I Samuel 20:21 - Nau Brah Ndu Ngơi 2023

²¹ Jêh nây gâp mra prơh hăn oh mon gâp, jêh ri lah ma păng: ‘Hăn dônh hom lĕ hăr nây!’ Tơlah gâp lah ma păng: ‘Ri, lĕ hăr gŭ mpeh đah aơ ntŭk may, sŏk dônh hom!’ Nôk nây ăn may văch yơh, nanê̆ ngăn nâm Brah Yêhôva gŭ rêh mro mrăng, lĕ nau đăp mpăn da dê yơh ma may, mâu geh nau klach krit ôh!

I Samuel 20:21 Iomraidhean Croise

Yêrêmi 12:16

Tơlah khân păng gơih nti trong ƀon lan Gâp, ton tâm amoh Gâp pô aơ: ‘Ngăn yơh Brah Yêhôva gŭ rêh mro mrăng!’ — nâm bu phung khân păng hŏ nti ăn ma ƀon lan Gâp ton tanăp brah Baal — pôri nôk nây khân păng mra dơi nâp ta nklang phung ƀon lan Gâp.

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Yêrêmi 5:2

Nđâp lah khân păng ngơi: ‘Nanê̆ nâm bu Brah Yêhôva gŭ rêh mro mrăng!’ Khân păng ăt ton mbruh!”

Amôt 8:14

Lĕ rngôch phung sơm ton ma brah n'gor Samari lah pô aơ: ‘Hơi Dan, tĭng nâm brah may gŭ rêh! Tĭng nâm bu brah Bêr-Sêba gŭ rêh!’ Lĕ rngôch khân păng mra cha lôt jêh ri mâu hôm dâk đŏng ôh.”

I Samuel 20:20

Gâp mra pănh pe mlâm hăr mpeh ta lŭ nây nâm bu pănh ta du ndơ pla.

I Samuel 20:22

Ƀiălah tơlah gâp lah ma nơm oh mon ndăm: ‘Ri, lĕ hăr gŭ mpeh đah ri ntŭk may.’ Nôk nây may du hom, yorlah Brah Yêhôva prơh may du jêh.

I Samuel 20:36

Păng lah ma păng: “Nchuăt hom dônh lĕ hăr gâp mra pănh.” Nơm oh mon nây nchuăt, Y-Jônathan pănh du hăr ngai lơn ma păng.