I Samuel 16:1 - Nau Brah Ndu Ngơi 2023

¹ Brah Yêhôva lah ma Y-Samuel: “May nhĭm nhhiăng yor nau Y-Sôl kŏ tât ndah nâm jŏ? Gâp hŏ chalơi jêh păng, mâu hôm ăn păng jêng hađăch phung Israel đŏng ôh. Troch hom dak ƀâu kah ăn bêng nke jêh ri hăn trong. Gâp mra prơh may hăn tâm mâp đah Y-Yêsê, du huê bunuyh ƀon Ƀêtlêhem, yorlah Gâp hŏ săch du huê hađăch tâm phung kon bu klâu păng.”

I Samuel 16:1 Iomraidhean Croise

I Phung Hađăch 8:16

‘Ntơm bơh nar Gâp hŏ njŭn leo phung ƀon lan Gâp jêng Israel du luh tă bơh Êjipt, Gâp mâu mâp săch ôh du rplay ƀon êng tâm lĕ rngôch ndŭl mpôl Israel gay ndâk du mlâm ngih brah ma amoh Gâp gŭ ta nây. Ƀiălah Gâp hŏ săch Y-Đavit gay păng chiă uănh phung ƀon lan Israel Gâp.’

II Phung Hađăch 9:1

Nơm mbơh lor Y-Êlisê kuăl du huê tâm phung oh mon phung nơm mbơh lor jêh ri lah: “Vân hom bŭt jêh ri sŏk leo du gri dak ƀâu kah aơ hăn rlet ma ƀon Ramôt-Gilêat.

II Phung Hađăch 9:3

Nôk nây, may mra sŏk gri dak ƀâu kah, tŏ klơ bôk păng jêh ri lah: ‘Brah Yêhôva lah: Gâp tŏ dak ƀâu kah ma may ƀư hađăch Israel.’ Jêh nây pơk hom mpông bloh jêh ri nchuăt du ro, lơi gŭ jŏ ôh!”

II Phung Hađăch 9:6

Y-Jêhu dâk jêh ri hăn lăp tâm ngih. Nơm mbơh lor nây tŏ dak ƀâu kah klơ bôk păng, jêh ri lah: “Yêhôva Brah Ndu phung Israel lah: ‘Gâp tŏ dak ƀâu kah ma may ƀư hađăch Israel, jêng phung ƀon lan Brah Yêhôva.

I Nau Rêh Jêng 11:3

Pôri, lĕ rngôch phung bu ranh Israel văch ma hađăch ta Hêbron. Y-Đavit ƀư nau tâm rnglăp ma khân păng ta Hêbron tanăp Brah Yêhôva; jêh nây khân păng tŏ dak ƀâu kah ma Y-Đavit jêng hađăch chiă uănh phung Israel, tĭng nâm nau Brah Yêhôva ngơi jêh đah Y-Samuel.

I Nau Rêh Jêng 28:4

Ƀiălah, Yêhôva Brah Ndu Israel săch jêh gâp tă bơh rnăk vâl mbơ̆ gâp, gay ƀư hađăch chiă uănh phung Israel n'ho ro. Yorlah Păng săch jêh ndŭl mpôl Yuđa hao chiă uănh, jêh ri tâm ngih Yuđa, Păng hŏ săch rnăk vâl mbơ̆ gâp, jêh nây tă tâm nklang phung kon bu klâu mbơ̆ gâp, Păng hŏ maak đah gâp gay ŭch njêng gâp jêng hađăch chiă uănh lĕ phung Israel.

Êsai 11:1

Du mlâm nkeh mra hon bơh tơm Y-Yêsê, Du mlâm n'gĭng tă bơh reh păng mra geh play.

Êsai 11:10

Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

Êsai 55:4

Aơ, Gâp ăn păng jêng nơm mbơh ngăn ma lĕ bri dak, Ƀư kôranh gay ma ƀĭt gai ma lĕ rngôch ƀon lan.”

Yêrêmi 11:14

Bi ma may, lơi may mbơh sơm kơl an ăn phung ƀon lan aơ, mâu lĕ yorlah khân păng hă bâr vơl dăn mâu lah vah vơl, Gâp mâu iăt khân păng nđâp ma khân păng vơl dăn ma Gâp tâm nau rêh ni.

Yêrêmi 15:1

Brah Yêhôva lah ma gâp; “Nđâp lah Y-Môis jêh ri Y-Samuel dâk panăp măt Gâp, nuih n'hâm Gâp mâu hôm n'gĭl uănh ma phung ƀon lan aơ ôh. Mprơh hom khân păng bơh Gâp, jêh ri đă khân păng hăn du!

Yêrêmi 6:30

Khân păng bu mra ntơ jêng ‘prăk djah,’ Yorlah Brah Yêhôva hŏ ngluh jêh khân păng.”

