I Samuel 2:1 - Nau Brah Ndu Ngơi 2023

¹ Rnôk nây H'Anna mbơh sơm: “Nuih n'hâm gâp hâk răm ngăn tâm Brah Yêhôva, Tă bơh Brah Yêhôva, n'hâm suan gâp dăng ktang. Trôm mbung gâp gơm mưch ma phung rlăng gâp; Yorlah nau May tâm rklaih ƀư ma gâp răm rhơn.

I Samuel 2:1 Iomraidhean Croise

II Nau Rêh Jêng 20:27

Lĕ rngôch phung Yuđa jêh ri phung gŭ tâm ƀon Yêrusalem, bơh Y-Jôsaphat hăn lor panăp, plơ̆ sĭt rlet ƀon Yêrusalem ma nau răm maak, yorlah Brah Yêhôva hŏ ƀư ăn ma khân păng hâk răm, yor ma phung rlăng khân păng lĕ roh rai jêh.

Nêhêmi 11:17

Bi Y-Matania, kon bu klâu Y-Mika, sau Y-Sapdi, se Y-Asap, jêng kôranh gai ma nau kan tâm rnê Kôranh Brah dôl mông mbơh sơm; geh đŏng Y-Bakbukia, jêng nơm tal bar tâm phung oh nâu khân păng jêh ri Y-Apda, kon bu klâu Y-Samua, sau Y-Galal, se Y-Jêduthun.

Ndrom Samƀŭt bơh Yôp 16:15

Gâp jĭm ao ƀau nkŭm klơ ntâu săk jăn gâp, Tâp brôi n'hâm suan gâp tâm ndruyh neh.

Nau Mprơ Ơm 118:14

Brah Yêhôva jêng nau ktang gâp jêh ri nau mprơ gâp; Păng yơh jêng nau tâm rklaih gâp.

Nau Mprơ Ơm 13:5

Ƀiălah gâp hŏ rnơm nsing jêh ntŭk nau ueh Kôranh Brah; Ăn nuih n'hâm gâp răm maak ma nau Kôranh Brah tâm rklaih.

Nau Mprơ Ơm 148:14

Păng hŏ n'hao jêh nke phung ƀon lan n'gơr prêh, Gay ma phung răp jăp tâm rnê ma Păng, Nâm bu ntĭt ma phung kon Israel, jêng phung ƀon lan gŭ dăch Păng! Halêluya.

Nau Mprơ Ơm 18:2

Brah Yêhôva jêng lŭ toyh ma gâp, pôih nâp gâp jêh ri jêng Nơm tâm rklaih gâp. Brah Ndu gâp jêng lŭ toyh gâp, gâp gŭ krap tâm May Păng jêng khêl, jêng nke ma nau tâm rklaih, jêh ri jêng ntŭk gâp gŭ krap tâm ban lĕ.

Nau Mprơ Ơm 20:5

Hên răm rhơn yorlah dơi rklaih may, Tâm amoh Brah Ndu, hên n'hao prêh n'ha kơ hên. Dăn Brah Yêhôva ƀư dơi jêng lĕ nau hađăch vah vơl.

Nau Mprơ Ơm 21:2

Kôranh Brah ăn jêh ma păng nau nuih n'hâm păng ŭch, Mâu dun đŏng ôh nau bâr mbung păng dăn. (Sêla)

Nau Mprơ Ơm 35:9

Huêng gâp mra răm maak tâm Brah Yêhôva, Răm rhơn ngăn nau Păng tâm rklaih.

Nau Mprơ Ơm 51:15

Ơ Kôranh Brah, pơk hom trôm mbung gâp Jêh ri bâr mbung gâp mra mbơh nau mprơ tâm rnê ma May.

Nau Mprơ Ơm 71:8

Mbung gâp bêng nau tâm rnê ma May, Gâp vay mât ton May ăp nar.

Nau Mprơ Ơm 75:10

Gâp mra koh lĕ rngôch nke phung mhĭk Ƀiălah lĕ nke phung sŏng srăng mra dơi n'hao.

Nau Mprơ Ơm 89:17

Yorlah May nơm yơh jêng nau chrêk rmah ma nau ktang khân păng; Yor ma nau yô̆ May yơh, nke hên mra dơi n'gơr hao prêh.

