I Samuel 18:14 - Nau Brah Ndu Ngơi 2023

¹⁴ Y-Đavit geh nau dơi tâm lĕ kan păng ƀư yorlah Brah Yêhôva gŭ ndrel ma păng.

I Samuel 18:14 Iomraidhean Croise

Nau Ntơm 39:23

Kôranh bu nă mâu hôm ôh rvê rvănh, yor lĕ nau kan hŏ jao jêh ma Y-Yôsep ƀư, yorlah Brah Yêhôva kâp kơl ma păng ma lĕ nau kan păng ƀư dơi jêng jêh da dê.

II Samuel 5:10

Y-Đavit lơ nar lơ janh ktang, yorlah Brah Yêhôva jêng Brah Ndu ma phung tahan gŭ ndrel ma păng.

II Phung Hađăch 18:7

Yor ri, Brah Yêhôva gŭ ndrel păng, ăp nau păng ƀư, păng geh nau dơi. Păng dâk tâm rdâng dah hađăch Asiri, mâu tông bâr ma păng ôh.

I Nau Rêh Jêng 18:13

Păng ndâk pôih tahan tâm n'gor Êđôm, jêh ri lĕ rngôch phung Êđôm jêng oh mon ma Y-Đavit. Brah Yêhôva kơl Y-Đavit geh nau dơi tâm nau tâm lơh ăp ntŭk păng hăn.

I Nau Rêh Jêng 18:6

Y-Đavit dơm phung tahan ta pôih tâm n'gor Aram jêng ndơ ƀon Damas; phung Aram pah kan jêh ri chê̆ pi ma Y-Đavit. Brah Yêhôva kơl Y-Đavit geh nau dơi tâm nau tâm lơh ăp ntŭk păng hăn tât.

II Nau Rêh Jêng 17:3

Brah Yêhôva gŭ ndrel ma Y-Jôsaphat, yorlah păng tĭng ndô̆ trong Y-Đavit hŏ hăn ntơm saơm, chô yau păng, hŏ hăn jêh, mâu joi brah Baal ôh,

Nau Mprơ Ơm 101:2

Gâp mra gŭ rêh ma nau blau mĭn tĭng trong nŭm rĭng; Ndah jŏ May mra văch ma gâp? Gâp mra sŏk nuih n'hâm nanê̆ Gay ma gŭ tâm ngih gâp.

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Kôranh Oh Mon 18:10

Gâp gŭ ndrel ma may, mâu geh du huê tâm rdâng, ƀư djơh ma may ôh, yorlah Gâp geh âk bunuyh tâm ƀon aơ.”

Yôsuê 6:27

Pônây Brah Yêhôva gŭ ndrel ma Y-Yôsuê, jêh ri păng geh nau lư n'găr lam bri.

Phung Kôranh Phat Dôih 1:19

Brah Yêhôva gŭ ndrel ndŭl mpôl Yuđa jêh ri khân păng dơi pit n'gor klơ dor yôk. Ƀiălah khân păng mâu dơi mprơh phung ƀon lan gŭ ta n'gor neh lâng yorlah khân păng geh âk ndeh ma loih.

I Samuel 10:7

Tơlah saơ lĕ nau mbên nây tât ngăn may ƀư hom tĭng nâm may dơi ƀư, yorlah Brah Ndu gŭ ndrel ma may!

I Samuel 16:18

Du huê tâm phung oh mon plơ̆ lah: “Gâp saơ jêh du huê kon bu klâu Y-Yêsê, bunuyh Ƀêtlêhem, kreh gong rêng blau ngăn, jêng du huê tahan janh ktang jêh ri du huê tahan blau tâm lơh. Păng blau mĭn tâm nau ngơi, jêh ri săk jăn jêng ueh ngăn jêh ri Brah Ndu gŭ ndrel păng.”

I Samuel 18:15

Tơlah saơ Y-Đavit geh nau dơi kơt nĕ, Y-Sôl klach ma păng.

I Samuel 19:8

Nau tâm lơh ăt hôm ƀaƀơ. Y-Đavit hăn tâm lơh jêh ri tâm lơh đah phung Philistin, ƀư ăn khân păng khĭt âk ngăn, jêh ri khân păng nchuăt du panăp khân păng.

I Samuel 3:19

Y-Samuel văch ma toyh, Brah Yêhôva gŭ ndrel păng: Păng mâu ăn du ntil nau păng ngơi roh hêng dơm dam ôh.