I Samuel 16:12 - Nau Brah Ndu Ngơi 2023

¹² Pônây, Y-Yêsê prơh bunuyh hăn kuăl nơm kon mpŏt sĭt. Păng geh muh măt dŭm, bar măt ang, jêh ri săk jăn ueh. Brah Yêhôva lah ma Y-Samuel: “Dâk hom tŏ dak ƀâu kah ma păng, yorlah aơ jêng nơm Gâp lĕ săch jêh.”

I Samuel 16:12 Iomraidhean Croise

Nau Ntơm 39:6

Păng jao lĕ rngôch drăp ndơ păng geh ăn Y-Yôsep mât uănh; jêh ri mâu hôm rvê njrăng ôh ma drăp ndơ păng, knŏng ma ndơ sông sa păng nơm dơm. Y-Yôsep ueh ngăn rom ray.

II Samuel 23:1

Aơ jêng nau Y-Đavit ngơi nglĕ dŭt: “Nau ngơi Y-Đavit, kon bu klâu Y-Yêsê, Jêng nau ngơi bơh bunuyh hŏ n'hao prêh klơ jêh, Nơm Brah Ndu Yakôb tŏ jêh dak ƀâu kah, Jêh ri jêng nơm blau mprơ ueh ngăn tâm phung Israel:

II Samuel 7:8

Pôri aƀaơ, lah hom ma Y-Đavit, oh mon Gâp: ‘Brah Yêhôva ma phung tahan lah: Gâp hŏ kuăl may tă bơh nklang ndrêch gơ̆, tă bơh ntŭk may chiăp biăp, gay njêng may jêng kôranh chiă uănh phung ƀon lan Israel Gâp.

I Phung Hađăch 1:34

Ta nây, kôranh ƀư brah Y-Sadôk jêh ri nơm mbơh lor Y-Nathan, tŏ dak ƀâu kah ma păng ƀư hađăch phung Israel. Khân may uh nŭng hom, jêh nây nter lah pô aơ:

Nau Mprơ Ơm 2:2

Lĕ phung hađăch ta neh ntu plơ̆ dâk tâm rdâng, Phung kôranh chiă uănh tâm rnglăp ndrăng khân păng Tâm rdâng đah Brah Yêhôva jêh ri đah Nơm Dơn Nau Tŏ Dak Ƀâu Kah Păng.

Nau Mprơ Ơm 2:6

Păng lah: “Gâp yơh, Gâp hŏ ndâk Hađăch Gâp hŏ săch Ta klơ Siôn, jêng yôk kloh ueh Gâp.”

Nau Mprơ Ơm 78:70

Păng săch đŏng Y-Đavit ƀư oh mon Păng, Nhŭp păng tă bơh lĕ n'gar biăp;

Nau Ngluh Êjipt 2:2

Bu ur nây ntreo jêh ri deh ma du huê kon bu klâu. Saơ kon se jêng ueh, mê̆ păng djôt pôn păng tâm pe khay.

Nau Mprơ Ueh 5:10

Nơm gâp rŏng nglang ngăn bok dŭm, Dŭt ueh tâm lĕ rngôch bunuyh.

Nau Nhĭm Vơl 4:7

Phung lư rnam păng kloh rsang lơn pler, Nglang lơn dak toh. Ntâu săk jăn dŭm lơn ma lŭ tâm dâng dak mƀŭt, Muh măt chrêk rmah nâm bu lŭ saphir.

Sakari 4:14

Tông mpăr lah: “Nây jêng bar hê bunuyh hŏ tŏ dak ngi gay ma pah kan ăn ma Kôranh Brah tâm lĕ neh ntu.”

Kôranh Oh Mon 4:27

N'hêl nanê̆ ngăn, Hêrôt jêh ri Pôns Pilat ndrel ma phung bu năch jêh ri phung Israel hŏ rgum ndrel ta ƀon aơ, gay ma tâm rdâng đah Oh Mon kloh ueh May jêng Brah Yêsu, Nơm May hŏ tŏ dak ƀâu kah

Kôranh Oh Mon 7:20

Tâm rnôk nây, bu deh ma Y-Môis, păng ueh jêh rom ray tanăp Kôranh Brah jêh ri bu rong păng pe khay tâm ngih mbơ̆ păng.

ហេឞ្រើ 11:23

Yor ma nau chroh, nôk bu mhe deh ma Y-Môis, mê̆ mbơ̆ păng pôn păng tâm pe khay, yor ma saơ kon nây ueh, mâu klach ôh ma samƀŭt nau ntrŭnh bơh hađăch.

I Samuel 16:18

Du huê tâm phung oh mon plơ̆ lah: “Gâp saơ jêh du huê kon bu klâu Y-Yêsê, bunuyh Ƀêtlêhem, kreh gong rêng blau ngăn, jêng du huê tahan janh ktang jêh ri du huê tahan blau tâm lơh. Păng blau mĭn tâm nau ngơi, jêh ri săk jăn jêng ueh ngăn jêh ri Brah Ndu gŭ ndrel păng.”

I Samuel 17:42

Bu klâu Philistin uănh Y-Đavit, saơ păng knŏng jêng du huê ndăm rah, muh măt dŭm, săk jăn ray ueh, jêh ri mưch ma păng.

I Samuel 17:55

Tâm nôk Y-Sôl saơ Y-Đavit hăn tâm lơh đah phung Philistin, păng ôp ma Y-Apner, kôranh ma phung tahan: “Ơ Y-Apner, mbu kon bu klâu ndăm rah aơ?” Y-Apner lah: “Hơi hađăch! Tĭng n'hâm may hôm rêh, gâp mâu gĭt ôh.”

I Samuel 9:17

Tơlah Y-Samuel mhe saơ Y-Sôl, Brah Yêhôva lah ma păng: “Aơ jêng bunuyh Gâp hŏ ngơi jêh ma may! Păng yơh jêng nơm mra chiă uănh phung ƀon lan Gâp.”