I Samuel 16:7 - Nau Brah Ndu Ngơi 2023

⁷ Ƀiălah Brah Yêhôva lah ma Y-Samuel: “Lơi ta uănh padih mâu lah ma nau păng prêh juat ôh, yorlah Gâp dun jêh ma păng. Brah Yêhôva mâu uănh nâm bu bunuyh uănh ôh; bunuyh uănh padih, ƀiălah Brah Yêhôva uănh saơ tâm trôm nuih n'hâm.”

I Samuel 16:7 Iomraidhean Croise

Nau Ntơm 4:5

ƀiălah Brah Ndu mâu dơn Y-Kain jêh ri ndơ păng nhhơr. Yor ri, Y-Kain nuih ngăn jêh ri muh măt păng jâk.

II Samuel 14:25

Nôk nây taơ, tâm lĕ rngôch phung Israel mâu geh ôh du huê bunuyh tâm rnê yor nau ueh săk păng nâm bu Y-Apsalôm: ntơm bơh mpang jâng tât nklang bôk, mâu geh khap men ôh tâm păng.

II Samuel 7:20

Moh nau Y-Đavit hôm dơi lah đŏng? Hơi Kôranh Brah Yêhôva! May gĭt năl jêh oh mon May.

I Phung Hađăch 8:39

dăn Kôranh Brah klơ trôk, jêng ntŭk May gŭ, rkêng tôr iăt, yô̆ an, ƀư an jêh ri sâm mplơ̆ plơng ma ăp nơm tĭng nâm trong khân păng, jêh ri tĭng nâm lĕ nau Kôranh Brah gĭt năl tâm trôm nuih n'hâm khân păng, yorlah knŏng êng May dơi gĭt rah vah tâm nuih n'hâm kon bunuyh;

I Nau Rêh Jêng 17:18

May ƀư ăn oh mon May geh nau yơk jêh pônây, moh Y-Đavit hôm dơi ngơi đŏng? Yorlah Kôranh Brah gĭt năl jêh oh mon May.

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

II Nau Rêh Jêng 16:9

Yorlah măt Brah Yêhôva uănh treng tâm lam neh ntu gay kơl nau ktang ma phung geh nuih n'hâm ueh đah Păng. Tâm nau aơ, may hŏ gŭ ngao ma nau rluk; yorlah ntơm aƀaơ rlet ô klak, may mra geh nau tâm lơh ƀaƀơ.”

II Nau Rêh Jêng 6:30

dăn ma May tă bơh klơ trôk, jêng ntŭk May gŭ, rkêng tôr iăt, jêh ri yô̆ an, mbơh tay ma ăp nơm tĭng nâm nau rêh khân păng, yorlah May hŏ gĭt năl jêh nuih n'hâm khân păng; nanê̆ ngăn, knŏng êng May yơh dơi gĭt năl nuih n'hâm kon bunuyh.

Ndrom Samƀŭt bơh Yôp 10:4

Di lĕ May geh măt nglay săk. Jêh ri saơ tâm ban ma bunuyh nglay săk saơ đŏng bơh?

Ndrom Samƀŭt bơh Yôp 35:5

N'gơr măt hom jêh ri uănh lĕ ndâr trôk; Treng uănh hom ma ndâr tŭk prêh lơn ma may hâu ngăn ngên.

Nau Mprơ Ơm 139:2

May gĭt lĕ dôl gâp gŭ, dôl gâp dâk; Ntơm bơh ngai may gĭt rah vah nau mĭn gâp.

Nau Mprơ Ơm 7:9

Ơ Brah Ndu sŏng srăng, Jêng nơm sek uănh nuih n'hâm kon bunuyh, Dăn ƀư lôch nau djơh mhĭk phung ƀai Ƀiălah ƀư ăn nâp bunuyh sŏng srăng.

Nau Hôr 15:11

Ƀon phung khĭt jêh ri ntŭk rai yot hôm e mpơl tanăp măt Brah Yêhôva, Lơ hô ma nây nuih n'hâm kon bunuyh!

Nau Hôr 16:2

Lĕ rngôch trong kon bunuyh jêng kloh rsang da dê tĭng măt păng nơm, Ƀiălah Brah Yêhôva mêt uănh tâm nuih n'hâm.

