I Samuel 17:37 - Nau Brah Ndu Ngơi 2023

³⁷ Y-Đavit lah tay: “Brah Yêhôva rklaih jêh gâp tă bơh nheh yau mŭr jêh ri nheh kau, Păng tâm ban đŏng mra tâm rklaih gâp tă bơh ti phung Philistin aơ.” Y-Sôl lah ma Y-Đavit: “Hăn hom, ăn Brah Yêhôva gŭ ndrel ma may!”

I Samuel 17:37 Iomraidhean Croise

II Samuel 10:12

Ktang hom jêh ri tâm lơh janh ktang yor phung ƀon lan he jêh ri yor lĕ ƀon Brah Ndu he. Dăn Brah Yêhôva ƀư tĭng nâm nau Păng mĭn ueh!”

I Nau Rêh Jêng 22:11

Aơ kon bu klâu gâp, aƀaơ, dăn Brah Yêhôva gŭ n'hanh may jêh ri kơl may geh nau dơi tâm kan ndâk ngih brah ma Yêhôva Brah Ndu may, tĭng nâm nau Păng ngơi jêh ma may.

I Nau Rêh Jêng 22:16

phung blau ma mah, prăk, kông, jêh ri loih jêng âk ir mâu dơi kơp ôh. Dâk pah kan hom! Brah Yêhôva mra gŭ n'hanh may.”

Nau Mprơ Ơm 11:1

Gâp gŭ krap săk jăn ntŭk Brah Yêhôva. Mâm ƀư khân may nănh ntĭm gâp: “Hăn du hom, nâm bu sĭm mpăr sĭt tâm yôk?

Nau Mprơ Ơm 118:6

Brah Yêhôva gŭ koh dŏng gâp, gâp mâu mra klach ôh, Moh bunuyh dơi mra ƀư ma gâp?

Nau Mprơ Ơm 138:3

Tâm nar gâp kuăl mbơh sơm ma May, May hŏ plơ̆ lah jêh ma gâp, Ăn gâp geh nau nănh jêh ri dăng ktang.

Nau Mprơ Ơm 63:7

Yorlah May kơl gâp jêh, Jêh ri gâp mprơ maak tâm dâng gui năr May.

Nau Mprơ Ơm 77:11

Gâp mra kah gĭt mro nau kan Brah Yêhôva; Kah gĭt tât lĕ nau mbên khlay May kăl e;

Daniel 3:17

Tơlah bu klŭp hên tâm ŭnh năk, pônây ơ hađăch, Brah Ndu nơm hên yơk mbah mra dơi tâm rklaih hên klaih bơh ŭnh năk jêh ri bơh ti may.

Yôsuê 1:17

Hên mra tông bâr may tâm lĕ nau kan nâm bu hên hŏ tông bâr jêh ma Y-Môis. Knŏng ŭch Yêhôva Brah Ndu may gŭ ndrel ma may, tâm ban Păng hŏ gŭ ndrel jêh ma Y-Môis!

Bu ur Rut 2:4

Nôk nây, Y-Bôas hăn tă bơh Ƀêtlêhem. Păng mbah ma phung rek: “Mbơh sơm Brah Yêhôva gŭ ndrel ma khân may!” Khân păng plơ̆ lah: “Dăn ma Brah Yêhôva ăn nau ueh uĭn ma may!”

I Samuel 17:36

Oh mon may hŏ nkhĭt jêh yau mŭr jêh ri kau, pônây bu klâu Philistin mâu geh koh ntâu ri mra jêng tâm ban nây lĕ, yorlah păng nănh rlong nuih phung tahan Brah Ndu gŭ rêh mro mrăng.”

I Samuel 17:38

Y-Sôl sŏk ao păng tâm lơh nsoh ăn ma Y-Đavit, ndô môk kông jêh ri nsoh ao tâm lơh ma păng.

I Samuel 20:13

bi tơlah mbơ̆ gâp sŏl ko ƀư mhĭk ma may, gâp mra ăn may gĭt lor, ăn may du, jêh ri may mra hăn đăp mpăn. Tơlah mâu, dăn ma Brah Yêhôva rmal jâk jêr ma Y-Jônathan! Dăn ma Brah Yêhôva gŭ ndrel ma may, nâm bu Păng hŏ gŭ ndrel ma mbơ̆ gâp!

I Samuel 24:19

Nar aơ, may hŏ mpơl jêh pô aơ may ƀư nau ueh ma gâp; yorlah Brah Yêhôva hŏ jao gâp tâm ti may, ƀiălah may mâu geh nkhĭt gâp ôh.

I Samuel 26:25

Y-Sôl ngơi ma Y-Đavit: “Hơi Y-Đavit, kon gâp, dăn ma may geh nau ueh uĭn! Nanê̆ may mra ƀư lĕ nau kan toyh jêh ri mra geh nau dơi lơn.” Jêh nây Y-Đavit dâk hăn trong păng, bi ma Y-Sôl plơ̆ sĭt ta ngih păng nơm.

I Samuel 7:12

Nôk nây, Y-Samuel sŏk du mlâm lŭ dơm vah vang Mispa jêh ri Sen, ntơ amoh păng Êbenêser, yorlah păng lah: “Brah Yêhôva kơl tâm rklaih jêh he kŏ tât aƀaơ.”