I Samuel 2:28 - Nau Brah Ndu Ngơi 2023

²⁸ Gâp hŏ săch jêh ngih păng tă bơh lĕ rngôch phung ndŭl mpôl Israel, gay jan kôranh ƀư brah Gâp, nhhơr ndơ ƀư brah klơ nơng ƀư brah Gâp, gŭch ndơ ƀâu kah, jêh ri nsoh êphôt tanăp Gâp. Gâp hŏ ăn ma noi deh chô yau may prăp tâm du kô̆ tâm lĕ ndơ nhhơr bơh phung ƀon lan Israel gŭ tâm ŭnh nhhơr ma Gâp.

I Samuel 2:28 Iomraidhean Croise

II Samuel 12:7

Rnôk nây, Y-Nathan ngơi lah ma Y-Đavit: “Hađăch yơh jêng bunuyh nây! Yêhôva Brah Ndu phung Israel geh lah: ‘Gâp hŏ tŏ dak ƀâu kah njêng may jêng hađăch Israel, Gâp hŏ rklaih jêh may tă bơh ti Y-Sôl.

II Samuel 6:14

Y-Đavit nsoh êphôt ƀư ma bok mhay, pâl ntalơ̆ lĕ nuih n'hâm păng tanăp Brah Yêhôva.

Nau Ngluh Êjipt 28:1

“Tă bơh tâm phung ƀon lan Israel, ăn may săch Y-Arôn, nâu may, jêh ri phung kon bu klâu păng jêng Y-Nadap, Y-Abihu, Y-Êlêasar, jêh ri Y-Ithamar, ăn pah kan ndơ ƀư brah ma Gâp.

Nau Ngluh Êjipt 28:4

Aơ jêng bok ao ăn khân păng mra jĭm: Blah bok văn ntang ntơh, Êphôt, ao jong, ao ta nâm geh cheh, môk jêh ri rse vân bŭt. Pôri, khân păng mra jĭm bok ao kloh ueh ma Y-Arôn jêh ri ma phung kon bu klâu păng, gay ma khân păng ƀư nau kan jêng kôranh ƀư brah ma Gâp.

Nau Ngluh Êjipt 30:7

Ăp ôi, lah Y-Arôn nkra ŭnh kađen, păng mra su ndơ ƀâu kah ta klơ nơng ƀư brah.

Nau Ngluh Êjipt 30:8

Kêng măng, dôl mpoh ŭnh kađen, Y-Arôn mra su đŏng ndơ ƀâu kah; nây jêng ndơ ƀâu kah nhhơr ăn ƀaƀơ tanăp Brah Yêhôva tâm ăp rô̆.

Kan Lêvi 2:10

Bi ndơ hôm e bơh ndơ ƀư brah rnih môi jêng ndơ ma Y-Arôn de jêh ri phung kon bu klâu păng. Nĕ jêng ndơ dŭt kloh ueh sŏk bơh ndơ ƀư brah ăn ŭnh sa nhhơr ma Brah Yêhôva.

Kan Lêvi 2:3

Bi ndơ hôm e bơh ndơ ƀư brah rnih môi jêng ndơ ma Y-Arôn de jêh ri phung kon bu klâu păng. Nĕ jêng ndơ dŭt kloh ueh sŏk bơh ndơ ƀư brah ăn ŭnh sa nhhơr ma Brah Yêhôva.

Kan Lêvi 6:16

Y-Arôn jêh ri phung kôranh ƀư brah tâm noi deh Y-Arôn mra sa moh ndơ hôm e, ƀiălah khân păng mra sa piăng let mâu geh ndrui jêh ri sa tâm du ntŭk kloh ueh, jêng ntŭk tâm ndring Ngih Bok Nau Tâm Rƀŭn.

Kan Lêvi 7:32

Ăn khân nơm ăn kô̆ klơ bơh nglik pa ma, pakơi, ma kôranh ƀư brah jêng noi deh Y-Arôn nhhơr mham jêh ri ngi bơh mpa ƀư brah.

Kan Lêvi 7:36

Nĕ jêng nau Brah Yêhôva ntăm jêh ma phung ƀon lan Israel ăn jao ma khân păng tâm nar bu tŏ dak ngi ta khân păng. Aơ jêng du nau vay n'ho ro tâm lĕ rngôch rnôk khân păng.”

Nau Kơp Bunuyh 16:5

jêh ri păng lah ma Y-Kôra jêh ri ma lĕ rngôch phung hăn tĭng păng: “Ôi taơ, Brah Yêhôva mra tâm mpơl mbu nơm jêng phung Păng jêh ri mbu nơm jêng kloh ueh, jêh ri Păng mra ƀư ăn nơm nây hăn dăch Păng; nơm Păng săch mra ăn hăn dăch Păng.

Nau Kơp Bunuyh 18:19

Lĕ rngôch ndơ nhhơr kloh ueh phung ƀon lan Israel nhhơr ma Brah Yêhôva, Gâp ăn ma may, ma phung kon bu klâu may jêh ri phung kon bu ur may nâm du nau vay n'ho ro. Nĕ jêng du nau tâm rnglăp ma boh n'ho ro tanăp Brah Yêhôva prăp ma may jêh ri noi deh may.”

I Samuel 14:3

Geh Y-Ahija, kon Y-Ahitup (Y-Ahitup jêng nâu Y-Ikabôt, kon Y-Phinêas, sau Y-Êli, kôranh ƀư brah Brah Yêhôva ta Silô), nôk nây nsoh ao êphôt. Bu mâu gĭt ôh ma Y-Jônathan lĕ hăn du jêh.

I Samuel 2:18

Tâm nôk nây, Y-Samuel pah kan tanăp Brah Yêhôva. Kon se vân du mlâm êphôt ma bok mhay.