I Samuel 2:35 - Nau Brah Ndu Ngơi 2023

³⁵ Gâp mra njêng ma Gâp du huê kôranh ƀư brah răp jăp, păng mra ƀư tĭng nuih n'hâm Gâp jêh ri nau mĭn Gâp. Gâp mra ăn ma păng geh kon sau gay thoi noi deh păng, jêh ri noi deh păng mra pah kan n'ho ro tanăp nơm Gâp tŏ dak ƀâu kah.

I Samuel 2:35 Iomraidhean Croise

II Samuel 7:11

jêng nâm bu nôk Gâp njêng phung kôranh phat dôih chiă uănh phung ƀon lan Israel Gâp. Gâp hŏ rklaih may tă bơh lĕ rngôch phung rlăng jêh ri ăn nau đăp mpăn ma may. Rlau lơn ma nây, Brah Yêhôva lah pô aơ Păng mra ndâk ma may du nau chiă uănh.

II Samuel 7:27

Hơi Brah Yêhôva ma phung tahan, jêng Brah Ndu phung Israel, May nơm hŏ lah jêh nau ton aơ ma oh mon May pô aơ: ‘Gâp mra njêng du nau chiă uănh ma may.’ Yor nây, oh mon May dơi janh nhhơr nau mbơh sơm aơ ma May.

I Phung Hađăch 1:45

Ta Gihôn, kôranh ƀư brah Y-Sadôk jêh ri nơm mbơh lor Y-Nathan tŏ jêh dak ƀâu kah ma Y-Salômôn ăn jêng hađăch. Jêh nây tă bơh nĕ khân păng hăn hao ma nau hâk răm jêh ri lĕ ƀon nteh drơu drơu da dê. Nây ro yơh jêng nteh khân may hŏ tăng.

I Phung Hađăch 1:8

Ƀiălah kôranh ƀư brah Y-Sadôk, Y-Bênaya kon Y-Jêhôida, nơm mbơh lor Y-Nathan, Y-Simei, Y-Rei, jêh ri phung tahan janh ktang Y-Đavit mâu ŭch tĭng mpeh Y-Adônija.

I Phung Hađăch 11:38

Tơlah may tông bâr nau vay Gâp ntăm, hăn tĭng ndô̆ lĕ trong Gâp, ƀư nau di tanăp măt Gâp, djôt prăp lĕ nau vay dăp jêh ri lĕ nau ntăm bơh Gâp nâm bu oh mon Gâp jêng Y-Đavit hŏ ƀư jêh, Gâp mra gŭ ndrel ma may, njêng ma may du nau chiă uănh nâp ktang nâm bu Gâp hŏ njêng jêh ma Y-Đavit, jêh ri Gâp mra ăn phung Israel ma may.

I Phung Hađăch 2:35

Hađăch njêng Y-Bênaya, kon bu klâu Y-Jêhôida, jêng kôranh chiă uănh tahan ntrok ma Y-Jôap, jêh ri hađăch njêng Y-Sadôk jêng kôranh ƀư brah ntrok ma Y-Abiathar.

I Nau Rêh Jêng 29:22

Tâm nar nây, khân păng sông sa nhêt sa răm maak ngăn tanăp Brah Yêhôva. Tơ̆ rơh bar, khân păng n'hao ăn kon bu klâu Y-Đavit jêng Y-Salômôn hao ƀư hađăch. Khân păng sŏk amoh Brah Yêhôva gay tŏ dak ƀâu kah ma Y-Salômôn ƀư hađăch jêh ri ăn Y-Sadôk jêng kôranh ƀư brah.

Nau Mprơ Ơm 18:50

Kôranh Brah ăn ma hađăch Păng lĕ nau dơi toyh, Jêh ri Păng ăn nau ueh lăng ma nơm Păng tŏ jêh dak ƀâu kah, Nây jêng Y-Đavit jêh ri ma noi deh păng kŏ tât lĕ rngôch rnôk n'ho ro.

Nau Mprơ Ơm 2:2

Lĕ phung hađăch ta neh ntu plơ̆ dâk tâm rdâng, Phung kôranh chiă uănh tâm rnglăp ndrăng khân păng Tâm rdâng đah Brah Yêhôva jêh ri đah Nơm Dơn Nau Tŏ Dak Ƀâu Kah Păng.

Nau Ngluh Êjipt 1:21

Yorlah phung bu ur mât deh geh nuih n'hâm klach yơk ma Brah Ndu, yor ri Brah Ndu ăn ma rnăk vâl khân păng dơi jêng.

Êsêkiêl 34:23

Gâp mra ndâk ta khân păng knŏng du huê rmăk biăp, păng mra mât rong phung nây, jêng Y-Đavit oh mon Gâp. Păng yơh mât rong khân păng, ƀư jêng du huê bunuyh chiăp khân păng.

