I Samuel 20:2 - Nau Brah Ndu Ngơi 2023

² Y-Jônathan plơ̆ lah ma păng: “Mâu di kơt ri ôh! May mâu khĭt ôh. Mbơ̆ gâp mâu ƀư ôh du ntil nau, nđâp lah toyh mâu lah jê̆, păng vay mbơh lor ma gâp. Pônây, mâm dĭng mbơ̆ gâp pôn nau nây ma gâp? Nau nây mâu di ôh!”

I Samuel 20:2 Iomraidhean Croise

Nau Ntơm 44:7

Khân păng lah: “Mâm ƀư kôranh ngơi kơt nây ôh? Phung oh mon may mâu mâp ƀư nau pônây ôh!

Nau Mprơ Ơm 40:6

May mâu ŭch ôh ma mpa ƀư brah mâu lah ndơ ƀư brah rnih môi, May mâu dăn ôh ndơ ƀư brah gŭch mâu lah ndơ ƀư brah chuai nau tih, Ƀiălah May pơk jêh tôr gâp gay ma iăt nau May.

Nau Hôr 29:24

Mbu nơm tâm rnglăp ndrel bunuyh ntŭng jêng rlăng đah huêng păng nơm; Păng tăng nau rak rtăp ƀiălah mâu mpơl ôh du ntil nau.

Êsai 50:5

Kôranh Brah jêng Brah Yêhôva hŏ pơk jêh tôr Gâp, Bi Gâp, Gâp mâu tâm rdâng ôh, Mâu lĕ Gâp plơ̆ rŭch.

Luka 20:16

Păng mra văch jêh ri ƀư rai phung tăm krăk ƀâu nây, jêh nây jao đang krăk ƀâu ma phung êng.” Tơlah tăng lĕ nau nây, khân păng lah: “Mâu geh nau nây ôh!”

Yôhan 15:15

Gâp mâu hôm kuăl khân may jêng oh mon ôh, yorlah oh mon mâu gĭt ôh moh nau kôranh păng ƀư. Ƀiălah Gâp kuăl khân may băl Gâp nơm, yorlah Gâp hŏ mpơl jêh ma khân may gĭt lĕ rngôch lĕ nau Gâp hŏ tăng jêh tă bơh Mbơ̆ Gâp.

Yôhan 17:8

Yorlah Kon hŏ ăn jêh ma khân păng lĕ nau ngơi Mbơ̆ hŏ ăn ma Gâp. Khân păng sŏk dơn jêh, gĭt nanê̆ Kon luh tă bơh Mbơ̆ jêh ri chroh Mbơ̆ hŏ njuăl Kon.

Yôsuê 22:29

Hên nar aơ mâu geh nau mĭn ŭch tâm rdâng đah Brah Yêhôva jêh ri mâu lĕ chalơi Păng, gay ndâk du nơng ƀư brah êng lơn ma nơng ƀư brah panăp ngih bok Yêhôva Brah Ndu he gay nhhơr ndơ ƀư brah gŭch, ndơ ƀư brah rnih môi jêh ri mpa ƀư brah.”

Yôsuê 24:16

Phung ƀon lan plơ̆ sĭt pô aơ: “Hên ngơi n'hêl ngăn mâu chalơi ôh Brah Yêhôva gay pah kan ma phung brah êng!

I Samuel 14:45

Ƀiălah phung ƀon lan lah ma Y-Sôl: “Y-Jônathan jêng nơm hŏ ƀư jêh ma phung Israel geh nau dơi toyh nâm pônây, mâm ƀư Y-Jônathan mra khĭt? Mâu geh pônây ôh! Nanê̆ tĭng nâm Brah Yêhôva gŭ rêh mro mrăng, nđâp lah du rse sŏk klơ bôk păng mâu mra rŭng ta neh ôh, yorlah păng ƀư kan ndrel ma Brah Ndu nar aơ.” Pôri, phung ƀon lan tâm rklaih Y-Jônathan, jêh ri păng mâu geh khĭt ôh.

I Samuel 20:1

Y-Đavit du tă bơh Naiôt tâm Rama, văch ma Y-Jônathan, jêh ri ôp: “Moh nau gâp hŏ ƀư? Moh nau dĭng gâp jêng tih? Moh nau tih gâp hŏ ƀư tih jêh đah mbơ̆ may, kŏ tât păng joi nkhĭt gâp?”

I Samuel 20:12

Y-Jônathan lah ma Y-Đavit: “Dăn ma Yêhôva Brah Ndu Israel, jêng Nơm mbơh! Ôi taơ mâu lah ôi nklak, di mông aơ, gâp mra ôp suơ̆ nau mĭn ŭch mbơ̆ gâp. Tơlah gĭt mâu geh nau klach krit ma may, gâp mâu prơh ôh bunuyh êng hăn tât mbơh ma may gĭt;

I Samuel 20:3

Ƀiălah Y-Đavit sơm ton jêh ri lah: “Mbơ̆ may gĭt rah vah jêh ma gâp geh nau yô̆ tanăp măt may, pôri păng mĭn êng: ‘Lơi ăn Y-Jônathan gĭt ôh nau nây, klach lah păng rngot!’ Ƀiălah, tĭng nâm Brah Yêhôva gŭ rêh mro mrăng jêh ri tĭng nâm may ăt hôm rêh, nanê̆ ngăn vah vang gâp jêh ri đah nau khĭt knŏng hôm ƀah du nhuat.”

I Samuel 9:15

Du nar êlor Y-Sôl tât, Brah Yêhôva hŏ tâm mpơl jêh ma Y-Samuel gĭt: