I Samuel 15:26 - Nau Brah Ndu Ngơi 2023

²⁶ Y-Samuel plơ̆ lah ma Y-Sôl: “Gâp mâu plơ̆ sĭt ndrel ma may ôh. Yorlah may lĕ chalơi jêh nau Brah Yêhôva ngơi, yor ri Brah Yêhôva chalơi jêh may, mâu ăn ma may chiă uănh phung Israel đŏng ôh.”

I Samuel 15:26 Iomraidhean Croise

Nau Ntơm 42:38

Ƀiălah Y-Yakôb lah: “Kon mpŏt gâp mâu mra hăn trŭnh ndrel ma khân may ôh, yorlah nâu păng hŏ khĭt jêh, knŏng hôm du huê păng aơ dơm. Tơlah rŏ trong geh nau mhĭk tât ma păng, khân may ƀư ma bunuyh bôk mbra aơ trŭnh ma ƀon phung khĭt ma nau rngot.”

II Samuel 12:9

Mâm ƀư may mưch rmot nau Brah Yêhôva ngơi, ŭch ƀư nau mhĭk tanăp măt Păng? May hŏ sŏk đao phung Ammôn nkhĭt Y-Uri, bunuyh Hitit, sŏk jêh ur păng njêng ur may.

II Samuel 7:15

Ƀiălah nau rŏng Gâp mâu mra du tă bơh păng nâm Gâp hŏ du tă bơh Y-Sôl, jêng nơm Gâp hŏ chalơi jêh tă bơh may.

Yêrêmi 6:19

Hơi neh, iăt hom! Gâp mra djôt nau mhĭk tât ma phung ƀon lan aơ, Nây jêng nau play bơh lĕ mĭn nchră khân păng, Yorlah khân păng mâu rkêng tôr iăt tât ma nau Gâp, Jêh ri dun nau vay Gâp.

Ndrom Samƀŭt bơh Ôsê 13:11

Tâm nau ji nuih, Gâp ăn jêh ma may du huê hađăch, Jêh ri tâm nau ji nuih, Gâp sŏk lơi.

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Kôranh Oh Mon 13:22

Jêh Brah Ndu chalơi hađăch Y-Sôl, njêng Y-Đavit hađăch. Păng mbơh nkoch ma păng pô aơ: ‘Gâp saơ jêh Y-Đavit, kon bu klâu Y-Yêsê, nơm ƀư maak nuih n'hâm Gâp, nơm mra ƀư lĕ nau Gâp ŭch.’

II Yôhan 1:11

Yorlah mbu nơm tâm mbah ôp đah păng jêng geh kô̆ tâm kan djơh mhĭk păng ƀư.

I Samuel 13:14

ƀiălah aƀaơ, ƀon bri hađăch may mâu mra nâp jŏ ôh. Brah Yêhôva hŏ săch ăn ma Păng nơm du huê bunuyh tĭng nâm nuih n'hâm Păng nơm, dơm bunuyh nây ƀư kôranh chiă uănh ma phung ƀon lan Păng, yorlah may mâu djôt prăp ôh nau ntăm ƀư Brah Yêhôva.”

I Samuel 15:23

Nau tâm rdâng geh nau tih nâm bu nau tih n'hŭm nklă, Nau dăng bôk geh nau tih nâm bu nau tih mbah rup brah. Yorlah may chalơi jêh nau Brah Yêhôva ngơi Pôri Păng ăt chalơi may, mâu ăn ma may chiă uănh đŏng ôh.”

I Samuel 15:31

Pôri, Y-Samuel plơ̆ sĭt ndrel ma Y-Sôl, jêh ri Y-Sôl yơk mbah ma Brah Yêhôva.

I Samuel 16:1

Brah Yêhôva lah ma Y-Samuel: “May nhĭm nhhiăng yor nau Y-Sôl kŏ tât ndah nâm jŏ? Gâp hŏ chalơi jêh păng, mâu hôm ăn păng jêng hađăch phung Israel đŏng ôh. Troch hom dak ƀâu kah ăn bêng nke jêh ri hăn trong. Gâp mra prơh may hăn tâm mâp đah Y-Yêsê, du huê bunuyh ƀon Ƀêtlêhem, yorlah Gâp hŏ săch du huê hađăch tâm phung kon bu klâu păng.”

I Samuel 2:30

Yor ri, Yêhôva Brah Ndu Israel lah: ‘Gâp hŏ tă lah jêh pô aơ ngih may jêh ri ngih mbơ̆ may mra n'ho ro pah kan tanăp măt Gâp.’ Ƀiălah aƀaơ Brah Yêhôva lah, nau nây mâu hôm geh tâm ban pônây ôh! Yorlah mbu nơm yơk ma Gâp, Gâp mra yơk ma păng, bi mbu tâm rmot ma Gâp, Gâp mra tâm rmot ma păng.

I Samuel 28:18

Yorlah may mâu tông tĭng ma nau ngơi Brah Yêhôva, mâu ƀư ăn ma phung Amalek gĭt nau ji nuih Păng, yor nây yơh nar aơ Brah Yêhôva ƀư jêh ma may kơt nĕ.