I Samuel 15:1 - Nau Brah Ndu Ngơi 2023

¹ Y-Samuel lah ma Y-Sôl: “Brah Yêhôva prơh gâp hăn tŏ dak ƀâu kah ma may gay chiă uănh ma phung Israel jêng phung ƀon lan Păng. Pônây aƀaơ, gŭ iăt hom nau Brah Yêhôva lah.

I Samuel 15:1 Iomraidhean Croise

II Phung Hađăch 7:1

Y-Êlisê lah: “Iăt hom nau Brah Yêhôva! Brah Yêhôva lah kơt aơ: ‘Nar ôi taơ, di mông aơ, ta mpông ƀon Samari, pơh lit rnih môi bu mra tăch jât ma nguay gram prăk, jêh ri jât ma puăn lit ba ôrgơ mra tăch jât ma nguay gram prăk.’”

I Samuel 10:1

Y-Samuel sŏk du nông dak ƀâu kah, tŏ ta klơ bôk Y-Sôl, chŭm păng, jêh ri lah: “Mâu di hĕ Brah Yêhôva hŏ tŏ dak ƀâu ma may gay may jêng kôranh chiă uănh dơn drăp ndơ Păng?

I Samuel 12:14

Tơlah khân may klach yơk ma Brah Yêhôva, pah kan ma Păng, iăt tông tĭng nau Păng ngơi, mâu tâm rdâng ôh lĕ nau vay Păng ntăm, tơlah khân may jêh ri hađăch chiă uănh khân may, tông bâr ma Brah Ndu khân may, pôri jêng ueh ngăn ma khân may.

I Samuel 13:13

Y-Samuel lah ma Y-Sôl: “May ƀư nau brŭt moih jêh, mâu djôt prăp ôh lĕ nau vay ntăm bơh Yêhôva Brah Ndu may hŏ ntăm ma may. Nanê̆, Brah Yêhôva hŏ njêng ƀon bri hađăch may nâp n'ho ro ma phung Israel;

I Samuel 9:15

Du nar êlor Y-Sôl tât, Brah Yêhôva hŏ tâm mpơl jêh ma Y-Samuel gĭt:

I Samuel 9:16

“Ôi taơ, di ta mông aơ, Gâp mra prơh du huê bunuyh gŭ ta n'gor Benjamin tât ma may jêh ri may mra mhĭng dak ƀâu kah ma păng gay păng jêng kôranh chiă uănh phung ƀon lan Israel Gâp. Păng mra tâm rklaih phung ƀon lan Gâp tă bơh ti phung Philistin, yorlah Gâp uănh treng jêh phung ƀon lan Gâp, yorlah nau khân păng nter vơl tât jêh ma Gâp.”