I Samuel 16:19 - Nau Brah Ndu Ngơi 2023

¹⁹ Y-Sôl prơh phung mbơh văch ma Y-Yêsê, jêh ri lah: “Prơh hom Y-Đavit, kon bu klâu may, jêng nơm gŭ chiăp biăp văch ma gâp.”

I Samuel 16:19 Iomraidhean Croise

I Phung Hađăch 19:19

Ntơm bơh nây, Y-Êli luh hăn jêh ri saơ Y-Êlisê, kon bu klâu Y-Saphat, dôl kai mir. Geh jât ma bar gu ndrôk dôl kai panăp Y-Êlisê, jêh ri păng nơm djôt gu ndrôk rơh jât ma bar. Y-Êli hăn rgăn jêh ri mƀăr ao jâr păng nơm ta klơ Y-Êlisê.

Nau Mprơ Ơm 113:8

N'gân păng gŭ ndrel phung kon hađăch, Jêng ndrel phung kon hađăch tâm ƀon lan păng.

Amôt 1:1

Aơ nau Y-Amôt ngơi, păng jêng du huê kôranh mât biăp ta ƀon Têkôa, nkoch lĕ nau păng saơ tât ma ƀon Israel tâm rnôk Y-Usia, hađăch Yuđa jêh ri tâm rnôk Y-Jêrôbôam, kon bu klâu Y-Jôas, hađăch Israel, lor bar năm ma nau n'găr neh.

I Samuel 16:11

Y-Samuel ôp ma Y-Yêsê: “May hôm geh kon bu klâu êng mâu lah mâu?” Y-Yêsê plơ̆ lah: “Hôm e du huê kon mpŏt, ƀiălah păng dôl chiăp biăp.” Y-Samuel lah: “Prơh bunuyh hăn kuăl păng sĭt, he mâu mra gŭ sông sa ôh êlor ma păng tât ta aơ.”

I Samuel 16:18

Du huê tâm phung oh mon plơ̆ lah: “Gâp saơ jêh du huê kon bu klâu Y-Yêsê, bunuyh Ƀêtlêhem, kreh gong rêng blau ngăn, jêng du huê tahan janh ktang jêh ri du huê tahan blau tâm lơh. Păng blau mĭn tâm nau ngơi, jêh ri săk jăn jêng ueh ngăn jêh ri Brah Ndu gŭ ndrel păng.”

I Samuel 16:20

Y-Yêsê sŏk piăng let, du nông ntâu bêng ndrănh n'gân klơ du mlâm seh bri, jêh ri nhŭp du mlâm be kon hôm pu toh, jêh nây njuăl Y-Đavit, kon păng nơm, djôt leo ndơ nây ma Y-Sôl.

I Samuel 17:15

bi ma Y-Đavit kơl kan hađăch Y-Sôl ƀă, plơ̆ sĭt ƀă gay chiăp biăp ma mbơ̆ păng ta Ƀêtlêhem.