I Samuel 2:30 - Nau Brah Ndu Ngơi 2023

³⁰ Yor ri, Yêhôva Brah Ndu Israel lah: ‘Gâp hŏ tă lah jêh pô aơ ngih may jêh ri ngih mbơ̆ may mra n'ho ro pah kan tanăp măt Gâp.’ Ƀiălah aƀaơ Brah Yêhôva lah, nau nây mâu hôm geh tâm ban pônây ôh! Yorlah mbu nơm yơk ma Gâp, Gâp mra yơk ma păng, bi mbu tâm rmot ma Gâp, Gâp mra tâm rmot ma păng.

I Samuel 2:30 Iomraidhean Croise

I Phung Hađăch 11:11

Yor ri, Brah Yêhôva lah ma Y-Salômôn: “Yorlah may hŏ ƀư kơt nây, mâu ŭch djôt prăp ôh nau Gâp tâm rnglăp jêh ri lĕ nau vay dăp Gâp ntĭnh jêh ma may, n'hêl nanê̆ Gâp mra tâm nkhah lơi ƀon bri hađăch tă bơh may jêh ri ăn păng ma oh mon may.

I Phung Hađăch 2:27

Pônây, Y-Salômôn mprơh Y-Abiathar luh, mâu ăn păng kan kôranh ƀư brah tanăp măt Brah Yêhôva đŏng ôh, ƀư ăn nau Brah Yêhôva ngơi jêh ma ngih Y-Êli ta ƀon Silô dơi tât di ngăn.

I Nau Rêh Jêng 17:18

May ƀư ăn oh mon May geh nau yơk jêh pônây, moh Y-Đavit hôm dơi ngơi đŏng? Yorlah Kôranh Brah gĭt năl jêh oh mon May.

II Nau Rêh Jêng 15:2

Păng hăn tâm mâp đah Y-Asa jêh ri lah: “Ơ hađăch Asa nđâp ma lĕ rngôch phung Yuđa jêh ri Benjamin, iăt hom nau gâp lah! Khân may tĭng Brah Yêhôva ndah jŏ, Brah Yêhôva gŭ ndrel ma khân may dah nĕ lĕ. Tơlah khân may joi Păng, nanê̆ mra dơi tâm mâp đah Păng; tơlah khân may chalơi Păng, pôri Păng mra chalơi khân may.

II Nau Rêh Jêng 26:18

Khân păng buay hađăch Usia jêh ri lah: “Ơ Y-Usia, gŭch ndơ ƀâu kah ma Brah Yêhôva mâu di kan may ôh, ƀiălah nây jêng kan phung kôranh ƀư brah jêng noi deh Y-Arôn, phung bu prăp êng ma nau kloh ueh gay gŭch ndơ ƀâu kah. Luh hom bơh ngih brah kloh ueh aơ, yorlah may ƀư tih jêh, jêh ri yorlah kan aơ, Brah Yêhôva mâu mra ƀư ăn may dơi geh nau chrêk rmah ôh.”

Nau Mprơ Ơm 18:20

Brah Yêhôva hŏ nkhôm jêh ma gâp tĭng nâm nau sŏng srăng gâp, Mplơ̆ ma gâp tĭng nâm nau kloh ti gâp.

Nau Mprơ Ơm 18:26

Mbu nơm kloh rsang, Kôranh Brah mra tâm mpơl May nơm jêng kloh rsang; Bi ma nơm kue, May mra tâm mpơl May nơm jêng blau mĭn.

Nau Mprơ Ơm 50:23

Mbu nơm nhhơr nau tâm rnê lah ueh, ndơ ƀư brah jêng mât ton ma Gâp, Bi ma mbu nơm hăn tĭng trong nau sŏng, Gâp mra ăn saơ nau Brah Ndu tâm rklaih.”

