I Samuel 19:23 - Nau Brah Ndu Ngơi 2023

²³ Pônây, păng hăn tât ta Naiôt tâm Rama. Huêng Brah Ndu văch gŭ ndrel ma păng tâm ban lĕ, jêh ri păng dôl hăn rŏ trong păng ngơi mbơh lor kŏ tât ta Naiôt tâm Rama.

I Samuel 19:23 Iomraidhean Croise

Nau Hôr 16:9

Kon bunuyh ŭch mĭn trong păng, Ƀiălah Brah Yêhôva ntĭm leo lĕ nhuat păng.

Nau Hôr 21:1

Nuih n'hâm hađăch tâm ti Brah Yêhôva nâm bu n'hor dak hoch; Păng ŭch ƀư nkêng nkăng ntŭk mpeh tĭng nau Păng ŭch.

Nau Kơp Bunuyh 23:5

Brah Yêhôva dơm nau ngơi tâm trôm mbung Y-Balaam jêh ri lah: “Plơ̆ sĭt hom ma Y-Balak jêh ri ngơi pô aơ.”

Nau Kơp Bunuyh 24:2

Y-Balaam n'gơr uănh, păng saơ Israel ndâk ngih bok tĭng nâm ăp ndŭl mpôl, Huêng Brah Brah Ndu văch gŭ ta păng

Mathay 7:22

Tâm nar nây, âk bunuyh mra lah ma Gâp: ‘Ơ Kôranh Brah, ơ Kôranh Brah! Di đŏng hên ngơi mbơh lor jêh tâm amoh May, hên mâp mprơh jêh brah mhĭk tâm amoh May, hên mâp ƀư âk nau mbên khlay tâm amoh may ƀơh?’

Yôhan 11:51

Nau ngơi nây mâu geh tă bơh păng, ƀiălah păng jêng kôranh ƀư brah toyh lơn tâm năm nây, păng mbơh lor ma nau Brah Yêsu mra khĭt ăn ma lĕ phung ƀon lan,

I Kôrintô 13:2

Nđâp tơlah gâp geh nau yô̆ ngơi nau mbơh lor jêh ri gĭt lĕ nau khlay ndâp jêh ri lĕ nau gĭt rbăng; nđâp tơlah gâp geh lĕ nau chroh kŏ tât dơi trơn yôk, ƀiălah mâu geh nau rŏng, gâp mâu geh nau khlay.

I Samuel 10:10

Tơlah Y-Sôl hăn tât ta Gibêa, geh du phung mbơh lor tâm mâp ma păng. Huêng Brah Yêhôva văch gŭ ndrel ma păng ma nau brah, jêh ri păng mbơh lor ta nklang khân păng.

I Samuel 10:12

Du huê bunuyh gŭ ta Gibêa ôp: “Ƀiălah mbu nơm jêng mbơ̆ khân păng?” Yor ri, geh nau hôr pô aơ: “Di lĕ nđâp Y-Sôl jêng du huê tâm phung nơm mbơh lor?”

I Samuel 10:6

Huêng Brah Yêhôva mra văch gŭ ndrel ma may ma nau brah, jêh ri may mra mbơh lor ndrel ma khân păng, jêh ri may mra njêng săk jêng du huê bunuyh êng.

I Samuel 18:10

Ôi taơ, Brah Ndu prơh du huê brah mhĭk tât ma Y-Sôl, păng ngơi thăm rmat tâm ngih, bi Y-Đavit ăt kreh gong rêng nâm vay ƀư jêh ăp nar. Y-Sôl djôt du tak tâm ti,

I Samuel 19:18

Pônây, Y-Đavit nchuăt du jêh ri hăn tât ta Rama nkoch ma Y-Samuel lĕ nau Y-Sôl hŏ ƀư ma păng. Jêh nây, păng jêh ri Y-Samuel hăn gŭ ta Naiôt.

I Samuel 19:20

Jêh ri Y-Sôl prơh bunuyh hăn nhŭp Y-Đavit. Tơlah khân păng saơ du phung nơm mbơh lor, gŭ mbơh lor jêh ri Y-Samuel jêng kôranh khân păng, Huêng Brah Brah Ndu văch gŭ ndrel ma phung bunuyh Y-Sôl prơh hăn, jêh ri nđâp khân păng nây lĕ mbơh lor.

I Samuel 19:22

Rnôk nây, Y-Sôl nơm hăn tât ma Rama, tât ta du ntu dak toyh ta Seku, jêh ri ôp: “Ta ntŭk Y-Samuel jêh ri Y-Đavit?” Geh du huê plơ̆ lah: “Bar hê khân păng dôl gŭ ta Naiôt tâm Rama.”