I Samuel 2:7 - Nau Brah Ndu Ngơi 2023

⁷ Brah Yêhôva ƀư ăn o ach, jêh ri ƀư ăn ndrŏng kuăng; Păng ntrŭnh bu, jêh ri Păng n'hao tay bu tâm ban lĕ. Djôt leo bunuyh o ach luh bơh ndruyh neh, Jêh ri pư bunuyh ndĭt trơi hao tă bơh mbŭch ŭnh buh, Dơm ăn khân păng gŭ ndrel ma phung kôranh, Jêh ri ăn ma khân păng dơn ntŭk chrêk rmah;

I Samuel 2:7 Iomraidhean Croise

II Phung Hađăch 9:6

Y-Jêhu dâk jêh ri hăn lăp tâm ngih. Nơm mbơh lor nây tŏ dak ƀâu kah klơ bôk păng, jêh ri lah: “Yêhôva Brah Ndu phung Israel lah: ‘Gâp tŏ dak ƀâu kah ma may ƀư hađăch Israel, jêng phung ƀon lan Brah Yêhôva.

I Nau Rêh Jêng 29:12

Nđâp nau ndrŏng kuăng jêh ri nau chrêk rmah luh bơh Kôranh Brah. May chiă uănh ta klơ lĕ rngôch, nau brah jêh ri nau ktang gŭ tâm ti May. Ti May ăn nau yơk jêh ri nau ktang n'hâm suan ma lĕ rngôch bunuyh.

II Nau Rêh Jêng 32:27

Y-Hêsêkia jêng dŭt ndrŏng jêh ri nau bu yơk toyh ngăn. Păng ndâk ma păng nơm lĕ jay prăp prăk, mah, lŭ khlay, dak si ƀâu kah, khêl, jêh ri lĕ ndơ dŏng geh rnoh khlay.

II Nau Rêh Jêng 32:29

Păng ăt ndâk âk play ƀon, mât rong âk biăp jêh ri ndrôk, yorlah Brah Ndu ăn ma păng geh âk drăp ndơ.

Ndrom Samƀŭt bơh Yôp 1:21

jêh ri lah: “Gâp rah rhôk luh bơh ndŭl me Gâp mra plơ̆ sĭt rah rhôk tay đŏng; Brah Yêhôva hŏ ăn jêh, Brah Yêhôva plơ̆ sŏk sĭt tay; Khư tâm rnê amoh Brah Yêhôva!”

Ndrom Samƀŭt bơh Yôp 40:12

Chiăng păng tâm ban tơm si sêdar; Suan nglu păng tâm ƀăr tâm lăp ndrel.

Ndrom Samƀŭt bơh Yôp 5:11

N'hao phung bunuyh dêh rhêt ăn prêh, Ăn nau ueh maak ma phung dôl klâng rvê.

Nau Mprơ Ơm 102:10

Jêh ri rvăn dak tăng tâm pot đah ndơ gâp nhêt. Yorlah May chông gâp hao prêh jêh ri mƀăr gâp tâm ntŭk dêh.

Nau Mprơ Ơm 75:7

Ƀiălah Brah Ndu nơm yơh ƀư nau phat dôih: Păng n'hŭch nơm aơ jŭr, n'hao nơm ri hao.

Nau Mprơ Ơm 75:8

Yorlah tâm ti Brah Yêhôva geh du mlâm kachok Bêng ma rlŭk ndrănh, mpŭnh mbuh, Păng kêt lơi kachok nây. Lĕ rngôch phung mhĭk gŭ ta neh ntu mra nhêt da dê, Mra nhêt suăt ndrănh nây kŏ tât djah.

Nau Hôr 22:2

Phung ndrŏng jêh ri bunuyh o ach tâm mâp ndrel da dê; Brah Yêhôva hŏ rhăk njêng lĕ bar.

Êsai 2:12

Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Yêrêmi 49:15

“Yor nây, Gâp hŏ ƀư jêh ma may jêng jê̆-lê̆ ta nklang lĕ rngôch bri dak, Jêh ri ăp nơm mra mưch rmot.

Êsêkiêl 17:24

Lĕ rngôch tơm si tâm bri mra gĭt ma Gâp, Brah Yêhôva, hŏ njŭr tơm si prêh jêh ri n'hao tơm si dêh klơ. Gâp hŏ ƀư kro lơi tơm si ndrêh jêh ri ƀư ăn tơm si lĕ kro dơi nse ueh. Gâp, Brah Yêhôva, hŏ lah jêh ri ƀư dơi jêng nau nây ro.’”

Yakơ 4:10

Ntrŭnh hom săk jăn khân may tanăp Kôranh Brah ri mơ Păng mra n'hao khân may klơ.