I Samuel 18:30 - Nau Brah Ndu Ngơi 2023

³⁰ Rnôk nây, phung kôranh Philistin du luh ŭch tâm lơh, jêh ri ăp tơ̆ khân păng luh du, Y-Đavit geh nau dơi lơn ma lĕ rngôch phung oh mon Y-Sôl, pônây ƀư ăn amoh păng lư n'găr hâu ngăn.

I Samuel 18:30 Iomraidhean Croise

II Samuel 11:1

Lăp yan kao jêng rnôk phung hađăch vay hăn tâm lơh. Y-Đavit prơh Y-Jôap ndrel phung tahan păng jêh ri lĕ rngôch phung Israel hăn tâm lơh; khân păng lơh rai phung Ammôn jêh ri nchueng jŭm ƀon Raba. Ƀiălah Y-Đavit hôm gŭ ta Yêrusalem.

II Samuel 7:9

Gâp hŏ gŭ ndrel ma may tâm lĕ rngôch ntŭk may hăn, ƀư rai lĕ rngôch phung rlăng may; jêh ri Gâp hŏ ƀư ăn may lư n'găr nâm bu amoh phung toyh ta neh ntu.

II Phung Hađăch 1:13

Hađăch prơh đŏng du huê kôranh ma prăm jât nuyh tahan rơh pe djôt leo prăm jât bunuyh tahan păng hăn. Kôranh aơ hăn hao, jêh ri tơlah văch ta ntŭk, chon kômâk panăp Y-Êli, vơh vơl: “Hơi bunuyh Brah Ndu, gâp dăn ma may uănh khlay nau rêh gâp jêh ri nau rêh prăm jât bunuyh aơ, jêng phung oh mon may.

Nau Mprơ Ơm 116:15

Nau khĭt phung kloh ueh Jêng khlay ngăn tanăp măt Brah Yêhôva.

Nau Mprơ Ơm 119:99

Gâp geh nau gĭt rbăng lơn ma lĕ rngôch phung sâm nti gâp, Yorlah gâp gŭ mĭn lĕ nau May ntĭnh.

Nau Hôr 12:8

Du huê bunuyh dơi geh nau tâm rnê tĭng nâm nau blau mĭn păng nơm, Bi ma nơm geh nuih n'hâm kue bu mra tâm rmot.

Daniel 1:20

Dôl hađăch ôp khân păng ma lĕ rngôch nau ôp ma nau blau mĭn nau gĭt rbăng, pôri saơ khân păng blau lơn jât tơ̆ ma phung ƀŭk rƀên jêh ri phung kôranh n'hŭm tâm lĕ ƀon bri hađăch păng nơm.

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Êphêsô 5:15

Pôri, sek uănh njrăng hom ma nau khân may gŭ rêh, lơi gŭ rêh nâm bu phung rluk mâl, ƀiălah gŭ rêh nâm bu phung blau mĭn.

I Pêtrôs 2:4

Văch dăch hom ta Păng jêng lŭ rêh, kon bunuyh mƀăr lơi jêh, ƀiălah Brah Ndu săch jêh ri jêng geh nau khlay ngăn.

I Pêtrôs 2:7

Pônây, ma khân may jêng phung chroh jêh, Păng jêng khlay; ƀiălah ma phung mâu chroh, pô ri: “Lŭ phung ƀư ngih mƀăr lơi jêh, Plơ̆ jêng lŭ njônh ngih,”

I Samuel 18:29

ri mơ Y-Sôl klach âk lơn ma Y-Đavit. Pônây, Y-Sôl jêng rlăng ma Y-Đavit lĕ du njăr rêh.

I Samuel 18:5

Tơlah Y-Đavit hăn tâm lơh, lĕ ntŭk Y-Sôl prơh păng hăn, păng dơi jêng da dê. Pôri Y-Sôl n'hao kan ma păng jêng kôranh chiă uănh toyh ma phung tahan. Păng dơi ƀư maak ma lĕ rngôch phung ƀon lan jêh ri phung oh mon Y-Sôl.

I Samuel 19:8

Nau tâm lơh ăt hôm ƀaƀơ. Y-Đavit hăn tâm lơh jêh ri tâm lơh đah phung Philistin, ƀư ăn khân păng khĭt âk ngăn, jêh ri khân păng nchuăt du panăp khân păng.

I Samuel 2:30

Yor ri, Yêhôva Brah Ndu Israel lah: ‘Gâp hŏ tă lah jêh pô aơ ngih may jêh ri ngih mbơ̆ may mra n'ho ro pah kan tanăp măt Gâp.’ Ƀiălah aƀaơ Brah Yêhôva lah, nau nây mâu hôm geh tâm ban pônây ôh! Yorlah mbu nơm yơk ma Gâp, Gâp mra yơk ma păng, bi mbu tâm rmot ma Gâp, Gâp mra tâm rmot ma păng.

I Samuel 26:21

Rnôk nây, Y-Sôl ngơi: “Gâp geh nau tih! Hơi Y-Đavit, kon gâp, plơ̆ sĭt hom! Gâp mâu mra ƀư mhĭk ma may đŏng ôh, yorlah nar aơ may hŏ uănh yơk nau rêh gâp. Ngăn yơh, gâp hŏ ƀư jêh nau brŭt moih, hŏ ƀư tih toyh ngăn.”

I Samuel 26:24

Nar aơ, gâp hŏ uănh nau rêh hađăch jêng khlay, pôri Brah Yêhôva tâm ban đŏng mra uănh nau rêh gâp jêng khlay, jêh ri tâm rklaih gâp tă bơh lĕ rngôch nau rêh ni.”