I Samuel 2:2 - Nau Brah Ndu Ngơi 2023

² Mâu geh ôh nơm kloh ueh nâm bu Brah Yêhôva; Mâu hôm geh Brah êng ôh rlau ma May! Mâu geh ôh lŭ toyh nâm bu Brah Ndu he.

I Samuel 2:2 Iomraidhean Croise

II Samuel 22:3

Brah Ndu gâp jêng lŭ toyh gâp, jêng ntŭk gâp gŭ krap, Jêng khêl jêh ri jêng nke ma nau tâm rklaih gâp, Jêng pôih nâp jêh ri ntŭk gâp gŭ krap, Nơm tâm rklaih gâp ăn gâp rklaih tă bơh phung djơh mhĭk.

II Samuel 22:32

Yorlah, Padih Brah Yêhôva, mbu jêng Brah Ndu? Mbu jêng lŭ toyh, tơlah mâu di Brah Ndu hên?

II Samuel 7:22

Yor ri, hơi Kôranh Brah Yêhôva! May jêng toyh, mâu geh nơm tâm rđĭl nâm bu May. Tĭng nâm lĕ nau hên tăng jêh ma tôr hên, rlau ma May mâu geh Brah Ndu êng ôh.

I Phung Hađăch 8:23

“Hơi Yêhôva, Brah Ndu Israel! Mâu geh brah êng klơ trôk prêh ri mâu lah tâm dâng neh ntu aơ tâm ban May. Kôranh Brah djôt prăp nau tâm rnglăp jêh ri nuih n'hâm ueh ma phung oh mon May, jêng phung lĕ nuih n'hâm chuat hăn tanăp măt May.

Nau Mprơ Ơm 111:9

Păng hŏ rklaih jêh phung ƀon lan Păng, Jêh ri ntăm gay ndâk nau tâm rnglăp gŭ n'ho ro. Amoh Păng kloh ueh jêh ri khư klach.

Nau Mprơ Ơm 18:2

Brah Yêhôva jêng lŭ toyh ma gâp, pôih nâp gâp jêh ri jêng Nơm tâm rklaih gâp. Brah Ndu gâp jêng lŭ toyh gâp, gâp gŭ krap tâm May Păng jêng khêl, jêng nke ma nau tâm rklaih, jêh ri jêng ntŭk gâp gŭ krap tâm ban lĕ.

Nau Mprơ Ơm 18:31

Knŏng Brah Yêhôva, mbu jêng Brah Ndu? Padih Brah Ndu hên, mbu jêng lŭ toyh?

Nau Mprơ Ơm 71:19

Ơ Brah Ndu, nau sŏng srăng May Prêh tât tâm trôk. May yơh ƀư jêh lĕ nau kan dŭt toyh, Ơ Brah Ndu, mbu nơm jêng tâm ban ma May?

Nau Mprơ Ơm 71:3

Dăn May ƀư lŭ toyh ăn ma gâp gŭ krap Ăn jêng ntŭk gâp dơi lăp ta nây ƀaƀơ; Dăn May ntrŭnh nau ntăm tâm rklaih gâp Yorlah May jêng lŭ toyh ngăn jêh ri pôih nâp gâp.

Nau Mprơ Ơm 73:25

Ta klơ trôk padih May mâu hôm geh bunuyh ôh? Bi ta neh ntu gâp mâu hôm ŭch rŏng ma bu êng rlau ma May.

Nau Mprơ Ơm 86:8

Ơ Kôranh Brah! Tâm lĕ rngôch brah mâu geh nơm tâm ban ma May, Mâu geh lĕ nau kan tâm ban ma nau kan May.

Nau Mprơ Ơm 89:6

Yorlah mbu nơm gŭ ta klơ lĕ ndâr trôk dơi tâm rđĭl ma Brah Yêhôva? Tâm lĕ phung brah, mbu nơm dơi tâm ban ma Brah Yêhôva?

Nau Mprơ Ơm 89:8

Ơ Brah Yêhôva Brah Ndu ma phung tahan, Mbu nơm geh nau brah tâm ban ma May? Ơ Brah Yêhôva, nau răp jăp May gŭ văr jŭm May.

Nau Mprơ Ơm 99:3

Ăn khân păng mprơ tâm rnê ma amoh dŭt toyh jêh ri khư ma nau klach May. May jêng kloh ueh!

Nau Mprơ Ơm 99:5

Mbah yơk hom ma Yêhôva Brah Ndu he Jêh ri yơk mbah tâm dâng rnơl chrong jâng Păng. Păng jêng kloh ueh!

Nau Mprơ Ơm 99:9

Yơk hom ma Yêhôva Brah Ndu he Jêh ri yơk mbah ta klơ yôk kloh ueh Păng; Yorlah Yêhôva Brah Ndu he jêng kloh ueh!

