I Samuel 17:36 - Nau Brah Ndu Ngơi 2023

³⁶ Oh mon may hŏ nkhĭt jêh yau mŭr jêh ri kau, pônây bu klâu Philistin mâu geh koh ntâu ri mra jêng tâm ban nây lĕ, yorlah păng nănh rlong nuih phung tahan Brah Ndu gŭ rêh mro mrăng.”

I Samuel 17:36 Iomraidhean Croise

II Nau Rêh Jêng 32:17

Y-Sênakêrip nchih âk samƀŭt mưch ma Yêhôva Brah Ndu Israel jêh ri ngơi mhĭk đah Păng pô aơ: “Ăp brah tâm lĕ rngôch bri mâu hŏ dơi tâm rklaih ôh phung ƀon lan khân păng bơh ti gâp, tâm ban lĕ brah Y-Hêsêkia mâu dơi ôh tâm rklaih phung ƀon lan păng bơh ti gâp.”

Êsai 10:15

Sung tâm rnê păng nơm rlau lơn ma nơm djôt sung, Mâu lah ndruih tâm rnê păng nơm rlau lơn ma nơm djôt ndruih lĕ? Nau nây tâm ban ma mâng rpăt gai rlơ̆ nơm yơr mâng rpăt, Mâng jra chông nơm kuăn mâng jra!

Êsai 36:15

Lơi ăn ôh hađăch Hêsêkia ndơm khân may rnơm nsing ma Brah Yêhôva dôl lah: “Brah Yêhôva mra tâm rklaih he n'hêl nanê̆ ndrel ma ƀon aơ, jêh ri bu mâu mra jao ƀon aơ tâm ti hađăch bri Asiri ôh!”

Êsai 36:18

Njrăng hom, klach lah Y-Hêsêkia ndơm khân may jêh ri lah: “Brah Yêhôva mra tâm rklaih he!” Pôri, geh lĕ du huê brah tâm lĕ bri dak mâp dơi tâm rklaih bri khân păng bơh ti hađăch Asiri mâm dơi lĕ?

Êsêkiêl 28:10

May mra khĭt yor ma ti phung bu năch Nâm bu phung mâu hŏ ŭch bu koh ntâu. Kôranh Brah Yêhôva lah, Gâp nơm yơh hŏ lah nâm bu pônây.’”

Êsêkiêl 32:19

May ueh lơn ma bu? Pôri jŭr hom jêh ri bê̆ch ndrel ma phung mâu dơn nau koh ntâu.

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Sakari 12:3

Tâm nar nây, Gâp mra ƀư ăn ma ƀon Yêrusalem jêng du mlâm lŭ toyh jâk ngăn ăn ma lĕ rngôch ntil mpôl bunuyh; mbu moh chông păng mra geh nau sôt rmanh jru. Jêh ri lĕ rngôch bri dak ta klơ neh mra tâm rgum gay tâm rdâng đah păng.”

Sakari 2:8

Lôch jêh mpơl nau chrêk ma lơp, Păng đă gâp hăn tât ma lĕ bri dak hŏ pit in jêh ndơ khân may. Yorlah Brah Yêhôva ma phung tahan lah pô aơ mbu nơm pah tât ta khân may nâm bu ntĭt pah tât ta găr măt Păng.

I Samuel 14:6

Y-Jônathan lah ma bunuyh ndăm tuy ndơ păng tâm lơh: “Kay lŏng, he hăn tât ta pôih phung mâu geh koh ntâu aơ. Klăp lah Brah Yêhôva mra ƀư ăn ma he. Nđâp tơlah djê̆ bunuyh mâu lah âk bunuyh, mâu geh du ntil ndơ king ôh Brah Yêhôva ƀư ma he dơi tâm lơh.”

I Samuel 17:10

Bu klâu Philistin nây lah tay: “Di jêh nar aơ, gâp rlong ma phung tahan Israel: Săch hom du huê bu klâu gay tâm lơh đah gâp.”

I Samuel 17:26

Y-Đavit lah ma phung gŭ êp păng: “Moh ndơ bu mra nkhôm ma nơm dơi nkhĭt bu klâu Philistin aơ, jêh ri sŏk lơi nau bêk prêng tă bơh phung Israel? Yorlah bu klâu Philistin aơ, nơm mâu koh ntâu ôh mbu moh păng jêng, dĭng nănh rlong nuih phung tahan Brah Ndu gŭ rêh mro mrăng?”

I Samuel 17:35

gâp hăn tĭng păng, dong păng, pit sŏk biăp tă bơh trôm mbung păng; tơlah păng tâm rdâng, gâp kuăn ta têp kang păng, dong păng jêh ri nkhĭt lơi păng.

I Samuel 17:37

Y-Đavit lah tay: “Brah Yêhôva rklaih jêh gâp tă bơh nheh yau mŭr jêh ri nheh kau, Păng tâm ban đŏng mra tâm rklaih gâp tă bơh ti phung Philistin aơ.” Y-Sôl lah ma Y-Đavit: “Hăn hom, ăn Brah Yêhôva gŭ ndrel ma may!”

I Samuel 18:17

Y-Sôl lah ma Y-Đavit: “Aơ, kon bôk rah gâp jêng H'Mêrap. Gâp mra ăn ma păng jêng ur may, knŏng ăn may jêng janh ktang kơl ma gâp jêh ri tâm lơh yor Brah Yêhôva.” Y-Sôl mĭn êng: “Lơi ăn ti gâp ƀư mhĭk ma păng, ăn ti phung Philistin ƀư mhĭk ma păng.”

I Samuel 31:4

Y-Sôl lah ma nơm djôt ndơ tâm lơh păng: “Tŏk hom đao may jêh ri ntâp gâp, klach lah phung mâu koh ntâu aơ văch tât ntâp gâp jêh ri ƀư bêk prêng gâp.” Ƀiălah nơm djôt ndơ tâm lơh mâu nănh ƀư ôh yorlah klach ngăn. Yor ri, Y-Sôl sŏk đao jêh ri kŭnh tom tra ntang ntơh sân đah đao nây.