I Samuel 16:13 - Nau Brah Ndu Ngơi 2023

¹³ Y-Samuel sŏk nke dak ƀâu kah jêh ri tŏ ma Y-Đavit tanăp phung nâu păng. Ntơm bơh nar nĕ tât kăndơ̆, Huêng Brah Yêhôva văch gŭ ndrel ma Y-Đavit ma nau brah. Y-Samuel dâk jêh ri hăn sĭt ma Rama.

I Samuel 16:13 Iomraidhean Croise

II Samuel 12:7

Rnôk nây, Y-Nathan ngơi lah ma Y-Đavit: “Hađăch yơh jêng bunuyh nây! Yêhôva Brah Ndu phung Israel geh lah: ‘Gâp hŏ tŏ dak ƀâu kah njêng may jêng hađăch Israel, Gâp hŏ rklaih jêh may tă bơh ti Y-Sôl.

II Samuel 2:4

Phung Yuđa hăn tât ta nây jêh ri tŏ dak ƀâu kah ma Y-Đavit jêng hađăch ma ngih Yuđa. Bu mbơh ma Y-Đavit: “Phung ƀon lan ta ƀon Jabes Gilêat hŏ tâp jêh Y-Sôl.”

II Samuel 23:1

Aơ jêng nau Y-Đavit ngơi nglĕ dŭt: “Nau ngơi Y-Đavit, kon bu klâu Y-Yêsê, Jêng nau ngơi bơh bunuyh hŏ n'hao prêh klơ jêh, Nơm Brah Ndu Yakôb tŏ jêh dak ƀâu kah, Jêh ri jêng nơm blau mprơ ueh ngăn tâm phung Israel:

II Samuel 5:3

Pônây, lĕ rngôch phung bu ranh Israel văch gay tâm mâp đah hađăch ta Hêbron; hađăch Đavit ƀư nau tâm rnglăp ma khân păng tanăp Brah Yêhôva, jêh ri khân păng tŏ dak ƀâu kah ma Y-Đavit jêng hađăch ma lĕ n'gor Israel.

II Phung Hađăch 9:6

Y-Jêhu dâk jêh ri hăn lăp tâm ngih. Nơm mbơh lor nây tŏ dak ƀâu kah klơ bôk păng, jêh ri lah: “Yêhôva Brah Ndu phung Israel lah: ‘Gâp tŏ dak ƀâu kah ma may ƀư hađăch Israel, jêng phung ƀon lan Brah Yêhôva.

I Nau Rêh Jêng 11:3

Pôri, lĕ rngôch phung bu ranh Israel văch ma hađăch ta Hêbron. Y-Đavit ƀư nau tâm rnglăp ma khân păng ta Hêbron tanăp Brah Yêhôva; jêh nây khân păng tŏ dak ƀâu kah ma Y-Đavit jêng hađăch chiă uănh phung Israel, tĭng nâm nau Brah Yêhôva ngơi jêh đah Y-Samuel.

Nau Mprơ Ơm 89:20

Gâp joi hŏ dơi saơ jêh Y-Đavit jêng oh mon Gâp, Tŏ ăn păng ma Dak ƀâu kah kloh ueh Gâp,

Nau Mprơ Ơm 89:21

Ti Gâp mra kuăn rdâng păng, Nting tur ti Gâp mra ƀư ăn ktang păng.

Nau Kơp Bunuyh 11:17

Gâp mra jŭr jêh ri ngơi ndrel đah may ta nây. Gâp mra sŏk Huêng Gâp gŭ ta klơ may gay ăn ma khân păng, jêh ri khân păng mra anh nau kan jâk phung ƀon lan aơ ndrel ma may, mâu di du huê may anh nau jâk nây.

Nau Kơp Bunuyh 27:18

Brah Yêhôva lah ma Y-Môis: “Săch hom Y-Yôsuê, kon bu klâu Y-Nun, du huê bunuyh geh Huêng Brah tâm păng, jêh ri pah ti ta klơ păng,

Yôhan 3:34

Yorlah Nơm Brah Ndu hŏ njuăl văch jêh mbơh knoch nau ngơi Brah Ndu, yorlah Brah Ndu ăn Brah Huêng Ueh ma Păng mâu geh dŭt.

Kôranh Oh Mon 13:22

Jêh Brah Ndu chalơi hađăch Y-Sôl, njêng Y-Đavit hađăch. Păng mbơh nkoch ma păng pô aơ: ‘Gâp saơ jêh Y-Đavit, kon bu klâu Y-Yêsê, nơm ƀư maak nuih n'hâm Gâp, nơm mra ƀư lĕ nau Gâp ŭch.’