Nau Mprơ Ơm 73:20

Ơ Kôranh Brah, tâm ban bu uănh mâu khlay nau mbơi tơlah kah rngăl, Pôri May ăt nsot lơi gui rup khân păng tơlah May kah rngăl kơt nây.

Nau Mprơ Ơm 91:14

Yorlah păng rŏng ma Gâp yor nây Gâp mra tâm rklaih păng; Gâp mra king n'gang păng yorlah păng gĭt năl amoh Gâp.

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Nau Ngluh Êjipt 28:43

Y-Arôn jêh ri phung kon bu klâu păng mra nsoh kho nây ăp tơ̆ khân păng lăp tâm Ngih Bok Nau Tâm Rƀŭn mâu lah nôk khân păng văch dăch nơng ƀư brah gay pah kan tâm Ntŭk Kloh Ueh; lah mâu geh khân păng mra geh nau tih jêh ri khĭt. Nây jêng du nau vay n'ho ro ma Y-Arôn jêh ri ma phung kon sau păng.”

Nau Ngluh Êjipt 29:9

jêh nây vân rse bŭt jêh ri ndô môk ma Y-Arôn jêh ri phung kon bu klâu păng. Nau kan phung ƀư brah mra jêng kan khân păng ma du nau vay gŭ n'ho ro. Pônây may hŏ n'hao kan ma Y-Arôn jêh ri phung kon bu klâu păng.

Nau Hôr 12:8

Du huê bunuyh dơi geh nau tâm rnê tĭng nâm nau blau mĭn păng nơm, Bi ma nơm geh nuih n'hâm kue bu mra tâm rmot.

Nau Hôr 4:8

Yơk hom ma nau blau mĭn pôri nau blau mĭn mra n'hao may, Tâm krêp hom đah nau blau mĭn pôri nau blau mĭn djôt leo nau bu yơk tât ma may.

Nau Hôr 8:17

Gâp rŏng ma phung rŏng ma gâp, Phung tĭng joi gâp ma lĕ nuih n'hâm mra mâp gâp.

Êsai 29:13

Kôranh Brah lah: “Yorlah phung ƀon lan aơ knŏng sŏk trôm mbung văch êp Gâp, Sŏk mpiăt tâm rnê Gâp, Ƀiălah nuih n'hâm khân păng ngai đah Gâp; Nau khân păng klach yơk ma Gâp knŏng jêng nau vay bunuyh ntăm dơm, Yor bunuyh ntĭm nti.

Yêrêmi 29:32

Yor nây, Brah Yêhôva lah: ‘Aơ, Gâp mra tâm rmal Y-Sêmaya, bunuyh ƀon Nêhêlam, jêh ri ndŭl deh păng. Mâu hôm geh du huê tâm Noi deh păng dơi rêh tâm nklang phung ƀon lan nây. Păng nơm ăt mâu mra saơ nau ueh Gâp mra ƀư ma phung ƀon lan Gâp, yorlah păng hŏ ngơi nau tâm rdâng đah Brah Yêhôva,’” Yêhôva lah pônây.

Yêrêmi 49:15

“Yor nây, Gâp hŏ ƀư jêh ma may jêng jê̆-lê̆ ta nklang lĕ rngôch bri dak, Jêh ri ăp nơm mra mưch rmot.

Êsêkiêl 34:10

Kôranh Brah Yêhôva lah: ‘Aơ Gâp tâm rdâng đah phung rmăk biăp nây jêh ri Gâp dăn mplơ̆ sĭt tay biăp Gâp tă tâm ti khân păng. Gâp mâu hôm ăn khân păng chiăp đŏng ôh biăp Gâp, jêh ri khân păng ăt mâu dơi lĕ chiăp êng khân păng nơm đŏng ôh. Gâp mra tâm rklaih biăp Gâp luh du tă bơh trôm mbung khân păng gay biăp mâu ƀư ôh ndơ sa ăn ma khân păng.’

