I Samuel 2:33 - Nau Brah Ndu Ngơi 2023

³³ Bi mbu tâm ngih may ma Gâp mâu mprơh ôh tă bơh nơng ƀư brah Gâp, gay ƀư ma măt may hŏt rgănh, nuih n'hâm may geh nau rngot rvê; ƀiălah lĕ rngôch kon sau tâm ngih may mra khĭt dôl hôm ndăm.

I Samuel 2:33 Iomraidhean Croise

I Phung Hađăch 1:19

Y-Adônija lĕ nhhơr mpa ƀư brah jêh ma ndrôk nkuăng, mpô mpa lay, jêh ri biăp âk ngăn. Kon bu klâu hađăch jă đŏng lĕ rngôch phung kon bu klâu hađăch êng êng, nđâp ma kôranh ƀư brah Y-Abiathar jêh ri kôranh chiă uănh lĭng tahan jêng Y-Jôap, ƀiălah păng mâu jă ôh Y-Salômôn, oh mon may.

I Phung Hađăch 1:7

Y-Adônija tâm nchră đah Y-Jôap, kon H'Sêruya jêh ri ndrel ma kôranh ƀư brah Y-Abiathar; jêh ri khân păng ŭch tĭng mpeh Y-Adônija jêh ri kơl păng.

Kan Lêvi 26:16

Gâp mra ƀư lĕ nau ma khân may: Gâp mra nkhŭt nau krit kir tât ma khân may, nau ji khô hiăn jêh ri nau ji kăt, ƀư vĭr măt khân may jêh ri ƀư rngot nuih n'hâm khân may. Khân may mra huăr srih ntil yorlah phung rlăng đah khân may mra sa lĕ ndơ nây.

I Samuel 2:32

Tâm nôk Brah Yêhôva ăn âk ngăn nau ueh uĭn ma phung Israel, may mra saơ nau rêh ni mro mrăng, jêh ri mâu geh ôh du huê tâm rnăk vâl may mra gŭ rêh tât ranh.

I Samuel 2:34

Nau mra tât ma bar hê kon bu klâu may, jêng Y-Hôphni jêh ri Y-Phinêas, jêng nau mbên ma may: Lĕ bar hê khân păng mra khĭt tâm du nar.

I Samuel 22:18

Yor ri, hađăch lah ma Y-Dôek: “May văch dăch hom jêh ri nkhĭt phung kôranh ƀư brah.” Y-Dôek, bunuyh Êđôm, rduh dăch nkhĭt phung kôranh ƀư brah. Tâm nar nây, păng nkhĭt pham jât ma prăm nuyh nsoh êphôt ƀư ma brai mhay.