I Samuel 16:14 - Nau Brah Ndu Ngơi 2023

¹⁴ Huêng Brah Yêhôva luh du tă bơh Y-Sôl, Brah Yêhôva prơh du huê brah mhĭk rkhŭk păng.

I Samuel 16:14 Iomraidhean Croise

II Samuel 7:15

Ƀiălah nau rŏng Gâp mâu mra du tă bơh păng nâm Gâp hŏ du tă bơh Y-Sôl, jêng nơm Gâp hŏ chalơi jêh tă bơh may.

I Phung Hađăch 22:19

Y-Mika lah tay: “Pônây, iăt hom nau Brah Yêhôva ngơi: Gâp saơ Brah Yêhôva gŭ ta klơ sưng hađăch, jêh ri lĕ rngôch phung tahan tâm trôk gŭ dâk mpeh pa ma jêh ri mpeh pa chiau Păng.

I Phung Hađăch 22:22

Brah nây lah: ‘Gâp mra hăn jêh ri ƀư du huê brah ngơi mƀruh tâm trôm mbung lĕ rngôch nơm mbơh lor păng.’ Brah Yêhôva lah: ‘Di ngăn, may mra ndơm păng. Hăn hom jêh ri ƀư kơt nĕ.’

Nau Mprơ Ơm 51:11

Lơi ta chalơi gâp bơh muh măt May Lơi sŏk sĭt Brah Huêng Ueh May bơh gâp.

Ndrom Samƀŭt bơh Ôsê 9:12

Nđâp tơlah khân păng mât rong phung kon Tâm ban lĕ Gâp mra sŏk lơi kŏ tât mâu hôm geh du huê bu klâu ôh. Rêh ni ngăn yơh ma khân păng Tơlah Gâp chalơi khân păng!

Phung Kôranh Phat Dôih 16:20

Rnôk nây păng kuăl: “Hơi Y-Samsôn, phung Philistin văch nhŭp may!” Păng kah rngăl jêh ri lah tâm nuih n'hâm: “Gâp mra nchuăt du nâm bu kănđai, jêh ri rklaih bơh ti păng nơm!” Ƀiălah păng mâu gĭt ôh ma Brah Yêhôva luh du jêh bơh păng nơm.

Phung Kôranh Phat Dôih 16:29

Y-Samsôn ut bar jrŏng meh gâng ta nklang ngih brah, ti pa ma ta du jrŏng meh nây jêh ri ti pa chiau ta du jrŏng meh êng, jêh ri nsŭn lĕ nau ktang ta nây. Păng lah: “Ăn gâp khĭt ndrel ma phung Philistin!” Jêh nây păng srôih ma lĕ nau ktang, nklơ̆ ma bar jrŏng meh gâng ta nklang ngih brah jêh ri ngih brah rlâm nklân khĭt ma phung kôranh chiă uănh jêh ri lĕ rngôch phung ƀon lan gŭ tâm nây.

Phung Kôranh Phat Dôih 9:23

Brah Ndu prơh du huê brah mhĭk ƀư nau ƀlăch ƀlêr ta nklang Y-Abimêlek jêh ri bunuyh Sichem, ƀư ăn phung ƀon lan Sichem tâm rdâng đah Y-Abimêlek.

I Samuel 11:6

Tơlah Y-Sôl lĕ tăng jêh lĕ nau ngơi nây, Huêng Brah Ndu văch gŭ ndrel ma Y-Sôl ma nau brah, jêh ri păng hao ji nuih hâu ngăn.

I Samuel 16:15

Phung oh mon Y-Sôl lah ma păng: “Aơ, geh du huê brah mhĭk bơh Brah Ndu prơh tât gay rkhŭk may.

I Samuel 16:16

Dăn ma kôranh hên ntĭnh hom ma phung oh mon may dôl gŭ panăp may joi du huê gĭt kreh gong rêng, tơlah Brah Ndu prơh brah mhĭk tât, păng mra kreh gong rêng jêh ri may mra geh nau bonh leng.”

I Samuel 16:23

Bơh nĕ tât kăndơ̆, ăp tơ̆ Brah Ndu prơh brah mhĭk gŭ ta Y-Sôl, Y-Đavit sŏk gong rêng jêh ri kreh. Y-Sôl geh nau bonh leng, ueh maak, jêh ri brah mhĭk du luh bơh păng.

I Samuel 18:10

Ôi taơ, Brah Ndu prơh du huê brah mhĭk tât ma Y-Sôl, păng ngơi thăm rmat tâm ngih, bi Y-Đavit ăt kreh gong rêng nâm vay ƀư jêh ăp nar. Y-Sôl djôt du tak tâm ti,

I Samuel 18:12

Y-Sôl klach ma Y-Đavit yorlah Brah Yêhôva gŭ ndrel ma Y-Đavit, ƀiălah hŏ chalơi jêh păng.

I Samuel 28:15

Y-Samuel ôp ma Y-Sôl: “Mâm ƀư may rsuak gâp jêh ri kuăl ăn gâp du luh?” Y-Sôl plơ̆ lah: “Gâp geh nau uh ah ngăn; yorlah phung Philistin tâm lơh đah gâp, jêh ri Brah Ndu du tă bơh gâp jêh, Păng mâu hôm saơ plơ̆ lah ôh ma gâp, ma phung nơm mbơh lor, mâu lah ma nau mbơi kŏ mâu hôm lĕ. Yor nây, gâp kuăl may gay ăn may mbơh ma gâp gĭt moh nau gâp mra ƀư.”