I Samuel 2:6 - Nau Brah Ndu Ngơi 2023

⁶ Brah Yêhôva ƀư nkhĭt, ăn dâk rêh đŏng; Păng djôt leo bu trŭnh tâm ƀon phung khĭt, jêh nây djôt leo hao tă bơh ta nây.

I Samuel 2:6 Iomraidhean Croise

I Phung Hađăch 17:22

Brah Yêhôva dơn nau Y-Êli, n'hâm rêh kon se plơ̆ sĭt tay đah păng jêh ri păng dâk rêh tay.

II Phung Hađăch 5:7

Tơlah jêh hađăch Israel răk samƀŭt nây lôch jêh, păng nkhêk ro bok ao păng jêh ri lah: “Păng prơh nơm văch ma gâp gay gâp ƀư bah ji phŭng. Gâp mâu di jêng Brah Ndu lĕ, dĭng dơi nkhĭt jêh ri ăn dâk rêh? Ăn khân may gĭt jêh ri saơ pô aơ păng joi nau gay ƀư jêr đah gâp.”

Ndrom Samƀŭt bơh Yôp 5:18

Yorlah păng ƀư ăn sôt, ƀiălah Păng put tay; Păng lơh ji, ƀiălah ti Păng ƀư bah tay.

Nau Mprơ Ơm 116:3

Rse nau khĭt vân jŭm gâp, Nau ji ƀon phung khĭt kuăn rdâng jêh gâp, Gâp mâp nau uh ah jêh ri nau rngot klâng.

Nau Mprơ Ơm 30:4

Hơi phung kloh ueh Brah Yêhôva, mprơ tâm rnê hom ma Păng. Jêh ri tâm rnê lah ueh ma amoh kloh ueh Păng.

Nau Mprơ Ơm 68:20

Brah Ndu jêng Brah Ndu tâm rklaih hên, Yor nau rnơm ma Kôranh Brah Yêhôva yơh kon bunuyh klaih khĭt.

Nau Mprơ Ơm 71:20

May jêng Nơm hŏ ƀư jêh ma hên saơ âk nau rêh ni, hâu ngăn, May mra ƀư ăn hên dơi dâk rêh tay Jêh ri njŭn hên hao luh Bơh ntu jru tâm neh ntu.

Nơm Nti 3:3

Geh năng nkhĭt, geh năng ƀư bah; Geh năng rơih lơi, geh năng ndâk;

Êsai 26:19

Phung May khĭt mra ăn plơ̆ rêh, Săk jăn khân păng mra plơ̆ dâk! Ơ phung khĭt tâm ndruyh neh, kah rngăl hom jêh ri maak! Yorlah dak ngom May tâm ban ma dak ngom ƀhit rvi ang, Jêh ri neh mra mƀơk lĕ phan bunuyh khĭt.

Êsêkiêl 37:12

Pôri, mbơh lor hom jêh ri lah ma khân păng pô aơ Kôranh Brah Yêhôva lah: “Hơi phung ƀon lan Gâp, aơ, Gâp mra pơk môch khân may, ƀư ăn khân may luh tă bơh môch, jêh ri Gâp mra njŭn khân may sĭt tâm bri Israel.

Êsêkiêl 37:3

Păng lah ma gâp pô aơ: “Hơi kon bunuyh, dơi lĕ nting aơ dâk rêh tay?” Gâp plơ̆ lah: “Ơ Kôranh Brah Yêhôva, May nơm yơh gĭt nau nây!”

Mathay 12:40

Yorlah nâm bu Y-Yôna gŭ tâm ndŭl ka toyh pe nar pe măng, pônây lĕ, Kon Bunuyh mra gŭ tâm trôm neh pe nar pe măng.

Yôhan 11:25

Brah Yêsu lah ma H'Mathê: “Gâp jêng nau dâk rêh tay jêh ri nau rêh. Mbu nơm chroh ma Gâp mra rêh, nđâp tơlah păng khĭt kđôi lĕ.

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.

Nau Tâm Mpơl 1:18

jêng Nơm Rêh; Gâp hŏ khĭt, aƀaơ aơ Gâp rêh n'ho ro, djôt keh khuă Nau Khĭt jêh ri Ƀon Phung Khĭt.

I Samuel 20:3

Ƀiălah Y-Đavit sơm ton jêh ri lah: “Mbơ̆ may gĭt rah vah jêh ma gâp geh nau yô̆ tanăp măt may, pôri păng mĭn êng: ‘Lơi ăn Y-Jônathan gĭt ôh nau nây, klach lah păng rngot!’ Ƀiălah, tĭng nâm Brah Yêhôva gŭ rêh mro mrăng jêh ri tĭng nâm may ăt hôm rêh, nanê̆ ngăn vah vang gâp jêh ri đah nau khĭt knŏng hôm ƀah du nhuat.”