I Samuel 2:20 - Nau Brah Ndu Ngơi 2023

²⁰ Y-Êli ăn nau ueh uĭn ma Y-Êlkana jêh ri H'Anna pô aơ: “Dăn ma Brah Yêhôva ăn ma bu ur nây deh kon ma may, gay sâm ntrok đah kon păng hŏ dăn jêh ri nhhơr ma Brah Yêhôva!” Jêh nau nây, khân păng hăn plơ̆ sĭt ngih vâl khân păng nơm.

I Samuel 2:20 Iomraidhean Croise

Nau Ntơm 14:19

jêh ri ăn nau ueh uĭn ma Y-Abram. Păng lah: “Dăn ma Brah Ndu Dŭt Prêh, Nơm rhăk njêng trôk jêh ri neh ntu, Ăn nau ueh uĭn ma Y-Abram!

Malachi 2:15

Mâu di bơh Brah Ndu njêng knŏng du huê bunuyh nây, nđâp lah n'hâm păng nsôr rêh dơi rmeh ler ƀơh. Ƀiălah mâm dĭng njêng knŏng du huê bunuyh? Nây jêng gay joi du noi deh kloh ueh. Pôri, njrăng hom ma huêng khân may nơm, lơi ta mâu gŭ răp jăp ôh đah ur păng sŏk jêh dôl mom ndăm.

Luka 2:34

Y-Simêôn ăn nau ueh uĭn ma khân păng jêh ri lah ma H'Mari, mê̆ kon se jê̆ pô aơ: “Kon se jê̆ aơ dơi lah nal gay ƀư ma âk bunuyh tâm phung Israel mƀăr nau nsing mâu lah dâk rêh tay, jêh ri jêng du nau tâm mbên ƀư nau tâm rdâng.

Bu ur Rut 2:12

Dăn Brah Yêhôva nsĭt lah nau ay hŏ ƀư jêh. Dăn ma Păng ăn nau nkhôm ma ay rmeh ler yorlah ay hŏ văch jêh gay nde tâm dâng năr Yêhôva Brah Ndu phung Israel.”

Bu ur Rut 4:11

Lĕ rngôch phung ƀon lan gŭ ta mpông ƀon jêh ri phung kôranh bu ranh lah: “Hên jêng phung râng an ma nau nây. Dăn ma Brah Yêhôva ăn bu ur hăn lăp tâm ngih may tâm ban ma H'Rachel jêh ri H'Lêa jêng bar hê khân păng ndâk njêng jêh ngih Israel! Dăn may ăn nau geh jêng tâm bri Êphrata jêh ri geh nau lư n'găr ta Ƀêtlêhem!

I Samuel 1:11

Păng mbơh sơm: “Ơ Brah Yêhôva ma phung tahan, tơlah nanê̆ ngăn May mra uănh treng ma nau rêh ni oh mon bu ur May, kah gĭt tay ma gâp jêh ri mâu chuêl ôh ăn ma oh mon bu ur May du huê kon bu klâu, pôri gâp mra nhhơr lôch nau rêh păng ma Brah Yêhôva, jêh ri bu mâu poih ôh bôk sŏk păng ma pêh.”