ហេឞ្រើ 1:9

May rŏng nau sŏng srăng, tâm rmot nau djơh mhĭk; Yor nây, Brah Ndu jêng Brah Ndu May, hŏ tŏ dak ngi nau maak ma May, Ƀư ăn May rmeh rlau lơn ma phung băl May nơm.”

ហេឞ្រើ 11:32

Moh gâp hôm lah? Yorlah tơlah gâp ŭch ngơi ma Y-Gidêôn, ma Y-Barak, ma Y-Samsôn, ma Y-Jêptê, ma Y-Đavit, ma Y-Samuel jêh ri ma phung mbơh lor, mâu tŏng mông nar.

Phung Kôranh Phat Dôih 11:29

Nôk nây, Huêng Brah Yêhôva trŭnh gŭ ndrel Y-Jêptê, păng hăn găn n'gor Gilêat jêh ri Manasê, tât ma Mispa tâm n'gor Gilêat, jêh nây ntơm bơh Mispa ta Gilêat, păng găn tât n'gor phung ƀon lan Ammôn.

Phung Kôranh Phat Dôih 13:25

Huêng Brah Yêhôva ntơm văch gŭ đah păng nôk păng gŭ tâm ngih bok ta Dan, vah vang Sôra jêh ri Êstaôl.

Phung Kôranh Phat Dôih 14:6

Huêng Brah Yêhôva văch gŭ ndrel ma Y-Samsôn kŏ tât păng hêk yau mŭr nây ma ti păng nâm bu hêk du mlâm be kon. Ƀiălah păng mâu mbơh ôh ma mê̆ mbơ̆ păng gĭt moh nau păng hŏ ƀư.

Phung Kôranh Phat Dôih 3:10

Huêng Brah Yêhôva jŭr ta păng jêh ri păng chiă uănh phung ƀon lan Israel. Păng hăn tâm lơh jêh ri Brah Yêhôva jao Y-Kusan-Risathaim, hađăch Aram, tâm ti păng. Păng lơh dơi đah Y-Kusan-Risathaim.

I Samuel 1:19

Nar ôi taơ, ur sai Y-Êlkana kah rngăl ơm ôi, yơk mbah Brah Yêhôva, jêh nây plơ̆ sĭt ma ngih vâl khân păng ta Rama. Y-Êlkana gŭ ndrel H'Anna, jêng ur păng. Brah Yêhôva kah gĭt ma păng.

I Samuel 10:1

Y-Samuel sŏk du nông dak ƀâu kah, tŏ ta klơ bôk Y-Sôl, chŭm păng, jêh ri lah: “Mâu di hĕ Brah Yêhôva hŏ tŏ dak ƀâu ma may gay may jêng kôranh chiă uănh dơn drăp ndơ Păng?

I Samuel 10:6

Huêng Brah Yêhôva mra văch gŭ ndrel ma may ma nau brah, jêh ri may mra mbơh lor ndrel ma khân păng, jêh ri may mra njêng săk jêng du huê bunuyh êng.

I Samuel 11:6

Tơlah Y-Sôl lĕ tăng jêh lĕ nau ngơi nây, Huêng Brah Ndu văch gŭ ndrel ma Y-Sôl ma nau brah, jêh ri păng hao ji nuih hâu ngăn.

I Samuel 16:18

Du huê tâm phung oh mon plơ̆ lah: “Gâp saơ jêh du huê kon bu klâu Y-Yêsê, bunuyh Ƀêtlêhem, kreh gong rêng blau ngăn, jêng du huê tahan janh ktang jêh ri du huê tahan blau tâm lơh. Păng blau mĭn tâm nau ngơi, jêh ri săk jăn jêng ueh ngăn jêh ri Brah Ndu gŭ ndrel păng.”

I Samuel 18:12

Y-Sôl klach ma Y-Đavit yorlah Brah Yêhôva gŭ ndrel ma Y-Đavit, ƀiălah hŏ chalơi jêh păng.

I Samuel 2:35

Gâp mra njêng ma Gâp du huê kôranh ƀư brah răp jăp, păng mra ƀư tĭng nuih n'hâm Gâp jêh ri nau mĭn Gâp. Gâp mra ăn ma păng geh kon sau gay thoi noi deh păng, jêh ri noi deh păng mra pah kan n'ho ro tanăp nơm Gâp tŏ dak ƀâu kah.