I Samuel 19:20 - Nau Brah Ndu Ngơi 2023

²⁰ Jêh ri Y-Sôl prơh bunuyh hăn nhŭp Y-Đavit. Tơlah khân păng saơ du phung nơm mbơh lor, gŭ mbơh lor jêh ri Y-Samuel jêng kôranh khân păng, Huêng Brah Brah Ndu văch gŭ ndrel ma phung bunuyh Y-Sôl prơh hăn, jêh ri nđâp khân păng nây lĕ mbơh lor.

I Samuel 19:20 Iomraidhean Croise

Yôel 2:28

“Jêh ta nây, Gâp mra nkhŭt Huêng Brah Gâp ta klơ lĕ rngôch nglay săk. Phung kon bu klâu jêh ri phung kon bu ur khân may mra mbơh lor; Phung bu ranh geh nau mbơi, Phung bu klâu ndăm mra saơ nau tâm saơ.

Nau Kơp Bunuyh 24:2

Y-Balaam n'gơr uănh, păng saơ Israel ndâk ngih bok tĭng nâm ăp ndŭl mpôl, Huêng Brah Brah Ndu văch gŭ ta păng

Yôhan 7:32

Phung Pharisi tăng lĕ nau phung ƀon lan ngơi ƀŭk dŭk suyh ma Brah Yêsu, pôri khân păng jêh ri kôranh ƀư brah toyh njuăl phung kôranh king n'gang ngih brah hăn nhŭp Brah Yêsu.

I Kôrintô 14:3

Ƀiălah bunuyh ngơi nau mbơh lor, păng ngơi đah kon bunuyh gay ndâk njêng, tâm n'hao nuih jêh ri bonh leng.

I Samuel 10:10

Tơlah Y-Sôl hăn tât ta Gibêa, geh du phung mbơh lor tâm mâp ma păng. Huêng Brah Yêhôva văch gŭ ndrel ma păng ma nau brah, jêh ri păng mbơh lor ta nklang khân păng.

I Samuel 19:11

Y-Sôl prơh bunuyh hăn tât ta ngih Y-Đavit, gak uănh păng gay nkhĭt păng ang ôi taơ. Ƀiălah H'Mikal, ur Y-Đavit, ăn păng gĭt jêh ri lah: “Tơlah măng aơ may mâu nchuăt klaih ôh, pôri kêng ôi taơ bu mra nkhĭt may.”

I Samuel 19:14

Tơlah Y-Sôl prơh bunuyh hăn nhŭp Y-Đavit, păng lah: “Păng ji kop.”

I Samuel 19:19

Geh bunuyh mbơh nau nây ma Y-Sôl pô aơ: “Aơ, Y-Đavit lĕ gŭ ta Naiôt tâm Rama.”

I Samuel 19:21

Bu mbơh nau nây ma Y-Sôl gĭt; păng prơh phung êng, jêh ri phung êng nây jêng ngơi mbơh lor đŏng. Y-Sôl prơh tay phung mbơh hăn rơh pe, jêh ri khân păng ngơi nau mbơh lor đŏng.