I Samuel 17:28 - Nau Brah Ndu Ngơi 2023

²⁸ Ƀiălah Y-Êliap, nâu ranh păng, tăng Y-Đavit ngơi pônây, ji nuih ma păng, jêh ri lah: “Mâm ƀư may tât ta aơ? Ma mbu nơm may lơi ăn biăp he djê̆ lê̆ tâm bri rdah? Gâp gĭt nau sưr jêh ri nau mhĭk tâm nuih n'hâm may. Yorlah may hăn văch ta aơ gay ŭch saơ nau tâm lơh.”

I Samuel 17:28 Iomraidhean Croise

Nau Ntơm 37:11

Phung nâu tâm rmot ma păng, bi mbơ̆ păng kah gĭt nau ngơi nây.

Nau Ntơm 37:4

Nôk phung nâu păng saơ mbơ̆ khân păng rŏng ma Y-Yôsep âk lơn, khân păng tâm rmot, jêh ri mâu dơi ngơi ueh ôh đah Y-Yôsep.

Nau Ntơm 37:8

Phung nâu păng lah: “Pôri may ŭch mĭn chiă uănh hên ƀơh? May mra ŭch jêng kôranh hên ngăn lah?” Khân păng tâm rmot ma Y-Yôsep âk lơn yor nau mbơi jêh ri nau păng ngơi.

II Nau Rêh Jêng 11:18

Y-Rôbôam sŏk H'Mahalat, kon bu ur Y-Jêrimôt, sau Y-Đavit, ƀư ur; mê̆ H'Mahalat jêng H'Abihai kon bu ur Y-Êliap jêng sau Y-Yêsê.

Nau Mprơ Ơm 35:11

Phung mbơh nau nchơt nây dâk; Ôp lĕ nau gâp mâu mâp gĭt ôh.

Nau Hôr 18:19

Sŏk tay nuih n'hâm du huê oh nâu bu hŏ ƀư nsak jêh nuih n'hâm, Jêng jêr lơn lơh pit in du ƀon toyh lĕ nâp; Nau tâm djrel pônây tâm ban rnăng mpông nchăng pôih toyh.

Nau Hôr 27:4

Nau ji nuih jêng nau janh djơh ngăn, jêh ri nau ji nuih nâm bu dak bŭk, Ƀiălah mbu moh dơi dơn tanăp nau mâu nach?

Nơm Nti 4:4

Gâp dơn saơ kon bunuyh pah kan đah nau hŏt rgănh jêh ri gĭt blau, knŏng yor ŭch nach bunuyh aơ đah nơm êng dơm yơh. Nau aơ nâm bu jêng nau dơm dam, tĭng rlong sial khôm.

Mathay 10:36

jêh ri phung rlăng jêng bunuyh tâm ngih vâl may nơm.

Mathay 27:18

Yorlah păng gĭt, yor nau nach, khân păng jao Brah Yêsu jêh.

Markôs 3:21

Phung tâm ngih Păng tăng nau nây, hăn joi ro gay nkân lơi Păng, yorlah bu lah pô aơ: “Păng hŏ lĕ roh nau mĭn jêh.”

Yuđas 1:10

Ƀiălah phung aơ ngơi djơh tât ma lĕ nau khân păng mâu gĭt rbăng, bi lĕ nau khân păng gĭt ma nau nglay săk ŭch nâm bu mpô mpa bri mâu geh nau gĭt rbăng, pôri khân păng dŏng gay ƀư rai roh khân păng nơm.

I Samuel 16:13

Y-Samuel sŏk nke dak ƀâu kah jêh ri tŏ ma Y-Đavit tanăp phung nâu păng. Ntơm bơh nar nĕ tât kăndơ̆, Huêng Brah Yêhôva văch gŭ ndrel ma Y-Đavit ma nau brah. Y-Samuel dâk jêh ri hăn sĭt ma Rama.

I Samuel 16:7

Ƀiălah Brah Yêhôva lah ma Y-Samuel: “Lơi ta uănh padih mâu lah ma nau păng prêh juat ôh, yorlah Gâp dun jêh ma păng. Brah Yêhôva mâu uănh nâm bu bunuyh uănh ôh; bunuyh uănh padih, ƀiălah Brah Yêhôva uănh saơ tâm trôm nuih n'hâm.”

I Samuel 17:29

Y-Đavit lah: “Ntŭk geh gâp ƀư? Mâm gâp mâu dơi ngơi?”