Daniel 4:34

Tơlah lôch jêh nar nây, gâp, Y-Nêbukatnetsar, n'gơr măt ta klơ trôk, nau gĭt rbăng plơ̆ sĭt tay, gâp tâm rnê lah ueh ma Nơm Dŭt Prêh. Gâp mprơ tâm rnê jêh ri mât ton Nơm Rêh N'ho Ro. Nau dơi Păng chiă uănh jêng nau dơi n'ho ro, Ƀon bri hađăch Păng ntơm bơh rnôk aơ tât rnôk ri.

Malachi 1:6

Brah Yêhôva ma phung tahan lah đah khân may: “Hơi phung kôranh ƀư brah tâm rmot amoh Gâp! Kon bu klâu yơk ma mbơ̆ păng nơm, nơm dĭk nă yơk ma kôranh păng nơm. Pôri, tơlah Gâp jêng Mbơ̆ mbah ntŭk nau yơk ăn ma Gâp? Jêh ri tơlah Gâp jêng Kôranh hŏ geh nau klach yơk ăn ma Gâp?” Khân may lah đŏng pô aơ: “Ta ntŭk hên rmot hŏ amoh May?”

Malachi 2:3

“Aơ, yor khân may, Gâp mra nduyh ma noi deh khân may, jêh ri mra srih ek ta muh măt khân may, nâm bu ntĭt ek mpa ƀư brah khân may nhhơr tâm ăp nau rƀŭn; bu mra mprơh khân may du ndrel ma ek nây.

Nau Kơp Bunuyh 11:20

ƀiălah sa lĕ du khay, kŏ tât dôl puăch nây luh du ta trôm muh jêh ri tâm rmot ma ndơ, yorlah khân may dun jêh ma Brah Yêhôva Nơm dôl gŭ ta nklang khân may, jêh ri nhĭm tanăp Păng pô aơ: “Mâm ƀư hên dĭng du luh tă bơh Êjipt?”’”

Nau Kơp Bunuyh 35:34

Pônây, khân may lơi ƀư ƀơ̆ ôh neh jêng ntŭk khân may mra gŭ, yorlah Gâp jêng Brah Yêhôva gŭ ta nklang phung ƀon lan Israel.’”

Yôhan 12:26

Tơlah mbu nơm pah kan ma Gâp păng tĭng Gâp; jêh ri ta ntŭk Gâp gŭ, bunuyh pah kan ma Gâp ăt mra gŭ ta nây lĕ. Tơlah mbu nơm pah kan ma Gâp, Mbơ̆ Gâp mra yơk ma păng.

Yôhan 5:23

gay lĕ bunuyh yơk ma Kon tâm ban yơk ma Mbơ̆ lĕ. Mbu nơm mâu yơk ma Kon mâu đŏng yơk ma Mbơ̆ jêng Nơm hŏ njuăl Kon văch.

Yôhan 5:44

Khân may ŭch dơn nau chrêk rmah ndrăng khân may nơm, mâu joi ôh nau chrêk rmah tă bơh Brah Ndu knŏng nguay, mâm khân may dơi chroh?

Yôhan 8:49

Brah Yêsu plơ̆ lah: “Gâp mâu geh brah mhĭk lơh ôh, ƀiălah Gâp tâm rnê Mbơ̆ Gâp, bi khân may ƀư bêk ma Gâp.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

I Pêtrôs 1:7

gay ma nau chroh khân may lah jêh dơn nau rlong uănh mra khlay rlau lơn ma mah — nđâp tơlah mah bu rlong uănh păng tâm ŭnh kđôi lĕ, ăt blau roh rai — djôt leo tay nau tâm rnê, nau chrêk rmah jêh ri nau yơk nôk Brah Yêsu Krist tât tâm mpơl.

Phung Kôranh Phat Dôih 9:10

Lĕ rngôch tơm si lah ma tơm rvi: ‘Văch hom, chiă uănh hên.’