Nau Mprơ Ơm 89:18

Yorlah Brah Yêhôva jêng khêl ma hên, Nơm kloh ueh Israel jêng Hađăch hên.

Nau Mprơ Ơm 89:24

Ƀiălah nau răp jăp jêh ri nau ueh Gâp mra gŭ ndrel păng; Tâm amoh Gâp, nke păng mra dơi hao.

Nau Mprơ Ơm 9:14

Gay ma gâp mbơh tay lĕ nau tâm rnê ma Kôranh Brah; Ta mpông ƀon Kon Bu Ur Siôn, Gâp răm maak ma nau May tâm rklaih.

Nau Mprơ Ơm 92:10

Ƀiălah May ăn nke gâp n'gơr hao prêh nâm bu nke ndrôk bri; Bu troch jêh gâp ma dak ngi mhe.

Nau Ngluh Êjipt 15:1

Aƀaơ, Y-Môis jêh ri phung ƀon lan Israel mprơ nau mprơ aơ ma Brah Yêhôva: “Gâp mprơ tâm rnê Brah Yêhôva, Yorlah Păng dŭt prêh ma nau rnam ngăn. Păng hŏ mƀăr jêh tâm dak mƀŭt, Seh jêh ri phung tahan ncho seh.

Nau Ngluh Êjipt 15:21

H'Miriam mprơ pô aơ: “Mprơ hom ma Brah Yêhôva Yorlah Păng dŭt prêh geh nau rnam. Păng hŏ mƀăr jêh tâm dak mƀŭt Seh jêh ri rmăk seh.”

Habakuk 3:1

Nau nơm mbơh lor Y-Habakuk mbơh sơm tĭng nâm nau mprĭng.

Habakuk 3:18

Gâp hôm răm maak tâm Brah Yêhôva; Gâp hôm hâk răm tâm Brah Ndu ma nau tâm rklaih gâp.

Luka 1:69

Păng hŏ n'hao ma phung he, tâm ngih Y-Đavit, oh mon Păng, Du huê Nơm Tâm Rklaih bêng nau brah!

Samƀŭt Pôl Njuăl Ăn Ma Phung Nsing Ta Ƀon Rôm 5:11

Mâu knŏng kơt nây dơm, he hôm răm maak tâm Brah Ndu yor Kôranh Brah he jêng Brah Yêsu Krist, yor Păng yơh aƀaơ aơ he geh nau tâm rnglăp đah Brah Ndu.

Nau Vay Nkah Tay 33:17

Păng geh nau rnam tâm ban ma ndrôk nkuăng păng deh dak bôk, Ma bar đah nke dăng ktang ndrôk bri! Păng dŏng nke nây dong cha lôt lĕ rngôch ntil mpôl bunuyh, Kŏ tât ta phung ƀon lan gŭ dŭt bôl neh ntu; Nây jêng âk rmưn tahan Êphraim, Âk rbăn nuyh Manasê.”

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

Philip 4:4

Răm maak mro hom tâm Kôranh Brah, gâp lah tay đŏng: Răm maak hom!

Philip 4:6

Lơi ta rngot rvê ma du ntil ndơ ôh, ƀiălah tâm lĕ ntil ndơ dŏng hom nau mbơh sơm, nau vơh dăn jêh ri nau lah ueh gay tâm mpơl lĕ nau khân may ŭch dăn ma Brah Ndu.

I Pêtrôs 1:8

Nđâp tơlah ê hŏ saơ Păng, khân may ăt rŏng jêh ma Păng, nđâp tơlah ê hŏ tâm mâp đah Păng, khân may ăt chroh jêh ma Păng, jêh ri hâk răm tâm nau răm maak dŭt hâu ngăn, mâu blau rblang ôh;

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”

I Samuel 1:6

Nơm tâm djrel ma păng vay rkhŏch rhiăl ma păng gay ƀư ăn păng ji nuih, yorlah Brah Yêhôva hŏ ƀư ăn păng mâu bă kon.

I Samuel 1:7

Nau nây tât ndăng nâm pônây tă bơh năm aơ tât năm ri, ăp tơ̆ tơlah H'An hăn hao let ma ngih Brah Yêhôva, H'Pênina rkhŏch rhiăl păng mro. Yor ri, H'An nhĭm jêh ri mâu ŭch sông sa ôh.