Nau Kơp Bunuyh 25:13

Păng jêh ri ma noi deh păng mra dơn nau tâm rnglăp ma kan kôranh ƀư brah n'ho ro, yorlah păng geh nuih n'hâm nau duh nđơr yor Brah Ndu păng nơm jêh ri hŏ chuai nau tih ma phung ƀon lan Israel.’”

ហេឞ្រើ 2:17

Pôri, Păng jêng tâm ban ma phung oh nâu Păng tâm lĕ rngôch ndơ, gay ma jêng kôranh ƀư brah toyh nuih n'hâm bêng ma nau yô̆ nđach jêh ri răp jăp tâm nau pah kan ma Brah Ndu, gay tâm chuai nau tih ma lĕ rngôch bunuyh.

I Samuel 10:10

Tơlah Y-Sôl hăn tât ta Gibêa, geh du phung mbơh lor tâm mâp ma păng. Huêng Brah Yêhôva văch gŭ ndrel ma păng ma nau brah, jêh ri păng mbơh lor ta nklang khân păng.

I Samuel 10:9

Y-Sôl ndôn kơi hăn luh bơh Y-Samuel Brah Ndu tâm rgâl nuih n'hâm păng, jêh ri lĕ nau tâm mbên nây tât ngăn nar nây.

I Samuel 12:3

Aơ, gâp dâk ta aơ. Nkoch mbơh hom ma gâp tanăp Brah Yêhôva jêh ri tanăp nơm Păng tŏ jêh dak ƀâu kah: Mbu ndrôk gâp mâp sŏk jêh? Mâu lah mbu seh bri gâp mâp sŏk jêh? Mâu lah mbu nơm gâp geh ndơm mƀruh? Mbu nơm gâp tŭn jot jêh? Mbah tă ti gâp lĕ mâp sŏk jêh drăp bu blŏl gay nkŭm lơi măt gâp ma ndơ nây? Tơlah geh, gâp mra mplơ̆ sĭt ndơ nây ma khân may.”

I Samuel 16:13

Y-Samuel sŏk nke dak ƀâu kah jêh ri tŏ ma Y-Đavit tanăp phung nâu păng. Ntơm bơh nar nĕ tât kăndơ̆, Huêng Brah Yêhôva văch gŭ ndrel ma Y-Đavit ma nau brah. Y-Samuel dâk jêh ri hăn sĭt ma Rama.

I Samuel 2:36

Mbu moh hôm klen tâm ngih may mra hăn mbah tanăp măt păng, gay dơi geh du glo prăk jêh ri du glo piăng let, jêh ri khân păng mra lah pô aơ: ‘Dăn may ăn ma gâp geh du kô̆ tâm nau pah kan kôranh ƀư brah, gay ma gâp dơi geh du glo piăng let sa.’”

I Samuel 25:28

Dăn yô̆ an nau tih ma oh mon bu ur kôranh! N'hêl nanê̆ Brah Yêhôva mra njêng ma kôranh gâp geh du ngih nâp, yorlah kôranh gâp tâm lơh ăn ma Brah Yêhôva, jêh ri lôch nau rêh kôranh mâu mra geh du nau mhĭk tâm may ôh.

I Samuel 3:1

Nôk nây, Y-Samuel ndăm rah pah kan ma Brah Yêhôva tĭng nau Y-Êli ntĭm. Tâm rnôk nây, bu mâu vay tăng nau Brah Yêhôva ngơi, jêh ri lĕ nau tâm saơ kŏ mâu geh lĕ.

I Samuel 7:9

Y-Samuel nhŭp du mlâm biăp kon hôm pu toh, ƀư ndơ ƀư brah gŭch nhhơr ma Brah Yêhôva. Jêh nau nây Y-Samuel kuăl mbơh sơm ma Brah Yêhôva yor phung Israel, jêh ri Brah Yêhôva plơ̆ lah ma păng.

I Samuel 8:3

Ƀiălah phung kon bu klâu păng mâu hăn tĭng ndô̆ ôh trong păng; khân păng hăn tĭng drăp ndơ, dơn ndơ bu blŏl, jêh ri ƀư kue đah nau sŏng.

I Samuel 9:12

Khân păng plơ̆ sĭt lah: “Păng ta aơ đŏng, ri păng panăp khân may! Hăn gơnh hom, păng mhe tât ta ƀon nar aơ yorlah nar aơ phung ƀon lan mra ƀư brah ta ntŭk prêh.

I Samuel 9:13

Tơlah khân may lĕ lăp tâm ƀon, khân may mra saơ păng êlor ma păng hăn hao ntŭk prêh klơ gay ma sông sa. Phung ƀon lan mâu mra sông sa lor ôh lah mâu hŏ tât păng, yorlah păng ăn nau ueh uĭn ma mpa ƀư brah; jêh nau nây, phung bu jă mra sa. Pônây, aƀaơ hăn hao hom, yorlah nar aơ n'hêl nanê̆ khân may mra tâm mâp đah păng.”