I Samuel 2:14 - Nau Brah Ndu Ngơi 2023

¹⁴ ntâp sôr tâm glah thaih mâu lah glah ƀŭng, glah uk, mâu lah glah ƀai jê̆. Moh glo krêp ta n'hoi nchraih pe, phung kôranh ƀư brah mra sŏk ma khân păng nơm. Nĕ jêng nau khân păng ƀư jêh ta Silô ma lĕ rngôch phung Israel văch ta nây.

I Samuel 2:14 Iomraidhean Croise

Êsai 56:11

Khân păng jêng so ŭch sa, Mâu blau hơm ôh. Khân păng jêng phung rmăk biăp mâu gĭt rbăng; Lĕ rngôch khân păng plơ̆ tĭng trong khân păng nơm, Ăp nơm rvê joi drăp ndơ ma păng nơm da dê.

Kan Lêvi 7:34

Tă bơh mpa ƀư brah đăp mpăn, Gâp sŏk jêh ri ăn ma kôranh ƀư brah Y-Arôn jêh ri phung kon bu klâu păng nting rpaih nse hŏ ƀư jêh nau vay ƀư ndơ̆ đah aơ ndơ̆ đah ri jêh ri nglik jêng ndơ phung ƀon lan hŏ nhhơr ma Gâp, tĭng nâm nau vay n'ho ro tâm phung ƀon lan Israel djôt prăp.

Mika 3:3

Khân may sa puăch phung ƀon lan Gâp, N'huk sŏk ntâu Jêh ri nchah ntĭng ƀư âk rlat jê̆ jê̆, Choh păng nâm bu choh puăch, Nâm bu puăch tâm glah ƀŭng.”

Malachi 1:10

Brah Yêhôva ma phung tahan lah: “Ŭch ma du huê bunuyh tâm khân may nchăng lơi lĕ rngôch mpông ngih brah gay khân may mâu mpoh ôh ŭnh dơm dam ta nơng ƀư brah Gâp.” Brah Yêhôva ma phung tahan lah: “Nuih n'hâm Gâp mâu maak ôh ma khân may, jêh ri kŏ mâu dơn đŏng bơh ti khân may du ntil ndơ ƀư brah.

I Samuel 2:13

Nđâp lah khân păng jêng phung kôranh ƀư brah, khân păng vay ƀư đah phung ƀon lan pô aơ: Ăp tơ̆ geh bu nhhơr mpa ƀư brah, oh mon phung kôranh ƀư brah văch tâm nôk bu dôl gâm puăch, păng djôt ta ti du mlâm n'hoi nchraih pe,

I Samuel 2:15

Rlau lơn ma nĕ, êlor ma bu gŭch ngi, oh mon kôranh ƀư brah tât ta nây lah đah nơm nhhơr mpa ƀư brah pô aơ: “Ăn hom puăch nây ma kôranh ƀư brah gay nđông, yorlah păng mâu ŭch ôh puăch khân may lĕ gâm, ƀiălah knŏng dơn mlay puăch ndrêh dơm păng ŭch.”

I Samuel 2:29

Mâm ƀư khân may mưch rmot lĕ mpa ƀư brah jêh ri lĕ ndơ nhhơr Gâp hŏ ntăm jêh nhhơr ma Gâp mro mrăng? May yơk ma phung kon bu klâu may rlau lơn ma Gâp, jêh ri khân may mât rong khân may ăn lay ma lĕ ndơ nhhơr dŭt ueh tă bơh phung Israel, jêng phung ƀon lan Gâp!’