I Samuel 15:22 - Nau Brah Ndu Ngơi 2023

²² Y-Samuel lah: “Brah Yêhôva mâu prot maak ma ndơ ƀư brah gŭch jêh ri ma lĕ mpa ƀư brah, Ban nau tông bâr Brah Yêhôva? Pôri, nau tông bâr jêng ueh lơn đah mpa ƀư brah, Ma nau iăt tĭng jêng ueh lơn đah ngi biăp nkuăng.

I Samuel 15:22 Iomraidhean Croise

Nau Ntơm 4:4

Bi Y-Abel nhhơr biăp deh dak bôk tâm mpôl păng jêng ndơ dŭt kah. Brah Yêhôva dơn Y-Abel jêh ri ndơ păng nhhơr,

Nau Ngluh Êjipt 19:5

Pôri aƀaơ, tơlah khân may tông bâr Gâp jêh ri djôt prăp nau tâm rnglăp Gâp, khân may mra jêng drăp ndơ êng ma Gâp nơm ta nklang lĕ rngôch ƀon lan; nđâp lah lĕ neh ntu jêng ndơ Gâp.

Nau Hôr 21:3

Ƀư tĭng nau sŏng srăng jêh ri nau di Dơi ƀư maak ma Brah Yêhôva ueh lơn jêng nhhơr mpa ƀư brah.

Nơm Nti 5:1

Njrăng hom dôl may chuat tât ma ngih Brah Ndu. Ueh lơn tât dăch gŭ iăt rlau lơn jêng nhhơr mpa ƀư brah nâm bu phung rluk, yorlah khân păng nơm mâu gĭt năl ƀư nau mhĭk.

Yêrêmi 11:4

Gâp hŏ ntăm ăn ma chô yau khân may dôl Gâp djôt khân păng du luh bơh n'gor bri Êjipt, luh bơh năk ŭnh loih nây. Gâp hŏ ntĭnh khân păng: Iăt hom nau Gâp, ƀư tĭng lĕ ntil nau Gâp nti gay ma khân may ƀư phung ƀon lan Gâp, jêh ri Gâp ƀư Brah Ndu ma khân may.

Yêrêmi 11:7

Gâp hŏ đă dŭt n'hâm ngăn ma phung chô yau khân may ntơm bơh nar Gâp djôt khân păng du luh bơh n'gor Êjipt kŏ tât nar aơ. Gâp ƀaƀơ đă khân păng: ‘Iăt tĭng hom bâr Gâp!’

Yêrêmi 26:13

Nôk aơ nkra hom trong khân may jêh ri nau khân may ƀư. Tông hom bâr Yêhôva Brah Ndu khân may pôri Brah Yêhôva mra rgâl nau mĭn ƀư lĕ nau mhĭk Păng hŏ mbơh ma khân may.

Ndrom Samƀŭt bơh Ôsê 6:6

Yorlah Gâp ŭch nuih n'hâm nau yô̆ mâu di ôh mpa ƀư brah, Ŭch nau gĭt năl Brah Ndu lơn đah ndơ ƀư brah gŭch.

Ndrom Samƀŭt bơh Ôsê 8:13

Nđâp tơlah khân păng nhhơr mpa ƀư brah ma Gâp Jêh ri sa puăch mpa ƀư brah, Ƀiălah Brah Yêhôva ăt mâu sŏk dơn khân păng. Abaơ Păng kah gĭt tay nau djơh mhĭk khân păng Jêh ri tâm rmal nau tih khân păng; Khân păng mra plơ̆ sĭt ma n'gor Êjipt!

Mathay 12:7

Tơlah khân may gĭt rbăng nâm bu ntĭt trong aơ: ‘Gâp ŭch nau nuih n'hâm yô̆ nđach, mâu di ndơ ƀư brah ôh,’ khân may mâu dơi rmal ôh phung mâu geh nau tih;

Mathay 23:23

Rêh ni yơh ma khân may, phung kôranh nchih samƀŭt jêh ri phung Pharisi, jêng phung geh nuih n'hâm nklă! Yorlah khân may nhhơr du kô̆ tâm jât klôih, ndơ ƀâu kah, trau gir, ƀiălah khân may chuêl lĕ nau khlay lơn tâm nau vay jêng nau sŏng, nau yô̆ nđach jêh ri nau chroh. Ăn khân may ƀư lĕ nau nây, ƀiălah mâu dơi đŏng chuêl lĕ nau ri.

Mathay 5:24

ăn ndơ nhhơr panăp nơng ƀư brah, plơ̆ sĭt ƀư đăp mpăn đah oh nâu may lor, jêh nây văch hom nhhơr ndơ ƀư brah.

Mathay 9:13

Hăn hom, jêh ri nti ăn gĭt nâm bu ntĭt trong aơ: ‘Gâp ŭch nau nuih n'hâm yô̆ nđach, mâu di ndơ ƀư brah ôh.’ Yorlah gâp văch mâu di kuăl bunuyh sŏng srăng ôh, ƀiălah kuăl bunuyh geh nau tih.”

Markôs 12:33

N'hêl nanê̆ ngăn, yơk rŏng ma Kôranh Brah ma lĕ nuih n'hâm, ma lĕ nau mĭn, ma lĕ n'hâm suan, jêh ri yơk rŏng ma phung chiau meng nâm bu he nơm, jêng khlay rlau lơn ma nau kan nhhơr lĕ rngôch ndơ ƀư brah gŭch jêh ri ndơ ƀư brah êng.”

I Samuel 13:12

ri dĭng gâp mĭn pô aơ phung Philistin nanê̆ bơi rduh lơh gâp ta Gilgal, jêh ri gâp ê hŏ kuăl mbơh sơm ma Brah Yêhôva yô̆ ôh. Yor nây, gâp geh nau sŏl êng gâp nơm gay nhhơr ndơ ƀư brah gŭch.”

I Samuel 13:13

Y-Samuel lah ma Y-Sôl: “May ƀư nau brŭt moih jêh, mâu djôt prăp ôh lĕ nau vay ntăm bơh Yêhôva Brah Ndu may hŏ ntăm ma may. Nanê̆, Brah Yêhôva hŏ njêng ƀon bri hađăch may nâp n'ho ro ma phung Israel;