Nau Ngluh Êjipt 15:11

Ơ Brah Yêhôva! Tâm phung brah, mbu moh jêng tâm ban ma May? Mbu dơi jêng nâm bu May, chrêk rmah tâm nau kloh ueh, Khư ma nau klach yơk jêh ri tâm rnê, Ƀư lĕ nau kan khlay ir?

Êsai 40:18

Pôri, đah mbu khân may ŭch rđĭl ma Brah Ndu, Mâu lah moh rup khân may tâm rđĭl ma Păng?

Êsai 44:6

Brah Yêhôva jêng Hađăch jêh ri Nơm Tâm Chuai Israel, Jêng Brah Yêhôva ma phung tahan, lah: “Gâp jêng lor lơn jêh ri Nơm nglĕ dŭt; Rlau ma Gâp mâu hôm geh Brah Ndu êng ôh.

Êsai 44:8

Lơi klach ôh, mâu rŭng răng. Mâu di hĕ Gâp mbơh nau nây ma khân may bơh jŏ jêh? Khân may jêng phung mbơh ngăn ma Gâp. Rlau ma Gâp, hôm geh Brah Ndu êng đŏng? Nanê̆ ngăn, mâu geh Lŭ Toyh êng ôh; Gâp gĭt mâu hôm geh nơm êng ôh.”

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 6:3

Phung sêraphim troh ndrel jêh ri lah: “Kloh ueh, kloh ueh, kloh ueh yơh Brah Yêhôva ma phung tahan! Lam bri neh bêng ma nau chrêk rmah Păng.”

Yêrêmi 10:6

“Ơ Brah Yêhôva, mâu geh nơm dơi tâm rđĭl đah May! May toyh ngăn ngên, Amoh May dŭt prêh brah toyh.

Kan Lêvi 11:44

Yorlah Gâp jêng Yêhôva Brah Ndu khân may; pôri prăp hom khân may nơm ăn kloh ueh jêh ri kloh ueh hom, yorlah Gâp nơm jêng kloh ueh. Lơi yor ăp ntil ndrŭng vơr ta klơ neh ƀư ma khân may nơm geh nau ƀơ̆ ƀơch.

Kan Lêvi 11:45

Yorlah Gâp jêng Yêhôva, Nơm hŏ djôt jêh khân may luh bơh n'gor Êjipt, gay jêng Brah Ndu khân may; pôri khân may ăn kloh ueh hom, yorlah Gâp nơm jêng kloh ueh.

Kan Lêvi 19:2

“Ntăm hom ma lĕ rngôch phung ƀon lan Israel tâm rƀŭn: ‘Ăn khân may jêng kloh ueh, yorlah Gâp jêng Yêhôva Brah Ndu khân may, jêng kloh ueh.

Samƀŭt Pôl Njuăl Ăn Ma Phung Nsing Ta Ƀon Rôm 15:4

Lĕ nau bu nchih jêh bơh kăl e jêng gay ma ntĭm nti he, gay ma tă bơh nau nâp jêh ri n'hao nuih n'hâm Nau Brah Ndu Ngơi he geh nau kâp gân.

Samƀŭt Pôl Njuăl Ăn Ma Phung Nsing Ta Ƀon Rôm 4:8

Ueh maak ngăn ma bunuyh Kôranh Brah mâu kơp nau tih păng ôh!”

Nau Vay Nkah Tay 3:24

‘Hơi Yêhôva Brah Ndu, May hŏ ntơm mpơl jêh ma oh mon May saơ nau chrêk rmah jêh ri ti nau brah May. Yorlah, mbu brah klơ trôk mâu lah ta neh ntu dơi ƀư lĕ nau kan jêh ri ƀư nau brah tâm ban ma May?

Nau Vay Nkah Tay 32:20

Păng lah: “Gâp mra pôn muh măt Gâp Gay saơ moh nau mra jêng kêng lôch dŭt khân păng, Yorlah khân păng jêng noi deh tih mhĭk ngăn, Jêng phung kon mâu geh nau răp jăp ôh.

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.

Nau Vay Nkah Tay 32:4

Păng jêng Lŭ Toyh, nau kan Păng jêng rah vah ngăn, Yorlah lĕ rngôch trong Păng jêng nau di. Brah Ndu Nơm răp jăp jêh ri mâu geh nau tih ôh, Nau di jêh ri nau sŏng ƀaƀơ.

Nau Vay Nkah Tay 4:35

Khân may hŏ saơ jêh lĕ nau nây, gay ma khân may dơi gĭt năl Yêhôva jêng Brah Ndu, rlau ma Păng mâu hôm geh nơm êng ôh.

Nau Vay Nkah Tay 4:39

Pôri nar aơ ăn khân may gĭt jêh ri djôt prăp hom tâm nuih n'hâm khân may pô aơ, tâm trôk ta klơ jêh ri ta neh ntu tâm dâng, Brah Yêhôva jêng Brah Ndu, mâu hôm geh nơm êng ôh.

I Pêtrôs 1:16

yorlah geh nau nchih jêh: “Ăn khân may jêng kloh ueh, yorlah Gâp jêng kloh ueh.”