Yêrêmi 7:16

Bi may, Y-Yêrêmi, lơi ta may mbơh sơm ăn ma phung ƀon lan aơ, lơi ta vơl dăn, vah vơl dăn ma khân păng, mâu lĕ sŏl dăn ma Gâp, yorlah Gâp mâu mra iăt may ôh.

Sakari 4:14

Tông mpăr lah: “Nây jêng bar hê bunuyh hŏ tŏ dak ngi gay ma pah kan ăn ma Kôranh Brah tâm lĕ neh ntu.”

Samƀŭt Pôl Njuăl Ăn Ma Phung Nsing Ta Ƀon Rôm 15:12

Y-Êsai lah đŏng: “Ntơm bơh Y-Yêsê mra luh du mlâm reh, Jêng Nơm chiă uănh phung bu năch; Phung bu năch mra kâp gân tâm Păng.”

ហេឞ្រើ 11:32

Moh gâp hôm lah? Yorlah tơlah gâp ŭch ngơi ma Y-Gidêôn, ma Y-Barak, ma Y-Samsôn, ma Y-Jêptê, ma Y-Đavit, ma Y-Samuel jêh ri ma phung mbơh lor, mâu tŏng mông nar.

I Yôhan 5:16

Tơlah mbu nơm saơ oh nâu păng nơm ƀư tih, ƀiălah nau tih nây mâu kŏ tât khĭt ôh, vơh vơl hom, jêh ri Brah Ndu mra ăn nau rêh ma bunuyh nây, jêng ma phung ƀư nau tih mâu kŏ tât khĭt. Geh đŏng nau tih njŭn leo tât nau khĭt; gâp mâu đă ma ăn khân may mbơh sơm dăn ma nau tih aơ.

I Samuel 10:1

Y-Samuel sŏk du nông dak ƀâu kah, tŏ ta klơ bôk Y-Sôl, chŭm păng, jêh ri lah: “Mâu di hĕ Brah Yêhôva hŏ tŏ dak ƀâu ma may gay may jêng kôranh chiă uănh dơn drăp ndơ Păng?

I Samuel 15:11

“Gâp lĕ nhhuach jêh njêng ăn ma Y-Sôl jêng hađăch, yorlah păng ndôn kơi tă bơh Gâp, mâu ƀư tĭng nâm nau Gâp ntăm.” Y-Samuel rngot ngăn, jêh ri păng vơl dăn ma Brah Yêhôva du măng kŏ ang.

I Samuel 15:23

Nau tâm rdâng geh nau tih nâm bu nau tih n'hŭm nklă, Nau dăng bôk geh nau tih nâm bu nau tih mbah rup brah. Yorlah may chalơi jêh nau Brah Yêhôva ngơi Pôri Păng ăt chalơi may, mâu ăn ma may chiă uănh đŏng ôh.”

I Samuel 15:26

Y-Samuel plơ̆ lah ma Y-Sôl: “Gâp mâu plơ̆ sĭt ndrel ma may ôh. Yorlah may lĕ chalơi jêh nau Brah Yêhôva ngơi, yor ri Brah Yêhôva chalơi jêh may, mâu ăn ma may chiă uănh phung Israel đŏng ôh.”

I Samuel 15:35

Bơh nĕ kŏ tât nar Y-Samuel khĭt, păng mâu hôm tâm mâp đah Y-Sôl. Ƀiălah, Y-Samuel rngot ngăn yor Y-Sôl. Bi Brah Yêhôva nhhuach yorlah hŏ njêng jêh Y-Sôl jêng hađăch ma phung Israel.

I Samuel 16:15

Phung oh mon Y-Sôl lah ma păng: “Aơ, geh du huê brah mhĭk bơh Brah Ndu prơh tât gay rkhŭk may.

I Samuel 16:23

Bơh nĕ tât kăndơ̆, ăp tơ̆ Brah Ndu prơh brah mhĭk gŭ ta Y-Sôl, Y-Đavit sŏk gong rêng jêh ri kreh. Y-Sôl geh nau bonh leng, ueh maak, jêh ri brah mhĭk du luh bơh păng.

I Samuel 17:12

Y-Đavit jêng kon bu klâu Y-Yêsê, bơh Êphrata ƀon Ƀêtlêhem tâm n'gor Yuđa. Y-Yêsê geh pham nuyh kon bu klâu. Tâm rnôk hađăch Sôl, Y-Yêsê hŏ âk năm jêh.

I Samuel 9:16

“Ôi taơ, di ta mông aơ, Gâp mra prơh du huê bunuyh gŭ ta n'gor Benjamin tât ma may jêh ri may mra mhĭng dak ƀâu kah ma păng gay păng jêng kôranh chiă uănh phung ƀon lan Israel Gâp. Păng mra tâm rklaih phung ƀon lan Gâp tă bơh ti phung Philistin, yorlah Gâp uănh treng jêh phung ƀon lan Gâp, yorlah nau khân păng nter vơl tât jêh ma Gâp.”