I Samuel 2:8 - Nau Brah Ndu Ngơi 2023

⁸ Yorlah lĕ meh n'gâng neh ntu jêng ndơ Brah Yêhôva, Păng hŏ dơm jêh neh ntu klơ nây.

I Samuel 2:8 Iomraidhean Croise

Nau Ntơm 41:14

Pharaôn đă bu kuăl Y-Yôsep. Bu leo ro păng luh bơh ndrung, păng poih têp, rgâl kho ao, păng hăn tanăp Pharaôn.

Nau Ntơm 41:40

Pôri, may mra chiă uănh ngih gâp, jêh ri lĕ rngôch bunuyh ƀon lan gâp mra iăt tông mâm nau may trŭnh. Gâp toyh lơn ma may yor gâp geh sưng hađăch dơm.”

II Samuel 7:8

Pôri aƀaơ, lah hom ma Y-Đavit, oh mon Gâp: ‘Brah Yêhôva ma phung tahan lah: Gâp hŏ kuăl may tă bơh nklang ndrêch gơ̆, tă bơh ntŭk may chiăp biăp, gay njêng may jêng kôranh chiă uănh phung ƀon lan Israel Gâp.

I Phung Hađăch 16:2

“Gâp hŏ n'hao jêh may bơh ndruyh neh jêh ri njêng may ƀư kôranh chiă uănh phung Israel, phung ƀon lan Gâp. Ƀiălah may hŏ hăn tĭng nâm trong Y-Jêrôbôam, nsŭk jêh ma phung ƀon lan Israel ƀư tih, jêh ri yorlah nau tih nây, khân păng nsônh nau Gâp ji nuih.

II Phung Hađăch 9:6

Y-Jêhu dâk jêh ri hăn lăp tâm ngih. Nơm mbơh lor nây tŏ dak ƀâu kah klơ bôk păng, jêh ri lah: “Yêhôva Brah Ndu phung Israel lah: ‘Gâp tŏ dak ƀâu kah ma may ƀư hađăch Israel, jêng phung ƀon lan Brah Yêhôva.

Ndrom Samƀŭt bơh Yôp 1:21

jêh ri lah: “Gâp rah rhôk luh bơh ndŭl me Gâp mra plơ̆ sĭt rah rhôk tay đŏng; Brah Yêhôva hŏ ăn jêh, Brah Yêhôva plơ̆ sŏk sĭt tay; Khư tâm rnê amoh Brah Yêhôva!”

Ndrom Samƀŭt bơh Yôp 2:8

Y-Yôp gŭ tâm nklang mbŭch buh, sŏk rlat rsong yăng chah kuach chiăt.

Nau Mprơ Ơm 102:25

Rnôk kăl e, May rhăk njêng mbon rplay neh, Lĕ ndâr trôk jêng kan bơh ti May nơm.

Nau Mprơ Ơm 104:5

Păng njêng rplay neh ta klơ lĕ ntur Păng; N'ho ro păng mâu mra geh mpât n'gơ ôh.

Nau Mprơ Ơm 107:41

Ƀiălah păng rklaih phung pưt kƀah bơh nau rêh ni, Jêh ri ăn rnăk vâl khân păng jêng âk nâm bu phung biăp.

Nau Mprơ Ơm 24:2

Yorlah Păng yơh ndâk rplay neh ta klơ dak rlai, Jêh ri dơm mbon păng ta klơ lĕ n'hor dak.

Nau Mprơ Ơm 75:3

Tơlah neh ntu jêh ri lĕ rngôch phung bunuyh ta klơ neh mpât n'găr Gâp yơh mra mât nâp lĕ meh păng. (Sêla)

Nau Mprơ Ơm 75:4

Gâp lah ma phung sưr pô aơ: “Lơi ta sưr ôh,” Jêh ri lah ma phung mhĭk pô aơ: “Lơi ta n'gơr nke klơ;

Nau Mprơ Ơm 75:7

Ƀiălah Brah Ndu nơm yơh ƀư nau phat dôih: Păng n'hŭch nơm aơ jŭr, n'hao nơm ri hao.

Nơm Nti 4:14

Yorlah du huê ndăm nây luh tă bơh ndrung gay ƀư hađăch, nđâp lah bu deh ma păng o ach tâm ƀon bri hađăch păng.

Êsai 22:23

Gâp mra ƀư ăn ma păng nâp ktang tâm ban ma pâng meh vâl bok ƀư tâm neh; jêh ri păng mra jêng du rplay sưng hađăch chrêk rmah ma ngih mbơ̆ păng.

Daniel 2:48

Hađăch ăn Y-Daniel tâm kan toyh jêh ri ăn ma păng ndơ khlay. Hađăch ăn păng chiă uănh lĕ n'gor bri Babilôn jêh ri ƀư kôranh toyh ma phung kôranh ma lĕ rngôch phung njêh tâm n'gor bri Babilôn.

Daniel 4:17

Dôih nây luh tă bơh phung gak, Jêh ri nau ntăm aơ luh tă bơh nau nơm kloh ueh, Gay lĕ rngôch bunuyh dơi gĭt Nơm Dŭt Prêh Klơ chiă uănh ƀon bri hađăch kon bunuyh; Păng ăn ma mbu nơm păng ŭch Jêh ri mra n'hao bunuyh jê̆ lĕ lơn ăn chiă uănh.’

Daniel 6:3

Y-Daniel geh nau lư n'găr lơn ma bar hê kôranh toyh êng jêh ri phung kôranh nkual yorlah păng geh huêng brah lơn; hađăch mĭn ŭch n'hao păng ăn chiă uănh lĕ ƀon bri hađăch.

ហេឞ្រើ 1:3

Kon jêng chrat ang nau chrêk rmah Brah Ndu jêh ri jêng rup di ngăn ma Brah Ndu nơm. Păng sŏk nau brah Păng gay ma kơl lĕ rngôch ndơ. Jêh Păng ƀư kloh nau tih, Păng gŭ mpeh pa ma Nơm Dŭt Prêh ta klơ trôk.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

Nau Tâm Mpơl 1:6

jêh ri ƀư ma he plơ̆ jêng ƀon bri hađăch, plơ̆ jêng phung kôranh ƀư brah ma Brah Ndu, Mbơ̆ Păng, khư geh nau tâm rnê jêh ri nau dơi n'ho ro! Amen.

Nau Tâm Mpơl 22:5

Măng mâu mra hôm ôh jêh ri bu mâu hôm ŭch nau ang tă bơh ŭnh kađen mâu lah ma nar ôh, yorlah Kôranh Brah jêng Brah Ndu mra sol ang khân păng. Jêh ri khân păng mra chiă uănh ƀaƀơ n'ho ro.

Nau Tâm Mpơl 3:21

Mbu nơm dơi, Gâp mra ăn păng gŭ ndrel ma Gâp ta sưng hađăch Gâp, nâm bu Gâp nơm hŏ dơi jêh, jêh ri gŭ ndrel ma Mbơ̆ Gâp ta sưng hađăch Păng.

Nau Tâm Mpơl 5:10

Jêh ri ƀư ma khân păng plơ̆ jêng ƀon bri hađăch jêh ri kôranh ƀư brah ma Brah Ndu he, Jêh ri khân păng mra chiă uănh ta neh ntu.”

I Samuel 15:17

Y-Samuel lah: “Nôk may saơ may nơm hôm jê̆, mâu hĕ may jêng kôranh ma phung mpôl băl Israel? Mâu di hĕ Brah Yêhôva tŏ dak ƀâu kah ăn may chiă uănh ma phung Israel?