Nau Hôr 24:12

Tơlah may lah: “Ri, hên mâu gĭt ôh nau aơ,” Pôri Nơm njing nuih n'hâm may mâu di hĕ sek uănh lĕ nau nây? Jêh ri Nơm mât mray huêng may mâm dĭng mâu gĭt? Păng mra mplơ̆ ma ăp nơm tĭng nâm moh kan khân păng ƀư?

Nau Hôr 31:30

Ray nkrơ̆ jêng nau ndơm, nau ueh jêng dơm dam; Ƀiălah mbu moh bu ur klach yơk ma Brah Yêhôva mra geh nau tâm rnê.

Yêrêmi 11:20

Ơ Brah Yêhôva ma phung tahan! May phat dôih ma nau sŏng, sek uănh nuih n'hâm jêh ri nau mĭn, Dăn ăn ma gâp saơ nau plơng bôk Kôranh Brah ăn ma khân păng, Yorlah gâp mbơh jêh kan gâp ma May.

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 20:12

Ơ Brah Yêhôva ma phung tahan, May jêng Nơm sek uănh bunuyh sŏng srăng, Nơm dơi uănh tâm nuih n'hâm jêh ri tâm nau mĭn. Ăn gâp saơ nau May har plơng bôk ma khân păng, Yorlah gâp hŏ ngơi nkoch jêh kan gâp ma May.

Luka 16:15

Păng lah ma khân păng: “Khân may ŭch jan sŏng srăng tanăp bunuyh, ƀiălah Brah Ndu gĭt năl nuih n'hâm khân may; yorlah nau bunuyh n'hao jêng nau mưch rmot tanăp Brah Ndu.

Yôhan 7:24

Lơi ta phat dôih tĭng padih, ƀiălah phat dôih hom tĭng nau sŏng srăng.”

Yôhan 8:15

Khân may phat dôih tĭng nau vay bunuyh, ƀiălah Gâp mâu phat dôih bu ôh.

Kôranh Oh Mon 1:24

Jêh nây khân păng mbơh sơm pô aơ: “Ơ Kôranh Brah, May jêng Nơm gĭt rah vah nuih n'hâm lĕ rngôch bunuyh, dăn mpơl ma hên gĭt tâm bar hê aơ, mbu nơm May hŏ săch jêh

II Kôrintô 10:10

Yorlah geh bunuyh lah: “Nôk nchih samƀŭt păng ngơi dăng ngăn jêh ri ktang, ƀiălah tơlah geh măt, păng jêng rdơ̆ rbăn jêh ri nau păng ngơi mâu khlay ôh.”

II Kôrintô 10:7

Khân may knŏng uănh padih. Tơlah mbu moh mĭn khân păng nơm jêng phung Brah Krist, pôri ăn khân păng mĭn tay hom, tơlah khân păng jêng phung Brah Krist, pôri hên tâm ban lĕ.

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

I Pêtrôs 2:4

Văch dăch hom ta Păng jêng lŭ rêh, kon bunuyh mƀăr lơi jêh, ƀiălah Brah Ndu săch jêh ri jêng geh nau khlay ngăn.

I Pêtrôs 3:4

ƀiălah nkrơ̆ hom bunuyh ndâp tâm trôm ma nau ueh mâu blau ôm rai tâm nuih n'hâm rdơ̆ rbăn jêh ri gŭ rklăk; nây jêng nau khlay dŭt hâu tanăp Brah Ndu.

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.

I Samuel 2:3

Găp hơi, lơi hôm ngơi lĕ rngôch nau sưr! Lơi dĭng ăn ôh lĕ nau ngơi ƀlăch ƀlêr luh du tă bơh bâr mbung khân may! Yorlah Brah Yêhôva jêng Brah Ndu gĭt lĕ rngôch, Păng veh njing lĕ rngôch kan bu ƀư.

I Samuel 9:2

Y-Kis geh du huê kon bu klâu amoh Y-Sôl, hôm ndăm jêh ri ray nkrơ̆. Tâm phung ƀon lan Israel, mâu geh ôh du huê bu klâu ray nkrơ̆ lơn ma păng. Y-Sôl juat lơn lĕ rngôch bunuyh ntơm bơh săng nglik păng rlet klơ.