I Samuel 17:52 - Nau Brah Ndu Ngơi 2023

⁵² Nôk nây, phung ƀon lan Israel jêh ri Yuđa dâk ma nau troh nter jêh ri hăn tĭng phung tahan Philistin tât ta ƀon Gat jêh ri bôk mpông ƀon Êkron. Săk jăn phung tahan Philistin cha lôt khĭt rŏ trong ntơm bơh Saraim tât Gat jêh ri Êkron.

I Samuel 17:52 Iomraidhean Croise

II Samuel 23:10

ƀiălah Y-Êlêasar dâk jêh ri nkhĭt phung Philistin kŏ tât rgănh ti, n'ho dăng krêp đao tâm ti păng. Tâm nar nây, Brah Yêhôva ăn ma phung Israel nau dơi tâm lơh toyh. Phung tahan plơ̆ tay tĭng groi pakơi Y-Êlêasar knŏng kâp sŏk gro ndô ndơ phung rlăng nây dơm.

I Phung Hađăch 20:21

Hađăch Israel hăn rduh lơh seh jêh ri ndeh seh, dơi lơh phung tahan Aram jêh ri lơh nkhĭt khân păng âk ngăn.

Yôsuê 15:11

N'har nây thoi tât dor yôk mpeh pa lơ Êkron jêh ri ndăch jŭm tât ma Sikêron, hăn rgăn yôk Balah, hăn sŏng tât ma Japnel, jêh ri lôch ta dak mƀŭt.

Phung Kôranh Phat Dôih 7:23

Phung tahan Israel bơh phung Naptali, phung Aser, jêh ri lĕ phung Manasê, bu rgum hăn tĭng phung Madian.

I Samuel 17:53

Jêh hăn tĭng phung tahan Philistin, phung ƀon lan Israel plơ̆ sĭt sŏk pit pôih khân păng.

I Samuel 5:10

Nôk nây, khân păng njuăl Hip Nau Tâm Rnglăp Brah Ndu tât ta Êkron. Tơlah Hip Nau Tâm Rnglăp tât jêh ta Êkron, phung ƀon lan Êkron lŭng nter huy pô aơ: “Khân păng leo nglăp jêh Hip Nau Tâm Rnglăp Brah Ndu Israel tât ta he gay nkhĭt he jêh ri phung ƀon lan he!”

I Samuel 5:8

Pôri, khân păng prơh bu hăn jă lĕ rngôch kôranh phung Philistin tât jêh ri lah: “Moh nau he mra ƀư ma Hip Nau Tâm Rnglăp Brah Ndu Israel?” Phung kôranh plơ̆ lah: “Leo nglăp hom Hip Nau Tâm Rnglăp Brah Ndu Israel tât ta Gat.” Pôri khân păng leo nglăp Hip Nau Tâm Rnglăp Brah Ndu Israel tât ta nây.