I Samuel 2:5 - Nau Brah Ndu Ngơi 2023

⁵ Phung lĕ hơm jêh pah kan bu nkhôm gay geh piăng let, Ƀiălah phung ji ngot mâu hôm ji ngot đŏng ôh. Bu ur ndrô gâng, păng deh pơh tơ̆, Bi nơm âk kon, jêng djoh rgay.

I Samuel 2:5 Iomraidhean Croise

Nau Mprơ Ơm 113:9

Păng ăn bu ur mâu bă kon Jêng dơi ƀư mê̆ maak ta nklang phung kon tâm ngih păng! Halêluya!

Nau Mprơ Ơm 34:10

Phung kon yau mŭr mra geh nau pưt kƀah jêh ri ji ngot ji hir, Ƀiălah bu nâm joi Brah Yêhôva mâu mra pưt du ntil nau ueh ôh.

Êsai 33:9

Bri neh nhĭm jêh ri huănh hươi; Liban bêk jêh ri klêu; Sarôn jêng tâm ban ma ndrêch rdah; Basan jêh ri yôk Karmel nhop kro.

Êsai 54:1

“Ơ bu ur ndrô gâng, nơm mâu mâp deh, mprơ hom; Ơ nơm mâu mâp ji yorlah deh kon, Mprơ hom nau mprơ răm rhơn. Yorlah phung kon bu ur bu chalơi Mra jêng âk lơn ma phung kon bu ur geh sai.” Brah Yêhôva lah kơt nĕ.

Yêrêmi 15:9

Du huê bu ur deh pơh kon păng saơ huăr rgănh, Roh n'hâm kêng lôch; Nar păng hŏ nhâp nklang nôk nar; Muh măt păng bêk prêng ngăn. Bi ma phung bunuyh hôm klen gŭ rêh Gâp mra jao ăn ma đao phung rlăng.” Brah Yêhôva lah pônây.

Luka 1:53

Păng hŏ ƀư jêh bunuyh ji ngot geh bêng ndơ sa kah, Jêh ri mprơh phung ndrŏng plơ̆ sĭt ti dơm.

Luka 16:25

Ƀiălah Y-Abraham plơ̆ lah: ‘Hơi kon, kah gĭt tay hom dôl may gŭ rêh, may dơi dơn lĕ nau ueh jêh, bi Y-Lasar dơn âk nau djơh; aƀaơ aơ, păng geh nau bonh leng, bi may gŭ tâm nau rêh ni dŭt hâu ngăn.

Galati 4:27

Yorlah geh nau nchih: “Hơi bu ur ndrô gâng, mâu deh kon, maak hom! Hơi bu ur mâu mâp ji yorlah deh kon, troh nau hâk răm hom! Yorlah phung kon tă bơh bu ur bu chalơi jêng âk lơn ma kon tă bơh bu ur geh sai.”

Bu ur Rut 4:15

Oh bê nây mra bonh leng nuih n'hâm ay, siăm rong ay dôl ay ranh, yorlah ƀăn ay hŏ deh an ma ay. Ƀăn ay jêng khlay lơn pơh nuyh kon bu klâu ay.”

I Samuel 1:20

Dôl tâm năm nây lĕ, H'Anna hŏ ntreo jêh ri păng deh du huê kon bu klâu, păng ntơ amoh jêng Y-Samuel, yorlah păng lah: “Gâp hŏ dăn jêh păng tă bơh Brah Yêhôva.”

I Samuel 1:6

Nơm tâm djrel ma păng vay rkhŏch rhiăl ma păng gay ƀư ăn păng ji nuih, yorlah Brah Yêhôva hŏ ƀư ăn păng mâu bă kon.