I Samuel 16:18 - Nau Brah Ndu Ngơi 2023

¹⁸ Du huê tâm phung oh mon plơ̆ lah: “Gâp saơ jêh du huê kon bu klâu Y-Yêsê, bunuyh Ƀêtlêhem, kreh gong rêng blau ngăn, jêng du huê tahan janh ktang jêh ri du huê tahan blau tâm lơh. Păng blau mĭn tâm nau ngơi, jêh ri săk jăn jêng ueh ngăn jêh ri Brah Ndu gŭ ndrel păng.”

I Samuel 16:18 Iomraidhean Croise

Nau Ntơm 39:2

Brah Yêhôva gŭ ndrel ma Y-Yôsep jêh ri păng dơi jêng tâm ngih kôranh păng, bunuyh Êjipt.

Nau Ntơm 39:23

Kôranh bu nă mâu hôm ôh rvê rvănh, yor lĕ nau kan hŏ jao jêh ma Y-Yôsep ƀư, yorlah Brah Yêhôva kâp kơl ma păng ma lĕ nau kan păng ƀư dơi jêng jêh da dê.

II Samuel 14:20

Y-Jôap, oh mon hađăch, hŏ ƀư nâm bu pônây, gay ăn nau kan aơ dơi jêng nau mhe. Ƀiălah kôranh gâp geh nau blau mĭn nâm bu tông mpăr Brah Ndu, gĭt lĕ rngôch nau tât ta neh ntu.”

II Samuel 17:10

Aƀaơ, phung ktang lơn lĕ rngôch, nđâp lah janh ktang nâm bu yau mŭr kđôi, mra phit yor nau klach; yorlah lĕ rngôch phung Israel gĭt jêh ma hađăch mbơ̆ may jêng du huê janh ktang, jêh ri phung gŭ ndrel păng jêng phung janh nănh da dê.

II Samuel 17:8

Y-Husai lah tay: “May gĭt lĕ ma mbơ̆ may jêh ri phung tĭng ndô̆ păng jêng phung tahan janh ktang; khân păng ji nuih nâm bu du mlâm kau tâm bri bu nhŭp ntŭng kon păng. Rlau lơn ma nây, mbơ̆ may jêng du huê tahan vay găn jêh âk nau tât, păng mâu mra bê̆ch măng ndrel ma phung tahan ôh.

Nau Hôr 12:8

Du huê bunuyh dơi geh nau tâm rnê tĭng nâm nau blau mĭn păng nơm, Bi ma nơm geh nuih n'hâm kue bu mra tâm rmot.

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

I Samuel 10:7

Tơlah saơ lĕ nau mbên nây tât ngăn may ƀư hom tĭng nâm may dơi ƀư, yorlah Brah Ndu gŭ ndrel ma may!

I Samuel 16:12

Pônây, Y-Yêsê prơh bunuyh hăn kuăl nơm kon mpŏt sĭt. Păng geh muh măt dŭm, bar măt ang, jêh ri săk jăn ueh. Brah Yêhôva lah ma Y-Samuel: “Dâk hom tŏ dak ƀâu kah ma păng, yorlah aơ jêng nơm Gâp lĕ săch jêh.”

I Samuel 16:17

Y-Sôl lah ma phung oh mon păng: “Khân may hăn joi hom du huê bu klâu kreh gong rêng ueh, jêh nây leo păng ma gâp.”

I Samuel 16:19

Y-Sôl prơh phung mbơh văch ma Y-Yêsê, jêh ri lah: “Prơh hom Y-Đavit, kon bu klâu may, jêng nơm gŭ chiăp biăp văch ma gâp.”

I Samuel 17:12

Y-Đavit jêng kon bu klâu Y-Yêsê, bơh Êphrata ƀon Ƀêtlêhem tâm n'gor Yuđa. Y-Yêsê geh pham nuyh kon bu klâu. Tâm rnôk hađăch Sôl, Y-Yêsê hŏ âk năm jêh.

I Samuel 3:19

Y-Samuel văch ma toyh, Brah Yêhôva gŭ ndrel păng: Păng mâu ăn du ntil nau păng ngơi roh hêng dơm dam ôh.