I Samuel 17:49 - Nau Brah Ndu Ngơi 2023

⁴⁹ Y-Đavit sŭk tâm dŭng păng sŏk du găr lŭ, jêh nây dŏng na rvĭt đah rse klŭp di ta ndăr kleng bu klâu Philistin. Găr lŭ lăp tâm trôm ndăr kleng păng, ƀư ma Y-Gôliat cha lôt nkŭp muh măt ta neh.

I Samuel 17:49 Iomraidhean Croise

I Phung Hađăch 22:34

Nôk nây, geh du huê bunuyh nkhêp van na pănh di ta hađăch Israel, di tâm ntŭk vah vang nđa nsiap ao loih ndơ nkŭm ntang ntơh. Hađăch lah đah nơm ƀĭt ndeh seh păng pô aơ: “Plăch ndeh hom, rdeng gâp luh du bơh nau tâm lơh, yorlah gâp lĕ rmanh jru jêh.”

II Phung Hađăch 9:24

Y-Jêhu van na dôl djôt tâm ti, pănh Y-Jôram di ta n'gul bar săng nglik. Hăr rho sôr play nuih păng, ƀư ăn păng cha lôt tâm ndeh seh păng.

I Samuel 17:48

Lah Y-Gôliat rduh tâm lơh đah Y-Đavit, Y-Đavit nchuăt ngăch rlet mpeh ntŭk dăp tâm lơh gay tâm mâp đah bu klâu Philistin.

I Samuel 17:50

Pônây, Y-Đavit dơi đah bu klâu Philistin ma du găr lŭ klŭp ma na rvĭt, nkhĭt păng mâu ŭch djôt đao tâm ti.

I Samuel 19:5

Păng sân săk jăn jêh ri nkhĭt jêh bu klâu Philistin, yor ri Brah Yêhôva ƀư du nau tâm rklaih toyh yor tă bơh păng ăn ma lĕ rngôch phung Israel. May lĕ saơ jêh ri răm rhơn nau nây. Pônây, mâm dĭng may ŭch ƀư tih đŏng đah mham mâu geh nau tih ôh, ŭch nkhĭt Y-Đavit dơm dam?”