Samuel 20:9

Y-Jônathan lah: “Dăn may lơi mĭn pônây ôh! Ƀiălah, tơlah gâp gĭt mbơ̆ gâp ŭch ƀư mhĭk ma may, mâm ƀư gâp mâu ăn ma may gĭt?”

I Samuel 23:18

Bar hê khân păng ƀư nau tâm rnglăp tanăp Brah Yêhôva. Jêh nây Y-Đavit gŭ ta Hêres, bi Y-Jônathan plơ̆ sĭt ta ngih păng nơm.