I Samuel 20:5 - Nau Brah Ndu Ngơi 2023

⁵ Y-Đavit plơ̆ sĭt lah ma Y-Jônathan: “Aơ, ôi taơ jêng nar rƀŭn khay mhe, gâp gŭ sông sa n'hanh du sưng ndrel hađăch. Ƀiălah dăn ma gâp du krap tâm mir ăn tât kêng măng nar tal pe.

I Samuel 20:5 Iomraidhean Croise

II Phung Hađăch 4:23

Sai păng ôp: “Nar aơ mâu di hĕ jêng nar năng nguay, mâu đŏng di jêng nar Saƀat. Pônây, mâm ƀư ay hăn mâp păng?” Păng plơ̆ lah: “May ăt gŭ đăp mpăn!”

Nau Mprơ Ơm 55:12

Tơlah phung rlăng ƀư bêk gâp, Gâp dơi dơn yơh; Tơlah nơm tâm rmot gâp, sưr tâm rdâng ma gâp, Gâp mra dơi du krap đah păng.

Nau Mprơ Ơm 81:3

Uh nŭng hom dôl khay mhe luh, Rnôk khay bŏng jêh ri ăp ta nar he tâm rƀŭn.

Nau Hôr 22:3

Bunuyh blau ngăn saơ lor nau mhĭk jêh ri du krap, Ƀiălah phung rluk hăn rduh ran tât jêh ri dơn nau mhĭk.

Amôt 8:5

Khân may lah pô aơ: “Ndah nâm jŏ khay mhe mra lôch, Gay ma he dơi tăch lơi ba? Jêh ri ndah nâm jŏ lôch nar saƀat, gay ăn he dơi tăch rgâl ba ƀlê; Gay ăn he dơi hŭch êpha, jêh ri ntop jâk Sêkel Jêh ri sŏk njing veh mâu di gay ma ndơm bu,

Nau Kơp Bunuyh 10:10

Tâm lĕ nar răm maak, tâm lĕ yan nau rƀŭn toyh jêh ri ta nar bôk khay, ăn khân may uh nŭng tâm nôk nhhơr lĕ ndơ ƀư brah gŭch jêh ri ndơ ƀư brah ma nau đăp mpăn. Tanăp Brah Ndu khân may, bâr nŭng mra dŏng gay nkah khân may kah gĭt pô aơ Gâp jêng Brah Yêhôva Brah Ndu khân may.”

Nau Kơp Bunuyh 28:11

“Ăp tơ̆ bôk khay, ăn may nhhơr ma Brah Yêhôva bar mlâm ndrôk nkuăng rah, du mlâm biăp nkuăng jêh ri pơh mlâm biăp kon nkuăng bêng du năm mâu geh ôh ntŭk mhĭk jêng ndơ ƀư brah gŭch;

Yôhan 8:59

Khân păng dônh lŭ gay klŭp Brah Yêsu, ƀiălah Păng du ndĕ, jêh ri luh bơh ngih brah.

Kôranh Oh Mon 17:14

Ƀât lât, phung oh nâu njŭn Y-Pôl hăn mpeh ta dak mƀŭt, bi Y-Silas jêh ri Y-Timôthê ăt hôm gŭ ta ƀon Bêrê.

Kôlôh 2:16

Pôri, lơi ăn bu phat dôih khân may ma ndơ sông sa, ma ndơ nhêt, ma nar rƀŭn, ma nar khay mhe, mâu lah nar saƀat,

I Samuel 19:2

pôri Y-Jônathan mbơh ma Y-Đavit gĭt: “Y-Sôl, mbơ̆ gâp, joi kô̆ nkhĭt may. Pôri ôi taơ, may njrăng hom, gŭ ntŭk ndâp, jêh ri gŭ krap.

I Samuel 20:18

Y-Jônathan lah tay: “Ôi taơ jêng nar rƀŭn khay mhe, bu mra gĭt may ndŭt măt, yorlah rnơl may gŭ mra nsoih.

I Samuel 20:19

Nar nklak, hăn trŭnh hom gơnh, tât ntŭk may hŏ krap nar lor, jêng nar tât geh nau nây, jêh ri may mra gŭ kâp êp lŭ Êser.

I Samuel 20:24

Pôri, Y-Đavit du krap tâm mir. Tơlah tât nar rƀŭn khay mhe, hađăch sông sa ta sưng păng;

I Samuel 20:27

Ƀiălah nar tal bar nar rƀŭn khay mhe, ntŭk Y-Đavit jêng nsoih. Y-Sôl ôp ma Y-Jônathan, kon bu klâu păng: “Mâm ƀư nđaơ jêh ri nar aơ kon bu klâu Y-Yêsê mâu hăn văch ma nau sông sa?”

I Samuel 20:4

Y-Jônathan lah ma Y-Đavit: “Moh nau may ŭch, gâp mra ƀư ăn may.”

I Samuel 20:6

Tơlah mbơ̆ may gĭt gâp ndŭt jêh, mbơh hom ma păng pô aơ: ‘Y-Đavit vơl dăn ma gâp ăn păng hăn sĭt ma Ƀêtlêhem, ƀon tơm păng nơm, yorlah gŭ ta nây lĕ rngôch băl mpôl păng nhhơr mpa ƀư brah tâm ăp năm.’