I Samuel 2:29 - Nau Brah Ndu Ngơi 2023

²⁹ Mâm ƀư khân may mưch rmot lĕ mpa ƀư brah jêh ri lĕ ndơ nhhơr Gâp hŏ ntăm jêh nhhơr ma Gâp mro mrăng? May yơk ma phung kon bu klâu may rlau lơn ma Gâp, jêh ri khân may mât rong khân may ăn lay ma lĕ ndơ nhhơr dŭt ueh tă bơh phung Israel, jêng phung ƀon lan Gâp!’

I Samuel 2:29 Iomraidhean Croise

II Phung Hađăch 12:6

Ƀiălah kŏ tât năm rơh bar jât ma pe rnôk rô̆ hađăch Jôas, phung kôranh ƀư brah mâu mâp nkra ôh ngih brah.

Nau Mprơ Ơm 26:8

Ơ Brah Yêhôva, gâp rŏng ngih May gŭ, Jêh ri ntŭk chrêk rmah May.

Êsêkiêl 13:19

Khân may ƀư bêk jêh Gâp ta nklang phung ƀon lan Gâp yor lĕ mbăt ba ôrgơ jêh ri lĕ rlat piăng let. Khân may ndơm phung ƀon lan Gâp jêng phung ŭch iăt lĕ nau mƀruh nây gay ŭch nkhĭt bunuyh mâu khư đah nau khĭt ôh jêh ri om rêh phung mâu khư ma nau rêh ôh.’

Êsêkiêl 34:10

Kôranh Brah Yêhôva lah: ‘Aơ Gâp tâm rdâng đah phung rmăk biăp nây jêh ri Gâp dăn mplơ̆ sĭt tay biăp Gâp tă tâm ti khân păng. Gâp mâu hôm ăn khân păng chiăp đŏng ôh biăp Gâp, jêh ri khân păng ăt mâu dơi lĕ chiăp êng khân păng nơm đŏng ôh. Gâp mra tâm rklaih biăp Gâp luh du tă bơh trôm mbung khân păng gay biăp mâu ƀư ôh ndơ sa ăn ma khân păng.’

Êsêkiêl 34:2

“Hơi kon bunuyh, mbơh lor hom nau tâm rdâng đah phung rmăk leo Israel; mbơh lor hom jêh ri lah ma phung rmăk leo nây pô aơ: ‘Kôranh Brah Yêhôva lah: Rêh ni ngăn ma phung rmăk leo Israel jêng bunuyh knŏng mĭn siăm êng khân may nơm! Mâu di hĕ phung rmăk leo mra siăm phung biăp lĕ?

Ndrom Samƀŭt bơh Ôsê 4:8

Khân păng rêh bơh nau tih phung ƀon lan Gâp; Kơnh rŏng dôl phung ƀon lan Gâp ƀư tih.

Kan Lêvi 19:15

Khân may mâu dơi ƀư nau mâu sŏng tâm nau phat dôih; mâu gŭ nding mpeh ma nơm o ach mâu lah yơk phung geh nau kan toyh, ƀiălah phat dôih hom phung chiau meng khân may ma nau sŏng.

Mika 3:5

Aơ jêng nau Brah Yêhôva lah ma phung nơm mbơh lor Jêng phung ƀư vĭ nhhơt trong ma phung ƀon lan Gâp; Tơlah geh mbu ăn khân păng sa Pôri khân păng mbơh pô aơ: “Đăp mpăn!” Bi tơlah mbu mâu ăn moh ndơ lăp tâm mbung khân păng Pôri khân păng ndrăp nkra nau tâm lơh đah nơm mâu ăn ndơ sa.

Mathay 10:37

Mbu nơm rŏng ma mê̆ mâu lah mbơ̆ âk lơn ma Gâp, păng mâu khư ma gâp ôh; mbu nơm rŏng kon bu klâu mâu lah kon bu ur păng âk lơn ma gâp, păng nây mâu khư ma Gâp ôh.

Mathay 22:16

Khân păng njuăl phung oh mon khân păng ndrel ma phung bunuyh tâm mpôl Hêrôt hăn lah ma Brah Yêsu pô aơ: “Hơi Nơm Nti, hên gĭt May jêng bunuyh sŏng ngăn jêh ri nti trong Brah Ndu ma nau di, mâu chrê ma bu ôh, yorlah May mâu uănh ma bunuyh padih ôh.

Luka 14:26

“Tơlah mbu moh văch gay tĭng Gâp ƀiălah mâu tâm rmot ma mbơ̆ mê̆, ur kon, phung nâu oh, yuh oh păng jêh ri nđâp ma nau rêh păng nơm, ndri mâu dơi jêng oh mon Gâp.

Samƀŭt Pôl Njuăl Ăn Ma Phung Nsing Ta Ƀon Rôm 16:18

Yorlah phung pônây mâu pah kan ma Brah Krist, Kôranh Brah he ôh, ƀiălah pah kan ma ndŭl khân păng nơm; khân păng sŏk nau ngơi ueh, ngơi rnê gay ma ndơm mƀruh lĕ nuih n'hâm phung sŏng.

II Kôrintô 5:16

Yor nây, ntơm aƀaơ hên mâu hôm sek uănh du huê bunuyh tĭng nâm nglay săk ôh, nđâp tơlah hên hŏ tă sek uănh jêh Brah Krist tĭng nâm nglay săk, ƀiălah aƀaơ aơ he mâu hôm sek uănh Păng tĭng nâm nau nây ôh.

Nau Vay Nkah Tay 32:15

Dôl Yêsurun văch ma lay jêh ri chưng, — Khân may lay đŏng, săk jăn rmŏng — Chalơi Brah Ndu, Nơm njêng jêh khân may nơm Jêh ri mưch ma Lŭ Toyh tâm rklaih khân may nơm.

Nau Vay Nkah Tay 33:9

Lêvi nơm lah ma mê̆ mbơ̆ păng nơm pô aơ: ‘Gâp mâu gĭt saơ ôh ma khân păng,’ Păng mâu gĭt năl ôh phung oh nâu păng nơm, Kŏ mâu gĭt đŏng ma phung kon păng nơm. Yorlah khân păng djôt prăp nau ngơi Kôranh Brah, Mât mray nau tâm rnglăp bơh Păng.

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.

Yôsuê 18:1

Lĕ rngôch phung Israel tâm rƀŭn rgum ta ƀon Silô jêh ri ndâk Ngih Bok Nau Tâm Rƀŭn ta nây. Lĕ n'gor bri gŭ tâm dâng nau dơi chiă uănh khân păng.

I Samuel 3:13

Gâp mbơh lor jêh pô aơ Gâp mra tâm rmal ngih Y-Êli ƀaƀơ tât n'ho ro, yorlah păng gĭt jêh nau tih geh nau rak rtăp ma phung kon bu klâu păng ƀiălah păng mâu buay ôh khân păng.