I Samuel 17:26 - Nau Brah Ndu Ngơi 2023

²⁶ Y-Đavit lah ma phung gŭ êp păng: “Moh ndơ bu mra nkhôm ma nơm dơi nkhĭt bu klâu Philistin aơ, jêh ri sŏk lơi nau bêk prêng tă bơh phung Israel? Yorlah bu klâu Philistin aơ, nơm mâu koh ntâu ôh mbu moh păng jêng, dĭng nănh rlong nuih phung tahan Brah Ndu gŭ rêh mro mrăng?”

I Samuel 17:26 Iomraidhean Croise

II Phung Hađăch 19:4

N'hêl nanê̆ Yêhôva Brah Ndu may hŏ tăng jêh lĕ rngôch nau Y-Rabshakeh ngơi jêh ri kôranh păng jêng hađăch Asiri hŏ prơh păng hăn tât gay mưch rmot Brah Ndu gŭ rêh mro mrăng, jêh ri Yêhôva Brah Ndu may mra rmal ma khân păng yor lĕ nau ngơi Păng hŏ tăng jêh. Yor ri, dăn ma may mbơh sơm hom ma phung hôm klen.’”

II Nau Rêh Jêng 32:17

Y-Sênakêrip nchih âk samƀŭt mưch ma Yêhôva Brah Ndu Israel jêh ri ngơi mhĭk đah Păng pô aơ: “Ăp brah tâm lĕ rngôch bri mâu hŏ dơi tâm rklaih ôh phung ƀon lan khân păng bơh ti gâp, tâm ban lĕ brah Y-Hêsêkia mâu dơi ôh tâm rklaih phung ƀon lan păng bơh ti gâp.”

Nêhêmi 5:9

Gâp lah tay: “Nau khân may ƀư mâu geh ueh ôh. Di lah khân may gŭ tâm nau klach yơk ma Brah Ndu, gay lơi ăn phung rlăng ƀư bêk prêng he?

Nau Mprơ Ơm 44:13

May ƀư hên jêng ndơ ăn bêk ma phung chiau meng hên, Ƀư ndơ bu gơm mưch jêh ri jêng nơm khư bu mưch ma phung gŭ jŭm.

Nau Mprơ Ơm 74:18

Ơ Brah Yêhôva, ăn kah gĭt ma nau nơm rlăng suai rak, Jêh ri du mpôl băl rluk ngơi mhĭk ma amoh May.

Nau Mprơ Ơm 79:12

Ơ Kôranh Brah, dăn mplơ̆ lơi ro ma lĕ bri dak văr jŭm hên bar âk lơn tơ̆ pơh. Ma nau khân păng ƀư mhĭk jêh ma May.

Êsai 37:23

Ma mbu nơm may mưch rmot jêh ri ngơi djơh tât? Ma mbu nơm may tâm rdâng ma bâr nter Jêh ri n'gơr măt ma nau sưr? May janh tâm rdâng đah Nơm Kloh Ueh phung Israel hĕ!

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Yêrêmi 9:25

Brah Yêhôva lah: “Aơ, mra tât nar Gâp tâm rmal phung knŏng dơn nau koh ntâu ta săk jăn,

Yêrêmi 9:26

nây jêng phung ƀon lan Êjipt, phung Yuđa, phung Êđôm, phung kon sau Ammôn, phung Môap jêh ri lĕ rngôch phung ƀon lan poih sŏk bar đah n'geng tôr jêh ri gŭ rêh tâm bri rdah. Yorlah lĕ rngôch ndŭl mpôl aơ mâu koh ntâu da dê, bi lĕ rngôch ngih phung Israel mâu koh ntâu tâm nuih n'hâm.”

Êsêkiêl 28:10

May mra khĭt yor ma ti phung bu năch Nâm bu phung mâu hŏ ŭch bu koh ntâu. Kôranh Brah Yêhôva lah, Gâp nơm yơh hŏ lah nâm bu pônây.’”

Daniel 5:23

Ƀiălah, may n'hao êng may nơm tâm rdâng đah Kôranh Brah tâm trôk, đă bu njŭn kachok khăl bơh ngih Kôranh Brah ăn ma may nhêt ndrănh ma phung kôranh may, phung ur may jêh ri phung ur yông may. Hađăch tâm rnê jêh phung brah ƀư ma prăk, mah, kông, loih, si jêh ri lŭ, phung brah mâu blau saơ mâu gĭt tăng mâu gĭt rbăng ôh, ƀiălah mâu yơk mbah ôh ma Brah Ndu jêng nơm djôt tâm ti Păng n'hâm nsôr jêh ri lĕ rngôch trong may.

