I Samuel 19:14 - Nau Brah Ndu Ngơi 2023

¹⁴ Tơlah Y-Sôl prơh bunuyh hăn nhŭp Y-Đavit, păng lah: “Păng ji kop.”

I Samuel 19:14 Iomraidhean Croise

II Samuel 17:20

Phung oh mon Y-Apsalôm tât ta ngih bu ur nây jêh ri ôp: “Ta ntŭk Y-Ahimas jêh ri Y-Jônathan?” Bu ur nây plơ̆ lah: “Khân păng lĕ rgăn dak n'hor jêh.” Khân păng joi ƀiălah mâu dơi saơ, pôri khân păng plơ̆ sĭt ma ƀon Yêrusalem.

Yôsuê 2:5

Nôk kêng măng, tơlah bu dăch nchăng mpông ƀon, phung bu klâu nây lĕ du luh, gâp mâu gĭt ôh mbah ntŭk khân păng hăn. Pônây, tĭng hom khân păng gơnh, khân may mra tĭng ban ro khân păng.”

I Samuel 19:15

Y-Sôl prơh tay bunuyh hăn uănh Y-Đavit, jêh ri lah: “Ăt ăn păng ta sưng bê̆ch jêh ri tung leo păng tât ma gâp gay gâp dơi nkhĭt păng.”

I Samuel 19:20

Jêh ri Y-Sôl prơh bunuyh hăn nhŭp Y-Đavit. Tơlah khân păng saơ du phung nơm mbơh lor, gŭ mbơh lor jêh ri Y-Samuel jêng kôranh khân păng, Huêng Brah Brah Ndu văch gŭ ndrel ma phung bunuyh Y-Sôl prơh hăn, jêh ri nđâp khân păng nây lĕ mbơh lor.