Daniel 6:27

Păng tâm chuai jêh ri rklaih, Ƀư lĕ nau mbên nau khlay ndâp tâm trôk jêh ri ta neh ntu; Păng nơm tâm rklaih Y-Daniel Bơh neng nheh yau mŭr.”

Daniel 9:16

Ơ Kôranh Brah, tĭng nâm lĕ nau sŏng srăng May, gâp dăn ma May djoh ji nuih jêh ri rlu nau ji nuih đah ƀon Yêrusalem May, nây jêng yôk kloh ueh May, yorlah nau tih hên jêh ri nau mhĭk phung chô yau hên, lĕ rngôch phung gŭ jŭm hên ngơi djơh ma ƀon Yêrusalem jêh ri phung ƀon lan May.

Yôel 2:19

Brah Yêhôva lĕ plơ̆ lah jêh ri lah ma phung ƀon lan Păng pô aơ: “Aơ, Gâp mra ăn ma khân may: Ba răch, ndrănh mhe jêh ri dak ngi, Khân may mra hơm mpay ma lĕ ndơ nây. Gâp mâu mra ƀư ăn khân may Geh nau bêk prêng ta nklang phung mpôl băl bunuyh đŏng ôh.

Nau Vay Nkah Tay 5:26

Yorlah mbu nơm tâm phung bunuyh tăng jêh bâr Brah Ndu gŭ rêh mro mrăng ngơi tă bơh tâm nklang ŭnh nâm bu phung hên ƀiălah hôm rêh?

I Têsalônik 1:9

Yorlah khân păng hŏ nkoch jêh bri nau khân may vơt rom hên, jêh ri mâm nau khân may hŏ plơ̆ sĭt ma Brah Ndu, chalơi jêh rup brah gay pah kan ma Brah Ndu rêh jêh ri nanê̆ ngăn,

Yôsuê 3:10

Jêh ri Y-Yôsuê lah: “Yor nau nây, khân may mra gĭt ma Brah Ndu gŭ rêh mro mrăng gŭ ta nklang khân may, Păng mra mprơh lĕ phung Kanaan, phung Hitit, phung Hivit, phung Pêrisit, phung Girgasit, phung Amôrit, jêh ri Jêbusit du tă bơh năp khân may.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

I Samuel 11:2

Y-Nahas, bunuyh Ammôn, lah ma khân păng: “Gâp mra ƀư nau tâm rnglăp ma khân may tĭng nau aơ: Rloch lơi măt pa ma lĕ rngôch phung khân may, gay ƀư bêk prêng lĕ rngôch phung Israel.”

I Samuel 14:6

Y-Jônathan lah ma bunuyh ndăm tuy ndơ păng tâm lơh: “Kay lŏng, he hăn tât ta pôih phung mâu geh koh ntâu aơ. Klăp lah Brah Yêhôva mra ƀư ăn ma he. Nđâp tơlah djê̆ bunuyh mâu lah âk bunuyh, mâu geh du ntil ndơ king ôh Brah Yêhôva ƀư ma he dơi tâm lơh.”

I Samuel 17:10

Bu klâu Philistin nây lah tay: “Di jêh nar aơ, gâp rlong ma phung tahan Israel: Săch hom du huê bu klâu gay tâm lơh đah gâp.”

I Samuel 17:30

Păng du tă bơh phung nâu păng, hăn văch ôp tay ma phung êng tâm ban nau nây lĕ, bu plơ̆ lah nâm bu kơt saơm nây đŏng.

I Samuel 17:36

Oh mon may hŏ nkhĭt jêh yau mŭr jêh ri kau, pônây bu klâu Philistin mâu geh koh ntâu ri mra jêng tâm ban nây lĕ, yorlah păng nănh rlong nuih phung tahan Brah Ndu gŭ rêh mro mrăng.”

I Samuel 31:4

Y-Sôl lah ma nơm djôt ndơ tâm lơh păng: “Tŏk hom đao may jêh ri ntâp gâp, klach lah phung mâu koh ntâu aơ văch tât ntâp gâp jêh ri ƀư bêk prêng gâp.” Ƀiălah nơm djôt ndơ tâm lơh mâu nănh ƀư ôh yorlah klach ngăn. Yor ri, Y-Sôl sŏk đao jêh ri kŭnh tom tra ntang ntơh sân đah đao nây.